JEREMIYA 32:39 - Sumi Naga CL (Re-edited) Bible (BSI)

³⁹ I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

BAIBEL (BSI)

³⁹ Ino panoqo lau akuxulo akimijipu lakhi pesu tsu nani: ado kumtsulo igihunikeu, tiye panoqo kivipu eno panoqo laghami kivipu ghenguno.

JEREMIYA 32:39 Iomraidhean Croise

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

YEKIKITHI AKINIU 30:12

Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

LESHELE 112:1

Ampeu sheqhelo! Khunono Ampeu gihu cheni, eno Pa zakütsü lo alokiqi shi cheni keno alokivipue!

LESHELE 128:6

O pelo o tianuli tianuli kutolo ithulu peniu! Israel shou aloinokeu apelo!

LESHELE 86:11

O laghi I shikalo, O Ampeu, tishiaye I no Ow kuchou laghi lo checheni; O je sümsa penike I mlo lakhishi tsügha tsülo;

AHOLE 23:17

Axinemi jumine kevilo, ikemu aküxü tivilo tamono Ampeu sükümsa lono xülo.

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

ISAIAH 52:8

O phughi ghukhemi sütsa—panongu no ighamku ani, panongu no alokivi le phe ani; panongu nhethi ampi noAmpeu no Zion lo idewoche keu ju anie.

ISAIAH 65:23

Panongu kümla ye adou shivemo nani, momu kütsakungove nike atianuli punu keu shimo nani, kughengu panongu ye Ampeu no kümghatsü kemi kughukomi shi nani, eno panongu lagha ghi akümghami ke.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

JEREMIYA 32:40

I no panongu sasü lhokta puloshoqhi shinani, Ni ye panongu kivipu kümla shini keu lono tsüghüve monani. Panongu mlo lo I sümsani keu I no sütsü nani, ikehu panongu ye I launo tsüghüve monani.

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

EZEKEL 36:26

I no amlo kithe nongu tsü nani, eno aghungu kithe nongu lolo sütsü nani. I no nongu lolo atu mlo ikhive tsüno ashi mlo pesü tsü nani.

EZEKEL 37:22

I no Israel naghutoqo lo, pano yeghi lo panoqo pesü shiye lakhi shive tsü nani. Akükau lakhi no panoqo kümtsü kükau shinani, eno panongu ye shiye kini momu kükaqha kijetha pesü kini shimove nani.

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 17:21

tishianguno No, Apu no I lolo eno I no O lolo aketoi panongu kümtsü lakhi shilu peni, eno panongu ghi nikujo gholo apeni, tishianguno Nono I puwu kepi ayeghiqha no pülülu penie.

Apostolmi 13:33

Pa no Jisü xüputhu keu vecheo ningu anuliqo lau shikupu tsüe, ti ye Leshele akiniu lo ghi yepüani, “‘No ye I nu, ishi no I no o pu shiluvae.’

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

Apostolmi 3:26

Alhou no now kixikila lono sachile ighi no nongu kümgha tsüniye Pa qeu saputhupe atüghüshi nongu lau puwuke.”

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Rommi 11:16

Asho kümllagho lo amsüu ikhiphetsü chekeu no akimthe shi aghi aye, amqo kuchopu akimthe ake, eno akuhu no akimthe shi aghi aye, alokaqo ghi akimthe ke.

1 Kor. 7:14

Kughengu aküpülü kumo akimi huye pa nipu vecheo akimthe shiluve nani, eno aküpülü kumo anipu huye li kimi vecheo akimthe shiluve nani. Tikumo aye no tianuli ye mithekumo shiniae, ikemu itehi panongu ye ikhikulupu shiani.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

ZAKINIU 5:29

O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!

ZAKINIU 6:2

tishianguno nongu eno nongu nuli ngo atilimi no akhuaye ngo azakütsü I no nongu tsü akeu pelu no aküxü tivilo Ampeu nongu Lhou sümsa eno axüshulu peniye ke.

ZAKINIU 6:24

Ishi ningu no xüake toi Ampeu no ningu püxüpe ni kivipu shitsü niye Ampeu ni Lhou no Pa sümsa lopi azah hipaqo tsüe.

IBRIMI 10:20

pa no nhaqhiphi, ti ye pa phimpi, vecheo ningu ghenguno ala kithe, aküxüpu la lakhi khaqhive tsüae,