JEREMIYA 30:3 - Sumi Naga CL (Re-edited) Bible (BSI)

³ Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

BAIBEL (BSI)

³ Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 30:3 Iomraidhean Croise

EZRA 3:1

Kughou aqhi akütsüniu ighi keno, Israel nuliqo ye mishiphuqo lo ae, eno kümtsü no aqoshi Jerusalem lo hekütsü luve.

EZRA 3:12

Ikemu achinemi ngo Levimi eno ali tomi, kichimi kutomo khunoqo aki atüghüu ithulu püa keno, panongu no aki hipau boqha qhave keu ithulu kelo, kütami kutomo no alovi igha akeghi panongu ye asütsa kuloghi lono qae,

EZRA 3:8

Panongu no Jerusalem lo Alhou kilo ighike mpe akiniu, aqhi akiniu lo Shealtiel nu Zerubbabel ngo Jozadak nu Jeshua pama no pano laghami, achinemi, Levimi eno khunoqo akughu lono Jerusalem lo ideighi keno panoqo sasü achineki huthu. Panongu no Levimi, ampe muku nguno kunguu shive keqo Ampeu ki kümla lo jukütsü penike süküsü shi.

LESHELE 126:4

Negeb lo aghokitiqo toi niw kükümgha kivi tsüchile lo, O Ampeu!

LESHELE 53:6

O, Zion lono Israel ghenguno xakulu ighi keaye lae! Kughou Alhou no Paw timi lau küakini tsüchileni keno, Jacob pelo alovi pelo, Israel pelo alokiqi shipe lo.

JEREMIYA 16:15

ikemu ‘Ampeu xüküau no ahuu ghakhu eno ni haküghütsüve keu ghakhu kümtsü lono Israelmi sachile saighi,’ ipi nani. Kughengu I no pano puasüqo tsükeu yeghi lo panongu sachile ighi nani.

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

JEREMIYA 27:11

Ikemu khuno shiye no Babylon kükau kuokhasü qholo ighi no pa huthuni keno, I no panongu pelo pütüta yeghi lo ngono mla chupe nani, ipi Ampeu no asheshu.”’”

JEREMIYA 27:22

Hipaqo ye Babylon lo xapu wuve nani eno I no panongu xuju moke kutolo tile anani, ipi Ampeu no sheshu. Tishino I no hipaqo süchile süwo hipa-a lo qhikitheve nani.”

JEREMIYA 29:10

“Kughengu Ampeu no ishi piani: Kughou Babylon lo ampe lhotsüni kupuveni keno I no nongu xuju nani, I shoqhi shikupu nani eno hipa-a lo nongu sachile saghi nani.

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 3:18

Tipau tsala lo Judah kibo ye Israel kibo gholo küqha luve nani, eno küqhano ahuu yeghi lono I no nongu puasüqo tsükeu yeghi pesü amheghi shiluve nani.

JEREMIYA 30:10

“Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

JEREMIYA 30:18

“Ampeu no ishi piani: Jualo, I no Jacob phiki kinigha athoputho tsü nani eno pa kungo-a lo kimiyeqhiyi keu anani; mishighüna ye xaleqhive keu shou shiqhe puku nani, eno kükaki ye thosü-a lo puthugho nani.

JEREMIYA 30:4

Ampeu no Israel ngo Judah ghenguno pikeu tsaqo:

JEREMIYA 31:16

Ampeu no ishi piani: “O küqa ghügha tavelo, eno o nhezü kipiji tavelo, kughengu o kümla jume ani, ipi Ampeu no sheshu, eno panongu ye aghümi yeghi lono ideighi nani.

JEREMIYA 31:23

Aqokitikhi MPEU, Israel Lhou no ishi piani: “I no panongu kinigha athoputho tsükelo, panongu no itaghi ghuthu lakhi atsa hipaqo Judah yeghi eno mishighünaqo lo peitha nani: “‘O achipiu mikucho ghüna, O akimthe toghi, Ampeu no o kümghatsü peniu!’

JEREMIYA 31:27

“Julo, Ampeu no sheshu, I no Israel ngo Judah kibo lo timi xüthi eno tüghashi xüthi pesü xusüni keu tsala cheni.

