JEREMIYA 30:16 - Sumi Naga CL (Re-edited) Bible (BSI)

¹⁶ Ikehu o kütsave kemi kümtsü kütsave nani, eno o ghümi kümtsü akughu lo wuve nani; khunono o pükaqhi keno pano pükaqhi nani, o tsüchu kemi I no tsüchuve nani.

BAIBEL (BSI)

¹⁶ Ikemu itehiye, nongu tsukuchumi kumtsu tsuchukhave nani, eno noghumi kumtsu akughumi shi sawuve nani. Nongu qoda chekemi kumtsu qoda qhive nani, nongu xulepu wuve kemiqo kumtsu xulepu wuve nani.

JEREMIYA 30:16 Iomraidhean Croise

LESHELE 129:5

Zion mithi chekeqo kümtsü akukujo lo ilove no idechile wove pelo!

IPEKULU 23:22

“Ikemu nongu no kutokupui pa tsa ini aye eno I no pikeu kümtsü shi aye, I no nongu ghümiw aghümi shi nani, eno nongu mjochile chekemi mjochile nani.

AHOLE 22:23

kughengu Ampeu no panongu she petsüni aphi eno pano pükaqhi püakemi küxü luve tsüni aphike.

ISAIAH 14:2

Ashiayeqo no Israelmi sasü pano yeghi lo ighi nani, eno Ampeu yeghi lo Israel laghami no ashiayeqo aqüaxemi shi saluve nani. Inahuu khunono pano qhasü eno nedaqoda püa keno, itehi ye pano no tipaqo shou ayepe nani.

ISAIAH 33:1

Khunomu o theqhive mphi keu, no kütsakungo kicheu, khunomu o thechuve mphi keu, no thekuchuu ghenguno ahae! Kughou nono kütsakungo taveni keno o küghape kütsave nani; eno kughou nono thechu taveni keno o pesü thechuve nani.

ISAIAH 54:15

Khuana no nongu leighi aye, pa ye I launo kumoe; khukhumu o sasü kumjo keu ye o vecheo ikiqive nani.

ISAIAH 54:17

Kiu ghünanu mu o ghüzamla nani; eno atsa kükügha lo o nguku kemi kümtsü shou nono ghechilelu nani. Hi ye Ampeu qemi mheghi ke, eno I launo ighi keu xaphekulupu küka ke, ipi Ampeu no piani.

JEREMIYA 10:25

O mtha keu shiyeqo shou, O je kumo kemi shou, O loghu lepuku lo, kughengu panongu no Jacob munovae, qhoi pa munovae, eno pa kungo-a ye kümsa shivae.

JEREMIYA 12:14

I kisüghümi lhoksami khunono I no Iw timi Israel tsüve keu mheghi luvetsü keno, pano ghenguno Ampeu no ishi piani: “Julo, I no ayeghi lono panongu nhüve nani, eno panongu gholono Judah kibo nhüve nani.

JEREMIYA 2:3

Israel ye Ampeu lau akimthe shiche, Paw ghilelo xathi amsüu. Ti chukemi kümtsü küqüve; pano shou ahaküsapu ikughive, ipi Ampeu no sheshu.”

JEREMIYA 25:12

Tishino ampe lhotsüni kupuve kethiu I no Babylon kükau eno tipau shiye, Chaldeami yeghi ghime nani, pano kipimi ghenguno alholo ayeghi pighive tsü nani, ipi Ampeu no sheshu.

JEREMIYA 30:15

O ghüza ghenguno no ye kushiye igha ani kea? O küsü ye shipivimlae. O kipimi no kije kehu, o xine no kutomo kehu, I no thime hipaqo o lau shivae.

JEREMIYA 50:28

“Asütsa lakhi! Ampeu ni Lhou no Pa chineki ghenguno amkhü luniye akeu Zion lono sheshu nike panongu no Babylon lono pokasü wuvae.

JEREMIYA 8:16

“Dan lono khurshiqo no igha keu chilu ani; panongu no ngosü mlano akeu sütsa no ayeghi süküghütha ani. Panongu no mishighüna lo ighi no ayeghi eno tile küakini akeu püghave tsüae.

AKUMLO 1:21

“Panongu no I küsü ghügha chilu kemu khunomu I lokughuno tsüni kemi kühae. I ghümi kümtsü no ti chiluvae; Nono hipau shivae pi panongu ye alovi anie. Nono sheshuke tsala lono saghivae; itehi ye panoqo ghi I toive pelo.

AKUMLO 1:22

“Panow küsakügha kümla kümtsü O zülo süghi pelo, eno Nono I xineqo ghenguno I ghime ketoi panoqo ghimelo; kughengu I küsü ghügha ye kutomo eno I mlo ye hauve anie.”

EZEKEL 29:6

Tileno Egypt lo küxümi kümtsü no Ni ye Ampeu kepi ithi nani. “Nono Israel kibolomi ghenguno ayeghü küsü shike ghenguno

EZEKEL 35:5

Kughengu nono pülhapuju aghümi shi acheni eno Israelmi mhekiqi tsalani eno panow ashekhau ghime sholuke tsalani nono Israelmi pesü azütakikihi küka lau pephe tsüve kehu,

JOYIL 3:8

I no Judah timiqo u lo no tianuliqo jesüve nani, eno panongu no putou akemi shiye Sabeami lau jepuwuve nani, kughengu Ampeu no piqhivae.”

MICAH 4:11

Itehi ye shiye kutomo no hekütsüpe o mjochileni ke piani, “Li shikitiqe lo, ni nhethi no Zion shou jupukuni.”

MICAH 7:10

Tileno I ghümi no ithulu nani, eno khuu no I vilo “Ampeu o Lhou ye khile ania?” ipi keno li ye akukujo no küzüluve nani; I nhethi no li shou jupuku nani; tishino li ye alaghila lo aniba toi nedaqoda nani.

NAHUM 1:8

Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

HABAKUK 2:16

No ye ajekipi züqhulo akukujou no chhitoive nani. Nou no shoalo, eno o phighüyiko ghamo keu piyelo! Ampeu u ajeu akeu jukhu ye idechilesü o lau ighi nani, eno shishe akukujopu no o jekipipu nhavetsü nani!

ZEFANIA 2:8

“Moabmi no thogha junu keu eno Ammonmi no cheqhi keu, panoqo no Iw timi junu eno pano lughi shou aqheküza tsa pikeu I no chiluvae.

ZEKHARIA 1:14

Ikehu kungumi khuu I pütsa akeno pa no I vilo pi, ‘Ighamku lo, aqokitikhi Mpeu no piani: Ni ye Jerusalem eno Zion ghenguno shishe anheshu ani.

ZEKHARIA 1:15

Eno Ni ye ililai akeqo shiye jupe shishe amloide ani; Ni ye kitila likhi amloide akemu panongu no ihulo ghimeve ake.

ZEKHARIA 12:2

“Julo, I no Jerusalem pesü hokümxa lo ashiaye kümtsü lau hevülalai keu jukhu lakhi shi tsüniye ani. Jerusalem leluve aye Judah ghi qhasü luve nani.

ZEKHARIA 14:2

Kughengu Jerusalem sasü aghüshi penike I no shiye kümtsü hekütsü nani, eno mishighüna ye leluve nani, akiqo xulepuwuve nani, eno totimiqo shipüthave nani. Mishighüna lo küami tüxa ye akughu lo sawuve nani, ikemu achili thaqhü ye mishighüna qhimo nani.

ZEKHARIA 2:12

Ampeu no akimthe yeghi lo Pa saje shi Judah ighi luve nani, eno itaghi Jerusalem kisheluve nani.”

ZEKHARIA 2:8

Kughengu aqokitikhi Mpeu no pi, Pa juküvü no nongu xüle pewuve keu shiyeqo lau I puwu kethiu, khuu no nongu buni keno pa nhethi no juküsü shi püakeu buvae:

ZAKINIU 30:7

Ampeu nongu Lhou no hi müsüini keu kümtsü no ghümi khunono nongu ghime keno, tipaqo shou pukuve tsü nani.

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

SAMUEL ATUGHIU 17:53

Israelmi no Philistiami hasü wuno ideighi püzü pano ghazü lheluve tsü.