JEREMIYA 30:18 - Sumi Naga CL (Re-edited) Bible (BSI)

¹⁸ “Ampeu no ishi piani: Jualo, I no Jacob phiki kinigha athoputho tsü nani eno pa kungo-a lo kimiyeqhiyi keu anani; mishighüna ye xaleqhive keu shou shiqhe puku nani, eno kükaki ye thosü-a lo puthugho nani.

BAIBEL (BSI)

¹⁸ AMPEU no piani, “Ino iwu timiqo pano yeghilo sachilesaghini eno akibokumtsu shou kimiyeqhiyi nani. Jerusalem ye shiqhe kitheve nani, tipaulo kukami kiye thosulo toive nani.

JEREMIYA 30:18 Iomraidhean Croise

YEKIKITHI ATUGHIU 29:1

Tithiu akükau David no kuho akemi kümtsü vilo pi, “I nu Solomon khuu Alhou no kisheluve akeno, pa ye alhothe eno puju-peju keu küha aphi püzü akümlapu no ighono kije shi ani, kughengu aki hi ye timiw kumono Ampeu Alhouw ke.

YEKIKITHI ATUGHIU 29:19

I nu Solomon pelo amlo tsüqhiyi O zakütsü eno ayezah kümtsü pekupulu pelo, tishianguno aki khipau shinike I no kutope qhivetsü akeno, pa pelo ti shiqhilu penike pulo tsülo.”

NEHEMIA 7:4

Jerusalem ye ighono kije ikemu tile küghüna akemi ye kihikulu, eno aki lakhimu shiqhe kithe mono ae.

LESHELE 102:13

Nono ithughi no Zion kimiye nani; hi ye li shou kimiye kepu tüqhüdo ke; kihitha püakeu tüqhüdo ye hike.

LESHELE 102:14

Kughengu O qemi no li tuquqo kimiye cheni, eno li yeghimkhu kimiye cheni.

LESHELE 122:7

O liwo alou külakishi apelo O qoghe alou sükusho apelo!”

LESHELE 48:13

Li ghukhe-a kümtsü jukuto lo, Li kighikiqo katha wulo, tishianguno nongu no hithiu tiqhelimi vilo pi nani

LESHELE 48:3

Liw aliwo dolo Alhou no Pa likhi Pa ye ijekulu aliwo lakhi kepi pephe piyevae.

LESHELE 78:69

Pa no kungugha lo toi Pa kimthe-a mla, alholo ghenguno ayeghi ghope qhike toi Pa no ti iqhikumtoe.

LESHELE 85:1

Ampeu, Nono O yeghi kimiyeqhiyi tsüke; Nono Jacob küakini kükümgha tsüchile.

ISAIAH 44:26

I qemi no asheazü tsa pikeu I no iqhikumto tsü cheni, eno I tsapemi mijekütsü shikupu tsü cheni, I no Jerusalem vehu ishi pi, ‘Tile timiqo küghünauve nani,’ Judah lo mishighünaqo vehu ishi pi, ‘Tipaqo ye shiqheve nani, I no ixapinyi akeqo shiqhe nani’;

ISAIAH 44:28

Khuu no no Cyrus vehu lo, ‘Pa ye I mbekheu, pa no I kimji kupulo kümtsü shikupu tsü nani’; eno Jerusalem vehu lo, ‘Li ye shiqheve nani,’ eno achineki vehu lo, ‘O boqha ye qhave nani,’ ipi kea?”

JEREMIYA 23:3

Tileno I no ghükulumi aghakhu khile panoqo hapuwuve keno ti kümtsü lono hekütsü sawo pano lojilo qhinani, panongu ye pithi kighishe eno alau ikowo nani.

JEREMIYA 29:11

I no nongu ghenguno kughu akeu I no ithi ani, Ampeu no sheshu, akivipu ghenguno thono alhoksapu kumoe, lajupu eno hithiu kivipu nongu tsüniye ke.

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

JEREMIYA 30:3

Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

JEREMIYA 31:23

Aqokitikhi MPEU, Israel Lhou no ishi piani: “I no panongu kinigha athoputho tsükelo, panongu no itaghi ghuthu lakhi atsa hipaqo Judah yeghi eno mishighünaqo lo peitha nani: “‘O achipiu mikucho ghüna, O akimthe toghi, Ampeu no o kümghatsü peniu!’

