JEREMIYA 3:22 - Sumi Naga CL (Re-edited) Bible (BSI)

²² “Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

BAIBEL (BSI)

²² Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

JEREMIYA 3:22 Iomraidhean Croise

ALE KIMCHI 1:4

I sasü o gholo wuvelo; nikujo mtazü wuvenie. Akükau no I sasü pa chebo lo wue. Ningu no o gholono shishe alovi küqhani; ningu no atsaizü nguno alau o kikimiye lo alovini; ilimiqo no o kimiye chekeu ye achipiloe.

ISAIAH 1:2

O atsütsü, inilo, O ayeghi, akini xükholo; kughengu Ampeu no pi ani: “I no atianuliqo tucho no saputhu, ikemu panoqo no I hebide ke.

ISAIAH 27:8

Nono mighiju no akughukishi pesü pano ghimepu shitsüe; Kipela mülhü toi Pa yiküsa tuthu no panoqo fusawuvepe.

ISAIAH 31:6

O Israelmiqo, nongu no shisheno khuu mjochileve akeno, Pa lau tsüghü ighilo.

ISAIAH 57:17

I no pa shou amlo idevekeu ye pa no aghükha shikeu xine ghenguno ke, tighenguno I no ghimeqhi eno I no amlo ideve no I gi küsüve, ikemu pa no pa mlo iqesü athiu idewove.

JEREMIYA 3:12

Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

JEREMIYA 30:17

I no o shiaji puthotsü nani, eno o ghüzaku shipivi tsünani, ipi Ampeu no sheshu, kughengu panongu no no ye hapheve kemi ipi ku: ‘Hi ye khunomu tucho chemo keu Zion ke!’

JEREMIYA 31:18

Ephraim mloghuju I no chiluvae, ‘Nono I sakiyi, eno ni ye qophe mphi keu mishiti toi ghasü luvae; I sachile ighilo eno ni ye athoputho luve nani, kughengu No ye I MPEU eno I Lhou ke.

JEREMIYA 33:6

Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

JEREMIYA 4:1

“Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

HOSIYA 13:4

Ikemu Egypt yeghi lou no Ni ye Ampeu o Lhou ke; no ye I likhi thono Alhou kütau ithimoe, eno I nguno alau ye xakuluu kütau kühae.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

HOSIYA 14:4

Panongu no pheve keu küpülü I no shipivi tsü nani; I no kümsano kimiye nani, kughengu panoqo launo I mlokighide iqüve ake.

HOSIYA 14:5

Ni ye Israel lau atsüzü toi nani; pa ye lapu toi puipeghi nani; pa ye Lebanon süboqo toi akuhu qüilo nani;

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

JOYIL 2:12

Ampeu no pi, “Itehi nomu nongu mlo tsüqhiyi shino kümvü keu, aküqa eno akumlo lono I lau xaide ighilo;

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”