JEREMIYA 3:12 - Sumi Naga CL (Re-edited) Bible (BSI)

¹² Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

BAIBEL (BSI)

¹² Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

JEREMIYA 3:12 Iomraidhean Croise

BOTHUBO 4:7

Tsala nono achipi shi aye, no ye ikhikulupu shimoni keshea? Eno nono akivi shimove aye, axine ye ahukikha ijepe ani. Tino o shou kaluveni shi ani, ikemu no ye tipau shou theqhi luve masae.”

KUKAMI AKINIU 15:29

Israel kükau Pekah ghuloki lono Assyria kükau Tiglath-pileser no ighi no Ijon, Abel-beth-maacah, Janoah, Kedesh, Hazor, Gilead, Galilee, Naphtali yeghi kümtsü leluve tsü, eno timiqo kughu sasü Assyria lo wuve.

KUKAMI AKINIU 17:23

Ampeu no Pa zülono panongu hapheve moke kutolo panongu no tishike, ti ye Ampeu no Pa qemi tungkupmi vecheo pikeu kiqi lono ke. Hitoi Israelmi ye pano yeghi lono Assyria yeghi lo kügha sawuve no ishi kutolo achephi.

KUKAMI AKINIU 17:6

Hoshea yepe mpe atokuu lo, Assyria kükau no Samaria leluve eno Israelmi küghape Assyria lo sawo Halah lo ngovepe, khami no sawo Gozan ghoki phivilo Habor lo qhive, eno khami no Medes lo mishighünaqo lo ngovepe.

KUKAMI AKINIU 18:1

Elah nu Hoshea Israel kükau yepe mpe aküthüu lono, Ahaz nu Hezekiah no Judah lo ayepelu.

YEKIKITHI AKINIU 29:10

Itehi Ampeu, Israel Lhou sasü puloshoqhi shinike I no xatha luvae, tishianguno Pa xukighide ningu launo tave peni.

YEKIKITHI AKINIU 30:9

Nongu no Ampeu lau xaide aye, no thiküzümi eno atianuli ye pano küghaluve kemi no kimiyeve no aghakhu hipau lo ideighive nani. Kughengu Ampeu nongu Lhou ye küpükini eno kimiyekini, eno nongu no Pa lau xaide aye, Pa ye nongu launo Pa gi tsüghüve monani.”

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 103:8

Ampeu ye küpükini eno kimiyekini, asheshi no amloide eno iqemokeu kikimiye no chhitoi.

LESHELE 103:9

Pa ye alhokuthu sakiyi chemo, Pa ye alholo amloide chemoe.

LESHELE 145:8

Ampeu ye küpüqhiyi eno kimiyeqhiyi ke, asheshi no amloide cheni eno iqemokeu kikimiye no chhitoie.

LESHELE 79:5

Ampeu, khitohi kea? No ye alholo amloide anani kea? O nhekushu ye ami toi iqüni keshea?

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

ISAIAH 31:6

O Israelmiqo, nongu no shisheno khuu mjochileve akeno, Pa lau tsüghü ighilo.

ISAIAH 44:22

I no khüngküsü toi o kipimi nuxave tsü nani eno akimhi toi o xine pevetsü nani; I lau ideighi lo kughengu I no o xachile luvae.

JEREMIYA 11:6

Ampeu no I vilo pi, “Atsa hi kümtsü pesü Judah lo mishighüna eno Jerusalem laghila lo sheshulo: Puloshoqhi hipau tsa chilu no papelo.

JEREMIYA 12:15

Panongu nhüve kethiu I no itaghi panongu shou kimiyeqhiyi nani, eno I no itaghi pütüta mheghi yeghi lo saghi nani.

JEREMIYA 23:8

ikemu ishi pi nani, ‘Ampeu xüani ke Pa no haküghütsü puwuve keu ghakhu eno ahuu ghakhu lono Israel kibolomi saipeghi.’ Tishino panongu ye pano yeghi lo xüsülu nani.”

JEREMIYA 3:1

“Milakhi no pa nipu pheve no li no kütami nipu shive aye pa ye li lau idewulu nani keshea? Ayeghi tipau ye kümzapu shi shipuqove nanike kumo? No ye alojipumi kutomo sasü kütüqhave eno I lau ideighini keshea? Ampeu no asheshu.

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

JEREMIYA 3:18

Tipau tsala lo Judah kibo ye Israel kibo gholo küqha luve nani, eno küqhano ahuu yeghi lono I no nongu puasüqo tsükeu yeghi pesü amheghi shiluve nani.

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

JEREMIYA 3:5

Pa ye alhokuthu amloide eno alholo axuide anani keshea?’ Nono pive akemu no ye shiluke thaqhü alhoksa kümtsü shivae.”

JEREMIYA 3:7

‘Li no hipaqo shive kethiu I lau ideighi nani pi I no kümsüe,’ ikemu li ye ideighi moe, liw pishikiqhi kümla ye