JEREMIYA 32:17 - Sumi Naga CL (Re-edited) Bible (BSI)

¹⁷ ‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

BAIBEL (BSI)

¹⁷ “AMPEU Alhou, nono okuka kije eno okumto pesu ayeghi ngo atsutsu mlake; oghenguye kiumu kupunakeu kuhae.

JEREMIYA 32:17 Iomraidhean Croise

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

KUKAMI AKINIU 19:15

Pa no Ampeu zülono inikhu no pi: “O Ampeu, Israel Lhou, Cherubim shou iqa akeu, ayeghi lo kükaqha kümtsü shou O likhi no Alhou ke; Nono kungugha ngo ayeghi lhoke.

KUKAMI AKINIU 3:18

Hi ye Ampeu zülo ye mlalei aphie. Pa no Moabmi ghi nongu u lo süvetsü nani,

NEHEMIA 9:6

“O likhi no Ampeu ke; Nono kungugha eno atsütsü, aqhi ayepu, ayeghi eno tile thokha thime, azüghi eno alou thokha thime, kümtsü lhoke; Nono ti kümtsü püxüpe qhike; eno kungugha lo aküka jeli no O mllae.

JOB 42:2

“I no ithi anike No ye thokha kümtsü shilu nani, eno kiu nomu O kimji hakhave mlae.

LESHELE 102:25

Nono khaghi no ayeghi boqha ghope qhike, eno kungugha ye O u no mla keu ke.

LESHELE 136:12

Pa u kumto eno Pa küka kumto vecheo saipeghi, kughengu Paw iqemokeu kikimiye ye alholo acheni;

IPEKULU 20:11

Kughengu atsala tsügho lono Ampeu no atsütsü eno ayeghi, azüghi eno tile akeqo kümtsü lhoe, eno atsala akütsüniu loye akulhoqhi ke. Tighenguno Ampeu no Sabbath tsala kümghatsü eno tipau pesü akimthe shi qhike.

ISAIAH 42:5

Ampeu Alhou, atsütsü lhophe eno tipau sükhope qhikeu, ayeghi xakhope qhino tile aküxü kümtsü tsükeu; timi kümtsü atuthu tsü, eno aghungu pesü xüküami tsükeu huno ishi pi ani:

ISAIAH 44:24

Ampeu khuu no atita lono nongu lhophe keno, nongu Xachilekuluu no piani: “Ni ye Ampeu, I no thokha kümtsü lhophe ke, I likhi no atsütsü sükhope qhi, I likhi no ayeghi xakhope qhie.

ISAIAH 45:12

I no ayeghi pulhosü eno tile timi jeli lhosüe; kungugha xachho keu ye I u noke, eno atsütsü lo yepu-yesü kümtsü I zakütsü qholo ani.

ISAIAH 59:1

Julo, Ampeu u ye ikholove no nongu xaluni keu tolumo ake kumoe, momu Pa kini ye ipove no nongu sütsa chilumo ake kumoe;

JEREMIYA 1:6

Ikehu I no pi, “Ya, Ampeu Alhou! Julo, ni ye kishi pikepu keno mthae, kughengu ni ye lhothemi shiaphi.”

JEREMIYA 14:13

Ikehu I no pi, “Ya, Ampeu Alhou, tungkupmi no panongu vilo picheni, ‘Nongu ye azütakikihi momu püqümiye mu ithulumo nani, ikemu I no a-a hipau lo aloino keu tsünani.’”

JEREMIYA 21:2

“Ampeu vilo ningu ghenguno ighiju tsülo, kughengu Babylon kükau Nebuchadnezzar no ni sasü aghü shiniye ani. Ishiake Ampeu no Paw akichiqhipu kümla ni lau mlatsü no ni launo pa hachileve tsü luvie.”

JEREMIYA 27:5

“Aküka kije lono eno au xachho pesü ayeghi mlano timi ngo tüghashi tile qhikeu ye I no ke, eno khukhumu I no achipishi ithulu keu lau ayekipe tsücheni.

JEREMIYA 32:27

“Julo, Ni ye Ampeu, timi kümtsü Lhou. I ghenguno kiu kiumu kushokütsü keshea?

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

JEREMIYA 4:10

Ikehu I no pi, “Ya, Ampeu Alhou, kuchou no Nono ishi pikeu lono timi hipaqo eno Jerusalem qhoi pishiqhivae, ‘Hi ye o ghenguno akivi shinani,’ ikemu azütakikihi no panongu shou ikughivae.”

JEREMIYA 51:15

“Ampeu no Pa küka lono ayeghi lhoe, Pa lokütsü lono ayeghiqha lhoqhie, eno Paw vethakulu lono kungugha xachhope qhike.

JEREMIYA 51:19

Jacob Lhou ye tipaqo toimoe, kughengu Pa no thokha lhoe, Israel ye Pa mheghi shiaye ke, Pa je ye aqokitikhi MPEU.

EZEKEL 11:13

Hipa thiu I no tungkuptsa pi akelo, Benaiah nu Pelatiah hupau ye thive. Tithiu I no I gi pishiqho luve no asütsa kuloghi lono qa no pi, “Ya, Ampeu Alhou! No ye Israelmi ghükulumi kümtsü pühaveni keshea?”

EZEKEL 9:8

Kughou panongu no ghiqhi woche keno, ni ye I likhi ae, eno I no I gi pishiqho luve no qa, “Ya Ampeu Alhou, Jerusalem shou O loghu lepuku akelo No ye Israel lo ghükulumi ghi kütsaveni keshea?”

DANIEL 2:22

Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani:

ZEKHARIA 8:6

Aqokitikhi Mpeu no ishi piani: Tsala ghükulumi itehi akeu hipaqo nhethe lo hi no akümzapu shi aghi aye, I nhethe lo ghi akümzapu shikepu keshea? ipi aqokitikhi Mpeu no asheshu.

AKIKIHI 11:23

Ampeu no khochile, “Ampeu u ye ikholove akeshea? I tsa ye o ghenguno kuchou shinani kemo keno nono ithi nani.”

MATTHEW 19:26

Jisü no panoqo jupüzü pi, “Timi ghengu ye kushokütsüpu kemu Alhou ghengu ye thokha kümtsü shilu nani.”

Mark 10:27

Jisü no panoqo juno pi, “Timi ghengu ye shikümlapue, ikemu Alhou ghengu ye kumoe. Kughengu Alhou ghengu ye thokha kümtsü shikulupu likhie.”

Luke 1:37

Kughengu Alhou gholo ye tokümlapu kiumu kühae.”

Luke 18:27

Ikemu pa no khochile, “Timi zülo kiu no tokümlapu keno Alhou züloye shikulupue.”

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

Apostolmi 17:24

Alhou khuu ayeghi eno tile akeu kümtsü lho keno, Pa ye kungugha eno ayeghi Mpeu kehu timi no shikeu chineki lo ngo chemoe,

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”