JEREMIYA 31:31

“Julo, Ampeu no sheshu, I no Judah kibo sasü puloshoqhi kithe shini keu tsala cheni,

JEREMIYA 31:38

“Julo, Ampeu no sheshu, Hananel Qoghe lono Acheku Khagho kutolo Ampeu ghenguno mishighüna shiqhe kitheni keu tsala cheni.

JEREMIYA 32:37

Julo, I no I mlokighide, I loghu eno axukighide lono hapupove keqo aghakhu kümtsü lono xukumqo nani, eno I no panongu pelo sükusho lono xülupe nani.

JEREMIYA 32:44

Pisa pesü aluza qhülu nani, Benjamin yeghi lo eno Jerusalem hokümxa lo, Judah mishighünaqo lo eno atoghi lo mishighünaqo lo, Shephelah mishighünaqo lo, eno Negeb lo mishighünaqo lo ayeghi küqhü xakütha shipe qhinani eno jemchi ngo thopi shipe qhinani, kughengu I no pano kinigha tsüchile nani, ipi Ampeu no sheshu.”

JEREMIYA 33:26

Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

JEREMIYA 51:60

Jeremiah no Babylon shou kütsakungo ighi niye akeu kümtsü kaku lo yesüve, atsa hi kümtsü Babylon ghenguno ke.

EZEKEL 20:42

Israel yeghi, aghakhu khikhi I no nongu puasüqo tsüni kepi tushoqhi keno, tile I no nongu saighi kelo nongu no Ni ye Ampeu kepi ithi nani.

EZEKEL 34:13

I no ashiayeqo dolono panongu saipeghi nani, aghakhuqo lono panoqo hekütsü nani, eno pano yeghi lo saighive nani. I no Israel lo naghutoqo, aghokitiqo, eno aghakhu lo küghüna akeu-aqo lono panoqo loji nani.

EZEKEL 36:24

I no shiyeqo launo nongu salu nani eno aghakhu kümtsü lono nongu hekütsü no nongu yeghi lo saighi nani.

EZEKEL 47:14

I no kiu o puasüqo tsünike tushoqhi keno ti ye nongu dolo aqhemi shi kije nani. Ayeghi hipau ye nongu ghenguno amheghi shi nani.

JOYIL 3:1

“Kughengu julo, tipa ghuloki eno atüqhüdo lo kughou I no Judah ngo Jerusalem küakini tsüchileni keno,

ZEFANIA 2:7

Azüghimkü huye Judah lagha lo ghülu kemi sala shive nani, pano tsü-aqu no tile mzachu eno akhemi no kijiliu Ashkelon lo aki akeqo lo ihozü nani. Kughengu Ampeu panongu Lhou no panoqo kümsülu no pano ngukümgha tsüchile nani.

ZEFANIA 3:20

Kughou I no nongu hekütsüni keno tileno I no nongu sasü kümtsa aki lo ighi nani; kughengu ayeghi lo ashiaye kümtsü gholono I no nongu je pipitsü eno sheqhe nani, ti ye I no nongu nhethe lono no küakini tsüchile kelono tishi nani,” ipi Ampeu no pi.

Luke 17:22

Pa no akhopemi vilo pi, “Nongu no Timi Nu do-ghuloki ithuluni shikütü keu tsala cheni, ikemu ti ithulumo nani.

Luke 19:43

Kughengu o ghümi no o bothape aliwo shive no o khasüpe no ako kümtsü lono le iloghini keu tsala ighi nani.

Luke 21:6

Jisü no pi, “Nongu no itehi hile kiu ithulu ani keno atu lakhimu lakhi shou küqape ngomoni keu tsala ighi nani.”

ZAKINIU 30:3

tileno Ampeu nongu Lhou no angukümgha nongu tsüchile nani, eno Pa no apanagha shiyeqo dolo nongu hapuwuve keu amlo ighiqhiyive no sachile ighi nani.

ZAKINIU 30:5

Ampeu nongu Lhou no nongu puasüqo mheghi yeghi lo nongu saghi no nongu pelo tile ngope nani. Eno Pa no nongu puasüqo nguno alau kinikülü ngo atianuli kughuko tsü nani.

IBRIMI 8:8

Ikemu Alhou no ishi pi kelo Pa ye akipimi ithulu püanie: “I no Israel ngo Judah kibolomi sasü puloshoqhi kithe shini keu tsala cheni, ipi Ampeu no sheshu,