JEREMIYA 36:3 - Sumi Naga CL (Re-edited) Bible (BSI)

³ Ishiake Judah lagha ye I no pano shou kütsakungo nike kughu akeu chilu no kümtsü no pano lhoksa lono tsüghü ighi luvi, tishianguno I no pano kipimi xine qhitsü nani.”

BAIBEL (BSI)

³ Ishiake, kughono Juda lo akemiqono ino panoqo shou kutsalekeu kumtsu sughiniye kutope akeu chilunikeno panonguye panoqo laghi lhoksa qhiveno ideighive luvike. Tileno ino panoqo lhoksakugha eno panoqo xine pevetsu nanike.”

JEREMIYA 36:3 Iomraidhean Croise

NEHEMIA 1:9

Ikemu nongu no I lau tsüghü ighi no I zakütsüqo pelu aye, nongu dolo hapheve kemi no atsütsü shekha lo wuve aghi namu, tilauno I no panongu sachile ighi nani eno I je pesü tile apeniye kisheluve ke-a lo panongu hekütsüpe qhinani.’

LESHELE 139:24

Eno I lolo kixikila kiukiumu aghini mala jutsülo; eno lhokta laghi lo I sawulo!

ISAIAH 6:10

Timi hipaqo mlo shikümka lo, panoqo kini kughupove tsü, eno anhethi kighicheve tsülo; tikumo aye panongu no ithulu, chilu eno vethalu no xaide püzü shipivi luve nosake.”

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 18:8

I no ghutuve keu shiye no alhoksa kümla lono xaideve aye, I no amhekiqi kümla shini pi kughuve keu lono I kükümsü kilive nani.

JEREMIYA 23:14

Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 26:3

Ishiake panongu no ini luvi, eno lakhikhi no pano laghi lono xaide ighi luvie, eno pano kümla lhoksa ghenguno I no ahaküsapu kughu akeu süchile luvike.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

EZEKEL 12:3

Timi nu, o ghenguno haphe sawuve kemi toi akho kutolo, eno tsüküvü lono panoqo nhethe lono haphe sawuve kemi paphishi wuvelo. No ye haphe sawuve kemi toi o kungo-a lono a-a kütau lo panoqo nhethe lono wuve lo. Ishiake panongu no hekibide kibolomi lakhi shi aghimu panongu ghi vethaluvi ke.

EZEKEL 18:23

Ni ye kixikilami no pa laghi lono tsüghü ighi no xülu keu lono kumono pa kithi lou no aloqilu cheni keshea? ipi Ampeu Alhou no asheshu.

ZEFANIA 2:3

Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

MATTHEW 13:15

Kughengu timi hipaqo mlo ye kiumu shikalu moae, pano kini ye ini kushughivae, pano nhethi ye miyi luvae, tikumo aye pano nhethi no ithulu, pano kini no chilu, eno pano mlo no ithikuthulu no tsüghü ighi kelo I no panoqo shipivilu nosa kehue.”

Mark 4:12

tishianguno “‘panongu no ithulu animu ithikuthulu pemo, eno chilu animu vethalu pemo niye ke, tikumo aye pano no tsüghü ighi kelo akipimi qhitsülu nosake.’”

Luke 20:13

Tile ampeu no ishi kümsü, ‘Ni ye kiu shiveni kela? I no I qhuu I nu puwuni, panongu ghi pa gihu kepuke.’

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 28:27

Kughengu timi hipaqo mlo ye mamaivae, pano kini ye chimlavae, pano nhethi miyi luvae, tikumo aye pano nhethi no ithulu, akini no chilu eno amlo no ithikuthulu no I lau tsüghü ighi kelo I no shipivi nosa kehue.’

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

ZAKINIU 30:2

nongu eno no tianuli no Ampeu lau ideighi no nongu mlo eno angulho kuchopu pesü hi ishi tsala lo I no azah nongu tsü akeu pelu aye,

ZAKINIU 30:8

Nongu no itaghi Pa gholu kithe eno ishi tsala lo I no azah tsü akeu kümtsü pelu nani.

ZAKINIU 5:29

O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!

2 Peter 3:9

Timi khami no Ampeu ye Paw pikiqhitsa shikupuni keu lo asheshi kepi kihi cheni, ikemu Pa ye asheshi mono nongu lau kheakulu shi ani, Pa ye khuu pelomu pühave penishimo kemu kümtsü pelo xaideghilu penishi kehue.

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”