JEREMIYA 33:12 - Sumi Naga CL (Re-edited) Bible (BSI)

¹² “Aqokitikhi MPEU no ishi piani: Timi na tüghashi namu kühano pighive keu-a hipau lo, eno mishighüna kümtsü lo itaghi ambekhemi no küghüna no ambe loji kulhoqhi tsü nani.

BAIBEL (BSI)

¹² Aqokitikhi MPEU no pike, “Ayeghi hipau asayeqha toikeu lakhi eno khilehi timi momu tughashi lhoxumu kuhakeulo itaghi bherikhemino pano bheriqo sawuno muzalu kepu tsuni anani.

JEREMIYA 33:12 Iomraidhean Croise

ALE KIMCHI 1:7

I ngulho no kimiye chekeu I lomi, I vilo pilo, no ye khileno o tsü-aqu achu kümza eno puchomghü lo khile püzüve cheni kea? Kughengu ni ye agi nhapu chekemi kimihishi o küsami tsü-aqu gholo cheche mlae.

ISAIAH 65:10

Sharon ye lhoxü lojiqo ghenguno achu kümza-a shinani, eno Achor khila ye lhoxü lojiqo no ihozü chekeu qha shive nani; I no hitoi shi I phuighi kemi ghenguno shitsü nani.

JEREMIYA 17:26

Judah phughi lono eno Jerusalem hokümxa lo aphuqo lono timi ighi nani, Benjamin eno kulolau ato ghakhu lono ighi nani, Negeb lono akipti kümllagho ngo aghakishi ngo athi kümllagho eno müsüghüta Ampeu kilo süghi nani.

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

JEREMIYA 31:24

Judah eno mishighünaqo ngo alukichimi eno ambe loji sasü itsü chekemi no kümtsa tile xünani.

JEREMIYA 32:15

Kughengu aqokitikhi MPEU, Israel Lhou no ishi piani: Aghakhu hipau lo aki alu eno atsailu ye qhükithe luni aphie.’

JEREMIYA 36:29

Judah kükau Jehoiakim vilo pilo, ‘Ampeu no ishi piani, Nono ishi pipüzü liküküzü kaku hipau pitivae, “No ye kushiye tipau lo Babylon kükau no mtsüqhei ighi no ayeghi hipau kütsave nani eno timi ngo tüghashi pühave tsü nanie pi yepuku kea?”

JEREMIYA 50:6

“Iw timiqo ye pühave keu mbeqo toivae. Pano khemi no pano saküghüzüvae eno naghutoqo lo pühave peke. Naghuto lono atoghi lo itsüsü wuve, eno panongu ye pano loji kümsümavae.

JEREMIYA 51:62

eno pilo, ‘O Ampeu, Nono a-a hipau ye kütsave nani, hile timi na lhoxü namu kühave nani, eno alholo küghüve nanie pike.’

EZEKEL 36:35

Eno panongu no pi nani, ‘Ayeghi hipau küghüküghalei achekeu ye Eden ghutu toivae, eno kütsave keu, ixapinyi shipüsape akeu mishighünaqo ye itehi ye kümtsü shiqhevae eno küghüna luvae.’

HAGAYI 1:4

“Imaye hi ye nongu ampi no aki kivi lo ngono Ampeu ki huno ixapinyi apeni keu ghuloki keshea?