JEREMIYA 31:32 - Sumi Naga CL (Re-edited) Bible (BSI)

³² ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

BAIBEL (BSI)

³² Tipauye ino pano puasuqo au lono sunhepe puzu Ijip lono panoqo saipevekeu ghulokilo panoqo sasu puloshoqhi aqau shikeu toimo nanike. Niye panoqo kimi toi shiakemu panonguno puloshoqhi tipau pemoveke.

JEREMIYA 31:32 Iomraidhean Croise

KUKAMI ATUGHIU 8:9

Puloshoqhi bohu alou kütau ye kiumu küha, ikemu panongu no Egypt lono ipeghi kethiu, Ampeu no Israelmi sasü Puloshoqhi shikeu-a, Horeb lono Moses no atupha kini sükeu likhi ae.

LESHELE 73:23

Ikeghi, ni ye alhokuthu O gholo ani; Nono I u ajeu mtupe ani.

LESHELE 78:37

Panongu mlo ye Pa lau akumto shimoe; panongu ye Paw puloshoqhi lo pükhükulu shimove.

IPEKULU 19:5

Tighenguno itehi, nongu no mtsüqheino I tsa gholu eno Iw puloshoqhi pape aye, nongu ye ayeghi lo timiqo kümtsü dolo Iw akughupu mheghi shi nani, kughengu ayeghiqha kümtsü Iw ke;

IPEKULU 32:8

Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

ALE KIMCHI 8:5

Asayeqha küdau no li lomi mungupe iqhoche keu huye khuu kea? Apple sübo qholono I no o küdaputhuke. O punuu o za ye tileno ihino o punuke.

ISAIAH 24:5

Timi no ayeghi shikitiqevae; kughengu panongu no Alhou yezah, akhuaye eno shekhaha puloshoqhi shikeu hexave ke.

ISAIAH 41:13

Kughengu Ni Ampeu, o Lhou no, o u ajeu sünhepe anike; I no o vilo hi piani, “Msa kevilo, I no o kuphu nani.”

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

JEREMIYA 11:3

Israel Lhou, Ampeu no ishi piani pi panoqo vilo pilo: Puloshoqhi hipau tsa chilumo kemi ye müsüinivae,

JEREMIYA 11:4

ti ye I no Egypt yeghi lo ayi kiyiqibo lono no puasüqo saipeghi kelono azah tsükeu ke. I no pi, I sütsa inilo, eno I no azah tsükeu kümtsü shilo. Tishiaye nongu ye Iw timi shinani, eno I no nongu Lhou shinani,

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

JEREMIYA 22:9

Panongu no khochile nani, “Kughengu panongu no pano Lhou AMPEUw puloshoqhi pheve no kütau lhouqo mlla eno qeuve ke.”’”

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

JEREMIYA 34:13

“Israel Lhou, Ampeu no ishi piani: Ni ampi no Egypt kughuki lono no puasüqo saipeghi kelono panongu sasü puloshoqhi shino pi,

JEREMIYA 34:14

‘Ampe tsüni shekha lo Hebrewmi khunoqo o lau jesüve no ampe tsügho o qeve akeno no ye panongu kuqho pheveni; o kümlapu lono no ye pa pelo ililaive peni.’ Ikemu no puasüqo no I tsa inimo eno panongu kini mu I lau kugho puwomoe.

EZEKEL 16:8

“Kughou I no itaghi o kathawu no o ju ithulu keno, julo, no ye küzüvü kepu do tove aghi, eno I no I kuuphi pesü o phikümsa nhatsüe; I no o lau tushoqhi no o sasü puloshoqhi shie, Ampeu no asheshu, eno no ye Iw shiveke.

EZEKEL 20:37

I no nongu pelo ghaküsü küsü katha wupe nani, eno I no puloshoqhi kütsügha lo nongu saighive nani.

EZEKEL 23:4

Akichiu je ye Oholah eno li tsünipu je no Oholibah. Pama ye Iw shive eno pama no apu-angaqo punue. Pama je ye ishi, Oholah no Samaria, eno Oholibah no Jerusalem.

HOSIYA 11:1

Kughou Israel no itimi shiche keno, I no pa kimiye che, Egypt lono I no I nu kuphelue.

HOSIYA 2:2

“O za lomipi lo— kughengu li ye I nipu kumoe, eno ni ye li kimi kumovae— tishino li pelo kütüqha pemove, eno li pelo asalha tave pelo;

HOSIYA 3:1

Ampeu no I vilo pi, “Israel tianuliqo no kütau lhouqo lau tsüghüsü wuve eno atsaikipki sho kimiyeuve namu Ampeu no panongu kimiye aketoi itaghi wulo, totimi khuu kütami no kimiye ani eno küsalhami shi acheni keno li kimiyelo.”

ACHINE 26:15

eno Iw pimheye ngo akhuayeqo milive no I zakütsü papemo, Iw puloshoqhi kubove aye,

Mark 8:23

Jisü no anhecheu sünhepe aphu khalau ipeve, eno pa no amiti pesü timi nhethi lo sütsü püzü pa u no buno pi, “No ye kiuala ithulu animoe?”

John 3:29

Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

Apostolmi 23:19

Zatsüu no au lono apumi sünhe sawo lomoshi pa vilo ighiju, “No ye I vilo kiu pikepu ani kea?”

2 Kor. 11:2

Ni ye aküpülü lono nongu ghenguno anheshu ani, kughengu athathelimi lakhi pesü akimi lau küsükha tsü keshi ni ye nongu sawo Khristo tsüniye shike.

ZAKINIU 1:31

Apu lakhi no pa nu khape cheke toi, Pa no kishi asayeqha lono nongu xapusü hipa-a kutolo ighi keno nongu no ithuluve ake.’

ZAKINIU 29:1

Horeb lono Ampeu no Israelmi sasü puloshoqhi shikeu gholo itaghi Moab yeghi lono Ampeu no Moses azah tsüno panoqo sasü puloshoqhi shikithe.

ZAKINIU 29:21

Ayezah kaku hipau lo müsüini keu kiqi lono Ampeu no Israel laghami kümtsü zülono pa ghimeni ke kichephe nani.

ZAKINIU 29:24

tile shiye kümtsü no ishi pi nani, ‘Ampeu ye kushiye axuide aghakhu hipau lau hitoi shi kea?’

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

ZAKINIU 31:20

Kughou I no pano puasü lau tushoqhi ketoi panongu sasü akichhizü ngo akhingozü no qowu akeu yeghi lo iloghini, eno panongu no achuqupu chunishi ke thaqhü chuno atha pubeiveni keno, panongu ye tsüghüsü kütau lhouqo mllauve nani, eno I milive no Iw puloshoqhi kubove nani.

ZAKINIU 5:2

Ampeu ni Lhou no Horeb lono ningu sasü puloshoqhi shie.

ZAKINIU 5:3

Ampeu ye ni puasüqo sasü puloshoqhi shike kumoe, ikemu khunoqo ishi hilehi ani keno ningu xüküami sasü shike.

IBRIMI 8:9

ti ye pano puasü no Egypt yeghi lo akelo I no au no sünhe saipeke tsalani no panoqo sasü puloshoqhi shikeu toimo nani. Kughengu panongu no Iw puloshoqhi pulo move kehu I no panongu jukuto moveke, ipi Ampeu no sheshu.