JEREMIYA 3:25 - Sumi Naga CL (Re-edited) Bible (BSI)

²⁵ Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

BAIBEL (BSI)

²⁵ Ninguye akukujo launo ihozuno shikuputhano ninhaluve pelo. Ningu eno nipuasuqoye pulhapuju niLhou AMPEU zulo axine shi chenike. Ninguye khilemu pa zah kutsu papelu chemoke.”

JEREMIYA 3:25 Iomraidhean Croise

LESHELE 106:6

Ningu eno ningu puasüqo ghi axine shivae; ningu ye akipimi shivae; ningu ye küsakügha shivae.

LESHELE 106:7

Kughou ningu puasüqo no Egypt lo ache keno, panongu ye Ow akümzapu kümlaqo kihiju moe; panongu ye Ow iqemokeu kikimiye kupukuno shi akeu kümsülu move, ikemu azüghi, Akuhu Züghi lo cheche kelo panongu no hebideve.

LESHELE 109:29

I ngukube akeqo pelo akukujo pepuve pelo; pano kukujopu no hebephi pepu akeshi pano küzüluve pelo!

AHOLE 13:18

Akükütsütsa milive kemi sala ye athokha eno akukujo, ikemu shikümzü keu ikhilu kemi ye agigihu tsücheni.

AHOLE 5:13

I no Iw shikükami tsa ini move eno I kükütsümi tsa chilu move.

ISAIAH 48:8

Nongu ye khilemu chilu mphi, khilemu ithi mphi, khaghi nomu hipatsa nongu kini lo iloghi mphie. Kughengu I no ithi ake nongu ye pishikiqhimi eno nongu punu mphi lonomu nongu ye hekibidemi ipi kuche ke.

ISAIAH 50:11

Julo, nongu khunono kütami kütsave niye kuchughu, eno kütami ghüza nike akuluqhe küiqü cheni keno, nongu no pechekeu mi küvü eno akulu küqükeu küvü lono chewulo! Nongu ye I u lono küsakusho hi sholu nani, eno aghime lono nongu pepüzüve nani.

JEREMIYA 11:13

O Judah, nongu lhouqo ye now mishighünaqo jehi shivae, eno Jerusalem laghila no khije akeno tijehi Baal lau akümllagho tsünike akiptiaqo shiqhe keu lono akukujopu shivae.

JEREMIYA 12:13

Panongu no ashothi xusü kemu asahu ghilehu; panongu no ime mla kemu kiumu ala shimoe. Ampeu yiküsa mlo kighide ghenguno panongu no panow ghile jupe kujo nani.”

JEREMIYA 14:20

O Ampeu, nino niw kixikila eno ni puasüqo xine piphe ani, kughengu ningu ye O shou axine shivae.

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

JEREMIYA 2:17

Pa no alaghi lo o sawu kelo nono Ampeu o Lhou pheve keu lono hipaqo o shou süghi anike kumo keshea?

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

JEREMIYA 2:26

“Küpkami lakhi küghaluve kelo shikukujo cheke toi, Israel kibo shikukujo nani: panongu, pano kükami, kijemi, achinemi eno tungkupmi,

JEREMIYA 20:18

Ni ye kushiye aghime ithulu eno akukujo lono I küxü asheho niye atita lono ipeghi kea?

JEREMIYA 22:21

Nono kinikülü shi akelono I no o pütsae, ikemu nono pi, ‘Ni ye inimoe.’ O lhothe lono no ye khilemu I tsa lumoe, hi no o laghi ke.

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

JEREMIYA 31:19

Ni ye itsü wuve kemu xaide luvae, eno I kütsüluve kethiu ye I no I lukobo lo hepukuvae; Ni ye kujove eno I shikuchunive, kughengu ni ye I lhothe lo kukujopu xapu ani.

JEREMIYA 6:26

O Iw timi ngaqo, yeqhiyephi pepu no ayevu lo ihilo; anu lakhi likhi keu ghenguno mlo ketoi, kukhukimji shi mloqa lo, kughengu züleno hekiqhimi no ningu shou ikughuni cheni.

JEREMIYA 7:19

Panongu ye I xukutho ani keo? ipi Ampeu no asheshu. Hi ye panongu ampi kukujopu shi anike kumo?

JEREMIYA 8:14

Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

JEREMIYA 9:18

panongu pelo mtazü ni ghenguno mlo pelo, tishiaye ni nhethi lono anhezü qoipeghi nani eno ni nhebo lono anhezü qowu nani.

AKUMLO 5:16

Kükakütsüqho ye ni kütsü lono ikiqivae; nino axine shive kehu ningu ye ahasapuae!

AKUMLO 5:7

Ni puasüqo no axine shive, panongu ye kühavae; nino pano kipimi xapu anie.

EZEKEL 2:3

Pa no I vilo pi, “Timi nu, I no Israelmi, hekibide shiye, khunoqo I ghobide ani keno tipaqo lau o puwu ani. Ishi tsala kutolo panongu eno pano puasüqo ye I hebide ghi axine shivae.

EZEKEL 36:32

I no mla niye akeu ye nongu ghenguno ke kumoe pi ithilo, Ampeu Alhou no asheshu. O Israel kibolomi, nongu laghi ghenguno kujo eno ighü alo.

EZEKEL 44:13

Panongu ye achinemi shi I qenike I kupunu ighimo nani momu Iw akimthe thime khikhi ighono akimthe keno tipaqo kupunu ighimo nani, ikemu panongu ye pano kukujo eno aphikümqhüpu shive keqo xapu nani.

EZEKEL 7:18

Panongu ye yeqhiyephi pepu luvae, akümsa no panoqo küzü luvae. Panoqo gi lo akukujo likhivae, eno panoqo kümtsü aboghe ishovae.

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

HOSIYA 9:10

Asayeqha lo atsaithi toi, I no Israel phulue. Mubuthi kipithi ghuloki lo mububo lo axathi amsüu toi, I no pano puasüqo ithulue. Ikemu panongu no Baal-peor lo ighi no pano pesü akukujopu lo ikhiphepe tsüve, eno pano no küpü chekeu lhou toi aphikümqhüpu shive.

ZEFANIA 1:17

I no timiqo lau aghime süghini, tino panongu ye anhethi kighichemi toi chewu nani, kughengu panongu no Ampeu shou axine shike; panongu ji ye amkhu toi pele nani, eno akumo no tübatüzü toi nani.

Rommi 6:21

Ikemu itehi thime khipaqo ghenguno nongu no kujo ani keno, tipa ghuloki lo nongu ye thime tipaqo launo kiu ala shilu kea? Kughengu thime tipaqo shekuho ye akithi ke.

XAKUTHAMI 2:2

nongu ye hipa ghakhu lo küghüna akemi sasü khilemu puloshoqhi shi kevilo; eno nongu ye panongu kümlla khacheqo tuleqhi khave masae.’ Ikemu nongu no I tsa lumovae. Nongu ye kiu shive akea?