JEREMIYA 32:24 - Sumi Naga CL (Re-edited) Bible (BSI)

²⁴ Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

BAIBEL (BSI)

²⁴ “Julo, Babilonmino lekepu yeghi toghi shipesu aphughi sumxavae, tipau leluveniyeke eno panonguno leanike. Aghukishi, akhuava eno kusukinino aphughi pesu panoqo ulo ikiqi iloveni cheni. Nono pivekeu kumtsu kuchou shi shikupu ighinike.

JEREMIYA 32:24 Iomraidhean Croise

SAMUEL AKINIU 20:15

Joab gholo kichemi no ighi no Beth-maacah lo Abel lono pa süho luve. Panongu no aphughi leniye aqo ghepuku, aghukhe-a tile shiqhe, eno aliwo tulaqhive tsüniye hepho ae.

ISAIAH 37:33

“Assyria kükau vehulo Ampeu no ishi piani: Pa ye aphughi hipau lo iloghimo nani, apiji mu kapulomo, azüto pesü kupunu ighimo, momu khasü nike aqoghe shiqhemo nani.

JEREMIYA 16:4

Panongu ye akithipu küsü lono thinani. Panongu kümsü qamo eno shiqhomo nani. Panongu ye ayeghi lo tübatüzü toi nani, azütakikihi ngo akhüava lono pühave nani, eno pano kumo ye aghau ngo tüghashiqo chuqupu shinani.

JEREMIYA 20:5

Tinguno alau, I no Judah kükau, mishighüna hipau eno tile akini, tinhemgha, akughupu mheghi eno Judah kükau küakini kümtsü pesü aghümi u süvetsü nani, panongu no Babylon lo ti xülepe wuve nani.

JEREMIYA 24:10

Panongu eno pano puasüqo tsükeu yeghi lono qhoi kütsaleve moke kutolo I no azütakikihi, püqümiye, eno püsa panongu shou puku nani.”

JEREMIYA 29:17

‘Aqokitikhi MPEU no ishi piani, julo, I no panoqo shou azütakikihi, akhüava, eno püsa puwu ani, eno panongu pesü mubuthi lhoksa, tsüve no chumlave keu toi shitsü nani.

JEREMIYA 29:18

I no azütakikihi, akhüava, eno püsa pelo panongu pape peni, eno ayeghi lo kükaqha kümtsü zülo akümsapu shitsüni, I no panongu hapuwuve keu shiyeqo gholo panoqo pesü angusüpu, akümsapu, aküighüpu, atichepu, eno thoküghapu shitsüni,

JEREMIYA 32:25

Ikeghi O Ampeu Alhou, mishighüna ye Chaldeami tsüveamu Nono I vilo pike, “Pisa pesü alu qhülo eno thopimi qhilo.”’”

JEREMIYA 32:28

Tighenguno Ampeu no ishi piani: Julo, I no mishighüna hipau pe Chaldeami eno Babylon kükau Nebuchadnezzar u lo süve tsüni cheni, panongu no hipau leluve nani.

JEREMIYA 32:3

Judah kükau Zedekiah no pa pesü akughu shive no pi, “Kushiye no ye, ‘Ampeu no ishi piani: Julo, I no mishighüna hipau pesü Babylon kükau u lo süvetsü ani, pa no ti leluve nani’ ipi tungkuptsa pi kea?

JEREMIYA 32:36

“Tighenguno mishighüna khipau ghenguno nongu no, ‘Ti ye azütakikihi, püqümiye, eno püsa ghenguno pesü Babylon kükau tsüvae,’ ipi ani keno, itehi Ampeu, Israel Lhou no ishi piani:

JEREMIYA 32:5

Pa no Zedekiah sasü Babylon lo wuve nani, eno I no pa xuju moke kutolo pa ye tile anani, Ampeu no sheshu. Nono Chaldeami mjochile namu no ye tomla nani.’”

JEREMIYA 33:4

Kughengu mishighüna lo aki eno Judah kükami ki kütsave keqo pesü leighi kemi no amoqhe puku akeu eno pano zütakikihi lono sükusho luniye akeu ghenguno Israel Lhou, Ampeu no ishi piani:

JEREMIYA 34:17

“Tighenguno Ampeu no ishi piani: No ye I gholu ghi athiküzümi eno akisüghümi lau kuqhokiphe pikülha move; julo, I no azütakikihi, püsa, eno püqümiye lono ikiqiveni keu kuqhokiphe pesü o kütüghü ani, ipi Ampeu no sheshu. I no o pesü ayeghi lo kükaqha kümtsü lau kümsapu shitsü nani.

JEREMIYA 52:4

Zedekiah yepe mpe atokuu, aqhi achighiu, atsala achighiu lono Nebuchadnezzar no paw ghüshimi kümtsü sasü ighi no Jerusalem leighi no khasü luve. Panongu no aqoghe shipukuve.

JEREMIYA 52:6

Aqhi abidiu atsala atokuu lo aphughi lo püqümiye akumou shive no timiqo ye achuqupu kühave.

JEREMIYA 6:6

Kughengu aqokitikhi MPEU no ishi piani: “Jerusalem khasüni ke asüboqo yeqhi no li homxa amoqhe pukulo. Mishighüna hipau ghime masae; li lolo timi qhasü keu nguno alau kütau kiumu kühae.

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 21:22

Shoxü ilokepu sübolu ghope qhi, ghiqhini ke ghenguno akichi xükho, ighamkuni ke asütsa süqhe, khagho shoxü ilo kepu sübolu ghope qhi, ayeghi xapuwo amoqhe puku, leluveni ke aqogheqo shiqhe pukuni ke ghenguno pa u ajeu no Jerusalem ghenguno asaqhilue.

EZEKEL 21:27

Ixapinyi, ixapinyi, I no tipau ixapinyive tsü nani. Küghakütha ye milakhi khuuw keno pa no ighi moke kutolo, hipau ghi tishi pemo nani, eno I no tipau pa tsüve nani.

EZEKEL 26:8

Pa no azütakikihi pesü aphughi mta lono nongu ngaqo ghiqhive nani. Pa no o lenike khasüni keu tupikiye kuto nani eno amoqhe puku nani, eno azüto kumtoqo pesü o mjochile nani.

EZEKEL 4:2

Tipau leluveni keu kümla shilo, atupi yepuku lo, eno ayeghi pekumqope qhilo. Tipau bothape aphiki shilo, ti shopho ilo kepu sübolu pesü vehomxa qhilo.

HABAKUK 1:10

Panongu no kükamiqo phimo, eno yepemiqo junuqhi. Aliwo kümtsü panongu no junu, kughengu panongu no ayeghi xapuwo amoqhe no leluve.

ZEKHARIA 1:6

Ikemu I tsa eno I yezah khikhi I no I qemi tungkupmi azah tsü keno tipaqo no nongu puasüqo züthave ke kumo? Tileno panongu no xaide no pi, ‘Aqokitikhi Mpeu no ni laghi eno ni kümlaqo ghenguno ningu lau kiu shiniye akeno Pa kimji kiqi lono shivae.’”

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.