JEREMIYA 31:38

“Julo, Ampeu no sheshu, Hananel Qoghe lono Acheku Khagho kutolo Ampeu ghenguno mishighüna shiqhe kitheni keu tsala cheni.

JEREMIYA 31:4

I no itaghi o shiqheni, eno o pesü shiqheve nani, O amikuchou Israel! Itaghi nono amqübo ikhipe alokivimi kighilhe shinani.

JEREMIYA 31:40

Akithi kumo khila eno ayevu pele chekeu kümtsü, eno aluza lono Kidron ghokiti, kipelau Khurshi Khagho cheku kutolo, Ampeulau akimthe shinani. Mishighüna ye alholo ghenguno nhüve momu kütsaleve moae.”

JEREMIYA 32:15

Kughengu aqokitikhi MPEU, Israel Lhou no ishi piani: Aghakhu hipau lo aki alu eno atsailu ye qhükithe luni aphie.’

JEREMIYA 32:44

Pisa pesü aluza qhülu nani, Benjamin yeghi lo eno Jerusalem hokümxa lo, Judah mishighünaqo lo eno atoghi lo mishighünaqo lo, Shephelah mishighünaqo lo, eno Negeb lo mishighünaqo lo ayeghi küqhü xakütha shipe qhinani eno jemchi ngo thopi shipe qhinani, kughengu I no pano kinigha tsüchile nani, ipi Ampeu no sheshu.”

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

JEREMIYA 33:7

I no Judah ngo Israel kinigha athoputho tsü nani, eno pano küxü atüghü lo toi shiqhe tsü nani.

JEREMIYA 46:27

“Ikemu O I qeu Jacob, msa kevilo, O Israel, aghüthisü kevilo, kughengu nongu no aghacheu akughu shi ake lono, I no nongu eno nongu polo kiqimi xaphelu nani. Jacob ye ideighi no iqünhei eno ililai xünani, eno khumu pa shikümsa monani.

JEREMIYA 49:39

“Ikemu hithiu ye I no Elam ngukümgha tsüchile nani, ipi Ampeu no sheshu.”

JEREMIYA 49:6

“Ikemu hithiu no I no Ammonmi kinigha athoputho tsü nani, ipi　　 Ampeu no sheshu.”

EZEKEL 36:11

I no timi ngo tüghashiqo o lau kughuko tsü nani, eno panongu no kughuko no athi pithi nani. I no nongu pelo khaghi lo toi küghüna lupe nani, eno püzüu nguno alau nongu lau akivi alau shinani. Tileno nongu no Ni ye Ampeu kepi ithi nani.

AMUS 9:14

I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.

ZEKHARIA 1:12

Ikehu Ampeuu kungumi no pi, ‘O aqokitikhi Mpeu, No ye Jerusalem eno Judah phughiqo shou ampe lhotsüni amloideve ake itaghi khitohi küpükini piye mono ani kea?’

ZEKHARIA 1:16

Tighenguno, Ampeu no pi, Ni ye küpükini pesü Jerusalem lo ideighivae; I ki ye tileno shiqhe pukuni, eno akimghi süta pesü Jerusalem kuchopu mighi nani, aqokitikhi Mpeu no asheshu.

ZEKHARIA 12:6

“Tipa tsalani I no ami kuchughei hipe asü dolo sükeshi Judah laghami pesü aghijini pholo akulu küqüsü nani. Eno panongu no hokümxa lo ashiaye ajeu ngo piyiu akeqo kümtsü kütsave no Jerusalem ye itaghi tipa-a lo küghünauve nani.”

ZEKHARIA 12:7

“Ampeu no Judah phikiqo lau paghi xakulu tsü nani, tishianguno David lagha juküvü eno Jerusalem lo küami juküvü ye Judah kiyeve pemo niye ke.

ZEKHARIA 14:10

Geba lono Jerusalem apeu Rimmon kutolo ayeghi kuchopu külaqave nani. Ikemu Jerusalem ye Benjamin khagho lono azüu khagho-a, Acheku Khagho kutolo, eno Hananel qoghe lono akükau tsaithi qocheke-a kutolo, chuqumghai pa-a lo anani.