JEREMIYA 3:23 - Sumi Naga CL (Re-edited) Bible (BSI)

²³ Kuchou no atoghi eno naghuto lo kümlaqo ye pishikiqhi eno aküighüpue. Kuchou no Ampeu ni Lhou lau Israel xakulupu ani.”

BAIBEL (BSI)

²³ Nino naghuto toghilo asu atu mllakeuno kiumu nikuphuluni chemoe. Israil kukuphuye niLhou AMPEU lau likhino ighi cheni.

JEREMIYA 3:23 Iomraidhean Croise

LESHELE 3:8

Xakulu ye Ampeuw ke; Ow kükümgha ye Ow timiqo shou apelo!

LESHELE 62:7

I xakulupu eno I juküvüpu ye Alhou lau bepe ani; I kumto tuqu, I süshokulu ye Alhou ke.

AHOLE 21:31

Aghüshi tsala ghenguno khurshi kutope qhicheni, ikemu tokulu ye Ampeu u lo anie.

ISAIAH 10:20

Tipa ghuloki lo Israelmi ghükulumi eno Jacob lagha lo kixiphelu keqo ye pano ghime chekemi shou kumono kuchou lono Ampeu, Israelmiw Akimtheu shou mungu nani.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 43:11

I likhi no Ampeu ke, I nguno xakuluu kütau kühae.

ISAIAH 44:9

Ajulho mlaphe chekemi kümtsü ame kühae, eno panongu no azüvü chekeqo ye ala kühae. Panow thopimi ye ithulu eno chilu chemoe, ikehu panongu ye kujove nani.

ISAIAH 45:15

Kuchou No ye Alhou, No ampi küghütshü chekeu, O Xakuluu, Israel Lhou.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

ISAIAH 63:1

Edom qhalo Bozrah lono chekeu, hughüike phimini pepusü chekeu ye khuu kea? Khuu pa no pepuche keu phimini lo ighono jukighilepu shi ani keno, Pa ye Pa kükakumto lono cheni, “Achipiu-mikucho lono pi akeu eno xalu nike akumtoshi akeu ye Ni ke.”

ISAIAH 63:16

No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

JEREMIYA 14:8

O, No Israel lajupu, aveküsa ghuloki lo xakuluu, kushiye No ye ayeghi lo inami lakhi toi, kicheghüzümi no kijili lakhi ngoke toi ani kea?

JEREMIYA 17:14

I shipivi tsülo, O Ampeu, eno ni ye viluve nani; I xalulo, eno ni ye xaluve nani, kughengu No ye Iw shekiqhe ke.

JEREMIYA 17:2

pano tianuliqo no asübo eno qhemghai keu toghi lo pano kiptia eno Asherim akeqo kümsülu nani.

JEREMIYA 3:6

Akükau Josiah no ayepe akelo Ampeu no I vilo pi: “Israel aküpülü kükühau no kiu mlave akeno, li no kishi ato kiqhe kümtsü lo ikuno asüminipho qholono kütüqha keno no ye ithulu kema?

JEREMIYA 31:7

Kughengu Ampeu no ishi piani: “Jacob ghenguno igha ale phelo, eno shiye tomi ghenguno ighamku lo; asheshu lo, akishe tsüno pilo, ‘O Ampeu, Ow timi Israelmi ghükulumi xalulo.’

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

HOSIYA 1:7

Ikemu I no Judah shiaye küpüqhiyi nani, eno Ni Ampeu panoqo Lhou no panongu xalu nani. Ni ye shexilika, azütakikihi, aghükishi, khurshi momu khurshimi vecheo xalumo nani.”

John 4:22

Nongu no kiu mlla cheni keno nongu ye mthae, ikemu ningu ye nino mlla chekeu ithi ani, kughengu xakulupu ye Jewmi launo ke.