JEREMIYA 31:28 - Sumi Naga CL (Re-edited) Bible (BSI)

²⁸ Hitoi shinani, I no panongu nhüve, peve, xaleqhive, kütsaleve, eno aghüzapu süghi keu shou khekuto ketoi, I no panongu khekuto no shiqhe eno shosü tsünani ipi Ampeu no sheshu.

BAIBEL (BSI)

²⁸ Ino panoqo nhuve, tulaqhi, haleqhi, kutsale eno tulenikelo kutokupui shike toi ino jukutokugho puzu panoqo shosuni eno panoqo xaqhepuku nanike.

JEREMIYA 31:28 Iomraidhean Croise

JOB 29:2

“O khaghi Alhou no I hejukuto cheke ghuloki shiaghi penishie,

LESHELE 102:16

Kughengu Ampeu no Zion shiqheke; Pa no Pa juküvü lono ipeghie;

LESHELE 147:2

Ampeu no Jerusalem shiqhe cheni; Pa no Israelmi hapheve kemi hekütsü cheni;

LESHELE 69:35

Kughengu Alhou no Zion xalu nani eno Judah mishighünaqo shiqhe tsü nani, timiqo no tile küghüna eno amheghi shiluve nani;

JEREMIYA 1:10

I no ishi tsala lono o pesü shiye eno kükaqhaqo shou süsüvae, nhüve eno hephove penike, kütsaleve eno haleve penike, shiqhe eno shosü penike süsüvae.”

JEREMIYA 1:12

Itaghi Ampeu no I vilo pi, “No ye akivishi ithuluvae, kughengu Ni ye I tsa pesü tipau shinike jukuto ani.”

JEREMIYA 24:6

Akivipu ghenguno I nhethi no panoqo shou anani, eno ayeghi hipau lo panoqo sachile saghi nani. Ni ye panoqo xaleqhive mono shiqhe nani, panoqo nhüvemo no shosü nani.

JEREMIYA 32:41

I no pano ghenguno akivi shitsü keu lo alovi nani, I mlo eno I ngulho kuchopu süno panongu pesü ayeghi hipau lo pükhükulu shi shosü nani.

JEREMIYA 32:42

“Ampeu no ishi piani: I no amhekiqi kije hijeje timi hipaqo shou süghike toi I no pano lau tushoqhi püakeu ngukümgha kümtsü panongu lau süghitsü nani.

JEREMIYA 42:10

Nongu no aghakhu hipau lo xüaye, I no nongu sünheqhi mono xaqhe pukuni; I no nongu nhüve mono shosüni; kughengu I no nongu shou kütsakungo süghi keu lo Ni ye amlo ijuvae.

JEREMIYA 44:27

Julo, I no akivi kumono amhekiqi ghenguno panongu jukuto ani. Nongu Judahmi Egypt lo akemi kümtsü azütakikihi ngo püqümiye lono thive nani; ti ye nongu kümtsü kühave moke kutolo tishi nani.

JEREMIYA 45:4

Ikemu Ampeu no ishi piani: Julo, I no shiqhe püakeu xaleqhive nani eno I no shosü püakeu nhüve nani.

EZEKEL 19:12

Ikemu axukighide lono atsaibo pigheve, eno ayeghi lo veqhive; kipela mülhü no tipa xathi fukighichive tsü; tipaqo ye ighive no thizümüive. Abo kumtoqo ye ami no pitive.

EZEKEL 36:10

I no Israel kibolomi kümtsü kughuko tsü nani. Mishighünaqo ye küghünauve nani eno kütsape akeqo-a ye shiqhe puku nani.

DANIEL 9:14

Tighenguno Ampeu no amhekiqi kutope qhive no ningu shou puwu ke, kughengu Ampeu ni Lhou ye Pa no mlakeu kümtsü lo amikuchoe, ikemu ningu no Pa tsa gholu moveke.

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

AMUS 9:14

I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.

ZEKHARIA 8:14

Kughengu aqokitikhi Mpeu no piani: “Kughou nongu puasüqo no I loghu shikighide keno I no küsakusho süghini ye kughu, eno ti süchilemo ketoi,

ZEKHARIA 8:15

hipa ghuloki lo ghi I no Jerusalem ngo Judah lagha lau akivi süghini ye kughuvae; msa kevilo.

Apostolmi 15:16

“‘Hipa thiu I no ideighi no David ki ilaqive keu shiqhe kithetsü nani; Ixapinyi akeu I no shiqhe kithe tsüno athoputho tsüni,

ZAKINIU 30:9

Nongu no mlakeu thokha lo Ampeu nongu Lhou no kinikülü kupukuno shi nongu tsü nani; ti ye nongu tianuli kughuko, pichepighi lhoxü, eno tüxatini lo kümgha tsü nani. Pa no amlokiqi lono nongu puasüqo kinikülü kupukuno shitsü ketoi, itaghi amlokiqi shi nongu lau kinikülü kupukuno shitsü nani.