JEREMIYA 31:9 - Sumi Naga CL (Re-edited) Bible (BSI)

⁹ Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

BAIBEL (BSI)

⁹ Iwu timiqoye qasusu ideighi nani, ino panoqo sachile wochekelo inikhu ghi ighi nani. Aghokiti kudau ino panoqo kichepiye nani, panoqo pelo kupuxalumo kepu alaghi kumdulo sawu nani. Niye Israil lau apuh lakhi toike, eno Efraim ye inu akichiuke.”

JEREMIYA 31:9 Iomraidhean Croise

YEKIKITHI ATUGHIU 29:10

Tighenguno David no aqo küa lono Ampeu sheqhe ghi pi, “Alholo eno pülhapuju ni puasü Israel Lhou, O Ampeu, No ye sheqheküzüe.

LESHELE 107:7

Panongu no ilo küghüna kepu mishighüna tolu moke kutolo Pa no alaghi kümzü lono panoqo sasü wue.

LESHELE 23:2

Pa no I pelo atsüni kümtsha lo ihozüpe. Pa no azü küghüqü phivilo I sawu.

LESHELE 89:27

I no pa pesü anu anoghiu shitsü nani, ayeghi lo kükami nguno akiqheu shipe nani.

IPEKULU 4:22

Tithiu nono Pharaoh vilo pilo, ‘Ampeu no ishi piani, Israel ye I nu anoghiu ke,

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

ISAIAH 43:20

Tüghashiqo no I gihu nani; aghalo tsü ngo ostrich no I gihu nani; kughengu Iw kishekiphe timiqo pelo yelu penike I no timi küghünamo ke-a lo, eno asayeqha lo azü tsüke.

ISAIAH 45:11

Ampeu Israel Lhou Akimtheu, O lhokeu no ishi piani, “Ighini keu vehu I vilo inijulo; no ye I nuli vehu lo eno I kümla vehu lo azah tsü kulupu ani keshea?

ISAIAH 57:14

Hitoi piche nani, “Shiqhelo, shiqhelo, alaghi kutolo, Iw timiqo laghi lono vekhape akeu kümtsü ikhive lo.”

ISAIAH 63:13

Pa no azükutho kachesü panongu sawue, khurshi no asayeqha lo cheke toi, panongu ye kiumu küpxamoe.

ISAIAH 63:16

No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

ISAIAH 64:8

Ikemu itehi O Ampeu, No ye ningu papu ke; ningu ye aghani eno Nono alikümlau ke; Ningu kümtsü Nono mla keqoke.

JEREMIYA 3:19

“‘I no pi, Ni ye kishi o pesü I nuli gholo qhino ayeghi kivi o tsü, shiye kümtsü nguno jukivi mheghi shitsü nishi chekelae. No ye I vilo, I Pu, ipi no I launo idewove monanie pi kümsü ake.

JEREMIYA 3:4

No ye itehi I vilo, ‘I Pu, No ye I lhothe lo küsaue, ipike kumo?

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

JEREMIYA 50:4

“Ampeu no sheshu, tipa ghuloki ighi kelo Israel ngo Judah timi no mloqasü ighi no Ampeu Alhou phu nani.

HOSIYA 12:4

Pa no kungumi sasü kumjo no toluve; eno qa ghi paw kükümgha khue. Pa no Bethel lono Alhou ithilu, tilauno Alhou no ningu pütsae

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

MALAKI 2:10

Ningu kümtsü Apu lakhi anike kumo? Alhou lakhi no ningu lhophe kekumo keshea? Imaye kushiye ningu ye lakhi no lakhi pükhübemla no ningu puasüqow puloshoqhi shipüthave kea?

AKIKIHI 2:18

“Kulola küdau no Ephraim ghazü shino pano loji michipu peni, Ammihud nu Elishama no atou shino

MATTHEW 3:3

Kughengu khaghi Isaiah tungkupu vecheo ishi pikeu ye pa ghenguno ke, “Yenguyi ke-a lo milakhi no ighamku ani: ‘Ampeu ghenguno ala kutolo; pa laghi müzüchoi shitsülo.’”

MATTHEW 5:4

“Khunono mloqa cheni keno akümghapue, kughengu panongu lokughuno tsünani.

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

Luke 6:21

“Nongu khunono itehi müzüthi ani keno akümghapue, kughengu nongu ghapiqi tsü nani. “Nongu khunono itehi mloqa ani keno akümghapue, kughengu nongu ye alovi nu nani.

Rommi 8:26

Tihutoi ningu no miqemlei akelo Aghungu no ni kuphutsü cheni. Kughengu ningu ye kishi inikhu kepu keno mthae, ikeghi Aghungu ampi no atsa lono pikhamla keu mlo ghuju ghügha lono ningu ghenguno qhüiniju tsü cheni.

2 Kor. 6:18

I no nongu Papu shinani, eno nongu no I pu-anga shinani, ipi Akughushu Mpeu no pi ani.”

ZAKINIU 14:1

“Nongu ye Ampeu nongu Lhouw nuliqo ke. Kithimi ghenguno nongu kütsüsa miye moni.

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

IBRIMI 12:13

nongu la müzüchoi shilo, tishianguno apukhu kinitave kemi no ala chepimimo nani ikemu shipivilu nani.

IBRIMI 12:23

Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”