JEREMIYA 31:7 - Sumi Naga CL (Re-edited) Bible (BSI)

⁷ Kughengu Ampeu no ishi piani: “Jacob ghenguno igha ale phelo, eno shiye tomi ghenguno ighamku lo; asheshu lo, akishe tsüno pilo, ‘O Ampeu, Ow timi Israelmi ghükulumi xalulo.’

BAIBEL (BSI)

⁷ AMPEU no piani, “Israil, ashiayehqo gholo akijeu ghenguno alokivishi alephelo. Nonguno shekiqhe le phelo, ‘AMPEU no pawu timiqo xaluvae; khunoqo qhipuaghi keno pano xapheluvae.’

JEREMIYA 31:7 Iomraidhean Croise

LESHELE 106:47

Ni xalulo, O Ampeu ni Lhou, eno shiyeqo dolono ningu hekütsü tsülo, tishiaye ningu ye O kimthe je lono shikimthi keu tsülu nani eno O sheqhe keu lono ajuküvü shilu nani.

LESHELE 126:2

Kunuvüqai keu no ni kichi chhitoive, eno ni kichi lo alokivi ghügha no chhitoi ke; tileno shiyeqo dolono ishi pi, “Ampeu no pano ghenguno thime kije shive tsüae.”

LESHELE 14:7

O, Israelmi ghenguno Zion lono xakulu ipeghi keaye lae! Kughou Ampeu no Paw timi ngukümgha tsüchileni keno, Jacob no alovi pelo, Israel no alokiqi shipelo.

LESHELE 28:9

O, Ow timiqo xalu tsülo eno O mheghi kümgha tsülo! Panoqo kheu shino alhokupuju hiju tsülo.

LESHELE 67:1

Alhou pelo ni küpüqhiyi tsüno kümghatsü peniu eno Pa gi küvü ningu lau yepüvü tsü peniu,

LESHELE 69:35

Kughengu Alhou no Zion xalu nani eno Judah mishighünaqo shiqhe tsü nani, timiqo no tile küghüna eno amheghi shiluve nani;

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 37:31

Judah lagha lo ghükulumi aghi keqo no itaghi aqhou akuhu qüsü no kunguu no axathi pithi nani.

ISAIAH 37:4

O Lhou Ampeu no Rabshakeh, khuu Assyria kükau no aküxüküa Lhou thaigha peniye puwu keno, pa tsa chilu kelo tipau ghenguno sakiyi nani niake; tighenguno ghükulumi aghulo akeqo ghenguno Alhou lau o kighini süqhe tsülo.’”

ISAIAH 44:23

O atsütsü, ale phelo kughengu Ampeu no hi shivae; O aqokutho, ighamku lo! O naghuto, O aghasü eno asübo kümtsü alokivi le phelo! Kughengu Ampeu no Paw timi Israel xalu eno ajekipi shinani.

ISAIAH 52:8

O phughi ghukhemi sütsa—panongu no ighamku ani, panongu no alokivi le phe ani; panongu nhethi ampi noAmpeu no Zion lo idewoche keu ju anie.

ISAIAH 61:9

Pano tikughuko ye shiyeqo gholo ajekipi shi nani; eno panoqo lagha ye timiqo gholo ajekipi shi nani; panoqo ithulu kemi kümtsü no panongu ikhilu nani, eno panongu ye Ampeu launo ighi kemi ipi nani.

JEREMIYA 20:13

Ampeu lau ale phelo; Ampeu sheqhelo! Kughengu Pa no kixikilami u lono kumlhomi küxü xaphelue.

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

JEREMIYA 3:23

Kuchou no atoghi eno naghuto lo kümlaqo ye pishikiqhi eno aküighüpue. Kuchou no Ampeu ni Lhou lau Israel xakulupu ani.”

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

AKUMLO 1:1

Timi chhitoi achekeu ghüna huye kishi yenguyive akela! Shiyeqo dolo kije shi achekeu li huye kishi chimemi lakhi toive akela! Akuaqha lo kükaliu shi ache keu itehi li ye aqüaxeu shivae.

EZEKEL 6:8

“Ikemu I no nongu khami püxüpe qhinani. Kughou nongu khami no azütakikihi lono pokalu no shiyeqo dolo eno aghakhuqo lo apanaghaveni keno

HOSIYA 1:7

Ikemu I no Judah shiaye küpüqhiyi nani, eno Ni Ampeu panoqo Lhou no panongu xalu nani. Ni ye shexilika, azütakikihi, aghükishi, khurshi momu khurshimi vecheo xalumo nani.”

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.

AMUS 5:15

Alhoksa mithi eno akivi kimiyelo, khagho lo achipiu xakütha puthuphelo; tishi aye Ampeu, aqokitikhi Lhou no Joseph lagha lo ghükulumi kimiyeqhiyi lunani.

MICAH 2:12

I no mtsüqheino nongu kümtsü hekütsü nani, O Jacob; I no Israelmi ghükulumi hekütsü nani; Aqokitikhi mbumghu keu no achu kümza-a lo ambeloji toi, ambeqo sasü aki lo hekütsü ketoi I no panoqo hekütsü nani.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

Rommi 11:5

Ikehu ishi ningu ghuloki lou ghi Alhouw küpükini vecheo kishelu keu ghükulumi ani.

Rommi 9:27

Isaiah no Israelmi ghenguno ishi sheshu püani: “Israelmi kikihi no azüghi lo asaye jehi aghi namu, ghükulumi aghulo likhi xalu nani,

ZAKINIU 28:13

Ishi tsala lo I no Ampeu zakütsü nongu tsü akeqo nongu no tsaqüi papelu aye, Ampeu no nongu pelo ashomhi kumono akütsü shipe nani, nongu ye iku nani kethono iqighimo nani,

ZAKINIU 32:43

“O kungugha, Paw timi gholo alovilo; alhou kümtsü no Pa zülo pishiqho lo, kughengu Pa nuliqo jih peleve keu Pa no amkhü lutsü eno Pa ghümi shou amkhülue. Pa no Pa mithi kemi lochile no Paw timi yeghi shikimthe tsü.”