JEREMIYA 31:10 - Sumi Naga CL (Re-edited) Bible (BSI)

¹⁰ “Ampeu tsa inilo, O shiyeqo, eno putou azüghimkü lo küami vilo sheshulo; ‘Khuu no Israelmi kuthole keno Pa no xukumqo nani, eno ambekheu no aloji khe aketoi pano khekuto nani’ ipilo.

BAIBEL (BSI)

¹⁰ AMPEU no piani, “Ashiayehqo, itsa inilo, eno putosuu azughi phivilo itsa pesu asheshulo. Ino Iwu timiqo haleveke ikemu ino panoqo hekutsu kumqo nani eno bherikheuno pawu bheri loji khekuto keshi ino panoqo khe nani.

JEREMIYA 31:10 Iomraidhean Croise

BOTHUBO 10:5

Hipaqo launo azüghimkü lo küxümiqo ye panoqo yeghi lo pütüta tsapi, alagha eno shiye shisü qhawove.

LESHELE 147:2

Ampeu no Jerusalem shiqhe cheni; Pa no Israelmi hapheve kemi hekütsü cheni;

LESHELE 23:1

Ampeu ye I kheu, ni ye kiumu mlomoe.

LESHELE 72:10

Tarshish lo kükami eno azüghimkü lo küxümi no sükusho süqha pa tsü pelo; Sheba eno Seba lo kükami pelo agho peighi pelo!

AHOLE 27:23

O tsüaquqo pasü ithilo, eno tsaqütsalei jukuto lo,

ISAIAH 24:14

Timiqo no kulolau no Ampeu kükanguagha ghenguno ighamku.

ISAIAH 27:12

Tipa tsala lo Ampeu no Euphrates ghoki lono Egypt ghokiti kutolo athi qhisü no amuu fule nani, eno lakhikhi no nongu Israelmi hekütsü kumqo nani.

ISAIAH 40:1

Iw timiqo lokughuno tsülo, nongu Lhou no piani, alokughuno tsülo.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ISAIAH 41:1

Oh Azüghi mkülo küamiqo, inaqhoi shino I no pikeu inilo, timiqo pelo panongu shikumto kithelu pelo; panongu pelo ighino atsa pipelo; ningu küghakütha ghenguno kumqoni nolo.

ISAIAH 42:10

Ampeu lau ale kithe phelo, ayeghi shekhauno Pa sheqhelo, nongu azüghi lo chekeqo eno tile lhoxü akeqo kümtsü, azüghimkü lo xüküami kümtsü no Pa sheqhelo!

ISAIAH 42:4

Pa no ayeghi lo achipiu xakütha süsü moke kutolo, pa ye angu iqevemo momu aghüthi süvemo nani; eno azüghi mkülo akemi no pa yezah khekulhoshi nani.

ISAIAH 48:20

Babylon lono ipevelo, Chaldea lono povelo, alokivi lono hipau sheshulo; ayeghi shekha kutolo ishi pilo, “Ampeu no Pa qeu Jacob xaluvae!”

ISAIAH 54:7

Atüqhüdo hami I no o qhiveke; ikemu shishe kimiyekini lono I no o sachilelu nani.

ISAIAH 60:9

Kughengu azüghimkü yeghi ye Ni ighini keu laju nani; Tarshish lono zükiluqo paghi ighive nani; Tileno nongu tianuli aghacheu no saighi nani, eno panow ameshoyi ngo ghükayi ghi pesü ighi nani, eno ti ye Israelmiw Akimthe Mpeu je ghenguno saighi nani, kughengu Pa no nongu jukighilepu shive tsüe.

ISAIAH 66:19

Eno I no panoqo gholo amchipu lakhi tsü nani. Eno panoqo gholo ghüluve kemi khami I no shiyeqo lau puwu nani eno I juküvü ghili pesü hipaqo lau pi nani, ti ye shexilika peche kemi shiye Tarshish, Pul eno Lud, eno I jekipi chimla aphikemi, azüghimkü lo akeqo Tubal ngo Javan qhalo.

JEREMIYA 23:4

I no panongu tucho mjoni kemi akhemi qhinani, panongu ye msa kithemo nani, shithüghüive, momu lakhimu pühavemo nani, ipi Ampeu no sheshu.

JEREMIYA 25:22

Tyre ngo Sidon kükami kümtsü, azüghimkü lo kükamiqo;

JEREMIYA 3:15

“‘I no I mlokuchuu ambekhemi nongu tsüni, panongu no akighithi eno vethakulu pesü nongu loji nani.

JEREMIYA 50:17

“Israel ye abongshuu no haleve keu mbe toivae. Atüghüshi Assyria kükau no Israel kütsave, eno itehi Babylon kükau Nebuchadnezzar no panoqo saghi tsachheve tsüae.

JEREMIYA 50:19

I no atsüni kümtsha-a pesü Israel tsüchile nani, panongu no Carmel ngo Bashan lo pekighi chuqupu chu nani eno panongu no chunishi ke thaqhü Ephraim ngo Gilead lono chulu nani.

EZEKEL 11:16

Tighenguno pilo, ‘Ampeu no ishi piani: I no putou shiyeqo gholo panongu puwuve na, aghakhuqo lo panoqo kutholeve puwuve namu itaghi aghakhu khilehi panongu no wuve keno tilau ghi Ni ye panoqo lau achineki lakhi shi achenie.’

EZEKEL 20:34

I no timi hipaqo launo eno aghakhu khile nongu kutholepe ani keno, tilau no au kumto eno au xachhope aloghu lephe keu lono nongu saipeghive no nongu hekütsü luve nani.

EZEKEL 34:12

Ambekheu no ambe hami pa gholo akelono apanaghave keqo phuwu ketoi, I no I mbeqo phuwu nani, eno khüngküsü ngo aküzü kutho tsala lo panongu no khile apanaghave keno tilau no I no panoqo xaphelu nani.

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

EZEKEL 5:10

Tighenguno apunoqo no pano nuli shi chu nani, eno anuliqo no pano papuqo shi chu nani. I no aghime nongu lau süghi nani, eno nongu khukhumu xülu keu ye I no amülhü la lo hale puwuve nani.

EZEKEL 5:2

Leighi ke tsala kupuve kethiu mishighüna mta lono asa kikije küthü lo lakhi pesü ami no pitive lo. Kikije küthü lo lakhi pesü mishighüna vehomxa ghi azütakikihi no ghitha lo. Eno kikije küthü lo lakhi pesü amülhü lono küzale lo, eno I no panoqo papesü I zütakikihi ikhijo luveni.

DANIEL 11:18

Tithiu pa no azüghimkü yeghi küdau pa gi kughopuwo nani eno tipaqo kutomo leluve nani, ikemu zatsüu lakhi no pa qheküza kishekhave tsü nani. Mtsüqheino pa no pa qheküza kümla pa shou shichile nani.

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.

MICAH 2:12

I no mtsüqheino nongu kümtsü hekütsü nani, O Jacob; I no Israelmi ghükulumi hekütsü nani; Aqokitikhi mbumghu keu no achu kümza-a lo ambeloji toi, ambeqo sasü aki lo hekütsü ketoi I no panoqo hekütsü nani.

MICAH 4:6

Tipa tsalani, Ampeu no sheshu, I no ala chemlave kemi hekütsü nani, I no khunoqo hapupove eno ghimeve keno kukumqo nani;

MICAH 5:4

Pa no Ampeu küka eno Ampeu Pa Lhou je kükanguagha lono ithughi no Pa mbeloji kheu shi nani. Panoqo ye sükusho auve nani, kughengu itehi ye ayeghi shekichi kutolo Pa no akighiche shive nani.

ZEFANIA 2:11

Ampeu no panoqo shou aküighüpu süghi nani; kughengu Pa no ayeghi lo lhouqo akhü no pithive nani, eno shiye kümtsü pütüta-a lono, Pa zülo qhoqhü itsaqi nani.

ZEFANIA 3:19

Julo, tipa ghuloki lo I no nongu qhasü chekemi ghimeqhi nani. I no aphiau kinitave kemi xalu eno hapheve kemi hekütsü nani, eno pano kukujo pesü shekiqhe lo süve tsüno ayeghiqha kümtsü ajepipi tsü nani.

ZEKHARIA 10:8

“I no miji panongu kuno hekütsü nani, kughengu I no panongu qhüchile luvae, eno panongu ye püzüu qhemi kutomo shive nani.

ZEKHARIA 2:6

Ithulo! Ithulo! Ahuu yeghi lono povelo, Ampeu no asheshu. Kughengu I no atsütsü lo ako bidi mülhü toi nongu apanagha haleve ke, Ampeu no asheshu.

ZEKHARIA 9:16

Tipani Ampeu panongu Lhou huno Paw timi loji xalu nani; kükakütsüqho lo achiku toi panoqo no Pa yeghi lo vü nani.

Luke 12:32

“Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

John 10:27

I mbeqo no I sütsa chilu cheni, I no panoqo ithi eno panongu no I pape cheni.

John 11:52

eno shiye ghengu likhi kumono Alhou nuli apanagha akeqo kumqo sawo lakhi shini keu ghengu ghike.

ZAKINIU 30:4

Nongu hape ayeghi cheku lo puwuve aghimu tilauno Ampeu nongu Lhou no nongu sawo hekütsü nani.

ZAKINIU 32:26

“I no qhoi panoqo kütsaveni, timiqo mlo lono panongu shipühave tsüni,” ipi ni ye piluni cheke,