JEREMIYA 3:19 - Sumi Naga CL (Re-edited) Bible (BSI)

¹⁹ “‘I no pi, Ni ye kishi o pesü I nuli gholo qhino ayeghi kivi o tsü, shiye kümtsü nguno jukivi mheghi shitsü nishi chekelae. No ye I vilo, I Pu, ipi no I launo idewove monanie pi kümsü ake.

BAIBEL (BSI)

¹⁹ AMPEU no pi, “Israil, niye opesu inu shipenishike eno ayeghi kivi otsunishi ani, ayeghiqhalo ayeghi jukiviuke. Niye opelo apuh kepi iku penishike eno ilauno khilemu tsughusu wuve penishimoke.

JEREMIYA 3:19 Iomraidhean Croise

LESHELE 106:24

Tithiu panongu no ayeghi chhigha kivi jukünatha no, eno Pa shoqhi lo pülübe moe.

LESHELE 16:6

I ghuthu ghiphi ye a-a alokepu lo shilue; itsae, ni ye amheghi jukivi ani.

LESHELE 89:26

Pa no I lau ighamku pi nani, ‘No ye I pu ke, I Lhou eno I xakulu tuqu ke.’

AHOLE 3:35

Alokütsümi no agigihupu ighilu nani ikemu mbomzümi ye atiche ithulu cheni.

ISAIAH 63:16

No ye ningu papu ke, Abraham no ningu mtha pinamu, eno Israel no ningu kihimo pinamu, O Ampeu, No ye ningu papuke, khaghi nomu niw Xachilekuluu no O je ke.

ISAIAH 64:8

Ikemu itehi O Ampeu, No ye ningu papu ke; ningu ye aghani eno Nono alikümlau ke; Ningu kümtsü Nono mla keqoke.

JEREMIYA 12:10

Ambekhemi kutomo no I tsailu kütsavae; panongu no I lu qolevae; I no amloqi chekeu lu panongu no yenguyi qhive tsüae.

JEREMIYA 3:17

Tipau ghuloki lo Jerusalem ye Ampeu kükalakhü ipi kunani, Jerusalem lo Ampeu nhethe lo shiye kümtsü tile kumqo nani, panongu ye kuthovi ghi pano mlo lhoksa papemo nani.

JEREMIYA 3:4

No ye itehi I vilo, ‘I Pu, No ye I lhothe lo küsaue, ipike kumo?

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

JEREMIYA 5:7

“Ni ye kishino panongu kipimi qhitsüni kea? No tianuliqo no I kümsümavae eno alhou kumo keqo jeku ashoqhi shivae. I no pano ghakiqipu shi loji kelo panongu no shupu-salha eno küsalhami kilo kumqope ngoe.

EZEKEL 20:6

Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

DANIEL 11:16

Ikemu khuu no mjochile ighi ani keno pa no kiu shinishi ani keno shi nani, eno khunomu pa zülo puthugho mla nani. Eno kütsakungo keu no pa u lo pesü ngono pa no ajuküvü yeghi lo puthugho nani.

DANIEL 11:41

Pa no ajuküvü yeghi lo ighi nani. Qhethonhe chighi piqi no ikiqive nani, ikemu hipaqo ye pa u lono xaphe luve nani: Edom ngo Moab eno Ammonmiw akhoto-a.

DANIEL 11:45

Eno azüghi ngo ajuküvü kimthe naghuto küma dolo aphiki kuloghi shiqhe nani. Ikemu khunomu pa kuphu mono pa ye ashekha shive nani.

DANIEL 8:9

Tipaqo dolo akibo aghulo lakhi ipeghi, tipau ye apeu küdau, kipela eno ajuküvü yeghi küdau shishe kije shi thuipeghive.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

Galatiami 3:26

kughengu aküpülü vecheo Khristo Jisü gholono nongu kümtsü Alhou nuli ake.

Ephesiami 1:5

Pa no ningu pesü anuli shi saluve niye Pa kupulo kimji kiqi lono azünatha Jisü Khristo vecheo ningu kishelu,

ZAKINIU 14:1

“Nongu ye Ampeu nongu Lhouw nuliqo ke. Kithimi ghenguno nongu kütsüsa miye moni.

IBRIMI 10:39

Ikemu ningu ye athiu idewove no pühaveni kemi kumo püzü aküpülü akemi eno Alhou no püxü keqoke.

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,