JEREMIYA 30:14 - Sumi Naga CL (Re-edited) Bible (BSI)

¹⁴ O ngulami kümtsü no o kümsümavae; panongu ye kiumu o tucho movae; I no aghümi toi o ghüzavae, kimiyemo keu ghümi no ghimeqhi keu toivae, kughengu o kipimi ye kije, eno o xine ye kutomo ke.

BAIBEL (BSI)

¹⁴ Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.

JEREMIYA 30:14 Iomraidhean Croise

JOB 16:9

Pa no aloghu lono I süthave no I jumithi, Pa hu tsüghü bubushi eno anhethi xukidepe I juke.

JOB 19:11

Pa no I shou no Pa loghu küiqü eno I pesü Pa ghümi toi kihi ani.

JOB 30:21

Nono I lau ayiküsa shino O kumto pesü I pishipujue.

LESHELE 107:17

Khami ye pano xine laghiqo vecheo mbomzü shive, eno pano kipimi vecheo aghime shi süve;

ISAIAH 57:13

Kughou nongu no ighamkuni keno, nongu no ajulho kütsüpe püakeqo pelo nongu xaphetsü pelo! Amülhü no tipaqo fupesü wuve nani, atuthu no tipaqo fupesü wuve nani. Ikemu khunono I pükhü cheni keno ayeghi lo xülu nani eno I kimthe naghuto ighilu nani.

JEREMIYA 14:17

“Atsa hipau pesü panongu vilo pilo: ‘Putho pucho I nhethi lono tamo mithe anhezü qopelo, kughengu Iw timi ngaqo ye aghüza kitikhi shi imevae.

JEREMIYA 2:36

Ghuthu khijehi no ye o laghi kilive acheni kelae! Assyria no o shikukujo ketoi Egypt no o shikukujo nani.

JEREMIYA 22:20

“Lebanon lo iqho no igha lo, Bashan lono o sütsa süqhelo; Abarim lono ighamku lo, kughengu nono kimiye chekemi kümtsü kütsavae.

JEREMIYA 22:22

Amülhü no ow ambekhemi kümtsü fusawuve nani, o sakuphumi kümtsü akughu lo sawuve nani; tileno now küsakügha ghenguno nono kujove no atiche punani.

JEREMIYA 30:15

O ghüza ghenguno no ye kushiye igha ani kea? O küsü ye shipivimlae. O kipimi no kije kehu, o xine no kutomo kehu, I no thime hipaqo o lau shivae.

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

JEREMIYA 32:30

Kughengu Israel ngo Judah tianuliqo ye pano lhothe lono ishi kutolo I nhethe lo alhoksa kümla likhi thono kütau kiumu shi püamoe. Panongu ye pano u no mlakeu pesü I mlo shikighide keu nguno alau ye kiumu mla püamoe, ipi Ampeu no sheshu.

JEREMIYA 32:34

Panongu no I je lono ku keu ki shikitiqe nike aphikümqhüpu julho ghopeqhi.

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 38:22

Julo, Judah kükau kilo akemi totimi kümtsü sasü Babylon kükauw hiyampemi lau ipeghi nani, panongu no ishi pi nani, “‘Nono pükhükulu küsami no o pishiqhive no o shou toluvae; itehi o pukhu ye aniba lo ilovae, panongu ye o launo wuvae.’

JEREMIYA 4:30

O no pighive keu, tsülabei keu nanu pepu eno ameshoyi nanu pepusü o nhethi kije shi nudapu akeu kiqi ye kiu kea? Adou lono o jukivipu shi ani. O lojilimi no o thaigha ani; panongu no o küxü phu ani.

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

JEREMIYA 5:5

I no kijemiqo lau wuni eno panongu vilo pini, kughengu panongu ye pano Lhou Ampeu laghi ithi ani.” Ikemu kümtsü no aphiphishi kuokhasü hephove; eno akütsüghaqo kuqhove ke.

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

JEREMIYA 50:42

Panongu no shexilika ngo apiji pecheni; panongu ye ayiküsa eno kimiyekini kühae. Pano ghügha ye azüghi toi igha, panongu ye khurshi sacheni, aghüshi kikithi lono kutope o lau cheae, O Babylon limi!

JEREMIYA 6:23

Panongu no shexilika eno angu kuto ani; panongu ye ayiküsa eno kimiyekini kühae; pano sütsa ye azüghi ghügha toi; O Zion limi, panongu no aghü shiniye kujojo ngoluve keshi khurshi sasü o leniye cheae!”

AKUMLO 1:19

“I no I kimiye chekemi kue, ikemu panoqo no I pishiqhive; I chinemi eno layemiqo ye panoqo kumto püxü kitheni ye achuqupu phuche kelono mishighüna lono pühavae.

AKUMLO 1:2

Anhezü no li gimuchu lono qo ghi puthotsü li ye mloqa ani; li lomiqo dolo khunomu li lokughuno tsüni keu kühae; li küsami kümtsü no li pishiqhipe thechuvae; panongu ye li ghümi shivae.

AKUMLO 2:1

Ampeu no kishi Pa mlokighide lono khüngküsü no Zion nga küzüluve kela! Pa no Israelmiw qhivütsünyi keu atsütsü lono ayeghi lo veqhive tsü; Pa mlokighide tsalani Pa ye Pa pukhu kinepu kümsü mlave.

EZEKEL 23:22

Tighenguno, O Oholibah, Ampeu Alhou no ishi piani: “Julo, nono o lojipumi khunoqo launo inhilai tsüghüve keno I no panoqo xukutho nani eno ako kümtsü lono o lachile penike panoqo saighi nani:

EZEKEL 23:9

Tighenguno, I no li lojipumi Assyriami khunoqo li sasü ghaghu shi akeno panoqo u lo li phesüve tsüae.

DANIEL 9:11

Israelmi kümtsü no O yezah hebideve eno O sütsa chiluni keu milive no kughove ke. Angusü ngo ashoqhi khikhi Alhou qeu Moses Yezah lo yepüani keno tipaqo ni shou lepukuve tsü, kughengu ningu no Pa shou axine shive ke.

DANIEL 9:13

Moses Yezah lo yepüake toi, amhekiqi hipaqo kümtsü ningu shou ikughivae; tishimu ningu ye Ampeu ni Lhouw kikimiye qhüiniju ighimo eno ni kipimi xine lono tsüghüve no Ow kuchou vecheo vethakulu ithi küphalu move.

DANIEL 9:5

ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

HOSIYA 2:5

Kughengu panongu paza ye shupu-salhave; khuu panongu mishi keno li huno akukujopu shike. Kughengu li no pi, ‘Ni ye I lojipumi lau wuniae, panoqo no asho, azü, akülüphi, phepheike phi, thazü eno yekepu pesü I tsü chenie.’

HOSIYA 5:14

Kughengu I no Ephraim lau abongshuu toi nani, eno Judah lagha lau abongshuu lhothe toi nani. Niu no aleqhi shi o sütha pinyive no wuve nani; I no xapu wuve nani eno khunomu xaphe mlave nani.

Obadiah 1:7

O ngulami kümtsü no o lughi kutolo o haphe puwuvae; o sasü külashi ache kemi no o pishiqhivae; panongu no o mhoqhivae; o sho chuche kemi no o zülo alichhe kuto püanie— no ye vethakulu kühavae.