JEREMIYA 33:11 - Sumi Naga CL (Re-edited) Bible (BSI)

¹¹ alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

BAIBEL (BSI)

¹¹ alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

JEREMIYA 33:11 Iomraidhean Croise

YEKIKITHI ATUGHIU 16:34

Shikimthi keu Ampeu tsülo, kughengu Pa ye aloe; Pa kikimiye ye alholo mtotoi acheni!

YEKIKITHI ATUGHIU 16:8

O Ampeu shikimthilo; Pa je kulo; ashiayeqo pelo Pa kümla ithi pelo!

YEKIKITHI AKINIU 20:21

Kughou pa no timiqo sasü küsütsa luve keno, pa no alephemi khami pelo akimthe phimini pepusü ghüshimi züuno Ampeu lau ale ishi phe penike kishe, “Ampeu lau shikimthi tsülo, kughengu Paw iqemokeu kikimiye ye alholo acheni.”

YEKIKITHI AKINIU 29:31

Tithiu Hezekiah no pi, “Itehi nongu ye kishekimthepe Ampeu lau tsüvae. Aphivilo ighilo; aghakishi eno shikimthi kümllagho pesü Ampeu tsülo.” Ahohomi no aghakishi ngo shikimthi kümllagho pesü tsü, eno pulokinimi no akipti kümllagho ghi pesü ighi.

YEKIKITHI AKINIU 5:13

Afuko küighami ngo alephemi no kümtsa Ampeu lau akishe le ngo shikimthikütsü le phe. Kughou afuko ngo küghapayi eno alebo jeliqo küigha keno alephemi ishi Ampeu shipili, “Kughengu Pa ye aloe, eno Paw iqemokeu kikimiye ye alholo achenie.” Ampeu chineki lo khüngküsü no chhitoive,

YEKIKITHI AKINIU 7:3

Kughou Israelmi kümtsü no ami iqighi keu ngo achineki lo Ampeu juküvü ithulu keno, panongu no agi pishiqhope aghüza lo ngove no Ampeu mlla eno shikimthi ghi pi, “Pa ye aloe, kughengu Paw iqemokeu kikimiye ye alhokupuju acheni.”

EZRA 6:22

Eno panongu no alokivi shi atsala tsüni kutolo Kholaqhi sümokeu Sho Pine ikhilu, kughengu Ampeu no panoqo pelo alovilupe eno Assyria kükau mlo tsüghü sawo panongu gholo alupe, tishikeu lono pa no Israel Lhou, Alhou ki kümla lo panoqo kuphutsü.

NEHEMIA 12:43

Tipa tsalani panongu no aghakishi kije pesü mlla eno alokivi kije lono ikhilu, kughengu Alhou no panongu loshipivi tsüke. Totimi ngo atianuli ghi alokivi shie. Eno Jerusalem lokivi sütsa ye putosüu ghi chilue.

NEHEMIA 8:12

Timi kümtsü no alokivi kije lono chusho eno kütami sasü küsaje nike wokhave, kughengu kiu pi keno panongu no vethaluve ke.

LESHELE 106:1

Ampeu sheqhelo! Shikimthi keu pesü Ampeu tsülo, kughengu Pa ye aloke, Paw iqemokeu kikimiye ye alholo acheni!

LESHELE 107:1

Shikimthi keu pesü Ampeu tsülo, kughengu Pa ye aloe, Paw iqemokeu kikimiye ye alhokupuju acheni!

LESHELE 107:22

Eno panoqo pelo shikimthikütsü ghakishi mlla pelo, eno alokivi le vecheo Pa kümlaqo pitsü pelo.

LESHELE 116:17

I no shikimthikütsü ghakishi O lau mllani eno Ampeu lau inikhuni.

LESHELE 147:13

Kughengu Pa no Ow khagho khaduqo shikumto tsüke; Pa no o kibo lo o nuliqo kümgha tsüe.

LESHELE 85:7

Ow iqemokeu kikimiye ningu piye tsülo, O Ampeu, eno Ow xakulu ningu tsülo.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 52:8

O phughi ghukhemi sütsa—panongu no ighamku ani, panongu no alokivi le phe ani; panongu nhethi ampi noAmpeu no Zion lo idewoche keu ju anie.

ISAIAH 52:9

Alokivi lono igha ale phelo, nongu Zion lo ixapinyi akeqo, kughengu Ampeu no Paw timiqo lopiqi tsüke; Pa no Zion xachile luvae.

JEREMIYA 16:9

Kughengu aqokitikhi MPEU, Israel Lhou no ishi piani: Julo, o nhethe lono eno o ghuloki lono kunu vüqai eno alokivi sütsa, külapuu eno külaliu lokivi sütsa kishekhave tsü nani.

JEREMIYA 17:26

Judah phughi lono eno Jerusalem hokümxa lo aphuqo lono timi ighi nani, Benjamin eno kulolau ato ghakhu lono ighi nani, Negeb lono akipti kümllagho ngo aghakishi ngo athi kümllagho eno müsüghüta Ampeu kilo süghi nani.

JEREMIYA 25:10

Tinguno alau I no panongu launo alokivi eno amlokiqi ghügha, külapuu külaliu lokivi ghügha, athikütsüghü tu ghügha eno akulu küvü kümtsü kishekhave tsü nani.

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 30:19

Tipaqo lono shikimthikütsü le phe ipeghi nani, alovi akemi sütsa chilu nani. Panongu ye aghulo shimono I no kughuko tsü nani, I no pano gigihupu shitsü nani, panongu ye tülalo monani.

JEREMIYA 30:3

Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

JEREMIYA 32:44

Pisa pesü aluza qhülu nani, Benjamin yeghi lo eno Jerusalem hokümxa lo, Judah mishighünaqo lo eno atoghi lo mishighünaqo lo, Shephelah mishighünaqo lo, eno Negeb lo mishighünaqo lo ayeghi küqhü xakütha shipe qhinani eno jemchi ngo thopi shipe qhinani, kughengu I no pano kinigha tsüchile nani, ipi Ampeu no sheshu.”

JEREMIYA 33:26

Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

JEREMIYA 33:7

I no Judah ngo Israel kinigha athoputho tsü nani, eno pano küxü atüghü lo toi shiqhe tsü nani.

JEREMIYA 7:34

Judah mishighünaqo lo ngo Jerusalem laghila lo akighilhe eno alokivi sütsa, külapuu eno külaliu lokivi sütsa kishekhave tsü nani, kughengu ayeghi ye pighiveni ake.

AMUS 9:14

I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.

JONAH 2:9

Ikemu I no shikimthikütsü sütsa pesü O lau aghakishi shini; I no kiu tushoqhive akeno ti tsüni. Xakulupu ye AMPEUw ke!”

NAHUM 1:7

Ampeu ye aloe, shiluküsa tsala lo sükusho-a; khunono Pa ije cheni keno Pa no ithi ani.

ZEFANIA 3:14

Igha ale phelo, O Zion limi; ighalo, O Israel! Alovilo eno o mlo kuchopu süno ilhe alovilo, O Jerusalem limi!

ZEKHARIA 10:7

Tishino Ephraim ye aghütomi toive nani, atsaiji shove keshi panongu mlo ye alokiqi shi nani. Pano tianuliqo no ti ithulupe alovi nani; pano mlo no Ampeu lau alovi nani.

ZEKHARIA 8:19

“Aqokitikhi Mpeu no piani: Judah lo küami ghenguno aqhi abidiu, apunguu, akütsüniu eno achighiu lo kümvü keu ye alokivi, amlokiqi eno alophalei keu ghulhuqo shi nani. Tighenguno kuchou eno külakishi kimiyelo.

ZEKHARIA 9:17

Kughengu Pa kivi eno Paw jukivi ye kishi kije kelae! Ashothi no apumiqo eno atsaizü kithe no ilimiqo pelo nibonilei lupe nani.

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

Piyeküsü 18:23

akulu küvü ye o lolo no vüipeghi moae, külapuu eno külaliu sütsa mu chilu moae, ayeghi lo ow lhidimi ye ajuaje küami keghi ow küdüu kümla pesü nono shiye kümtsü pishiqhie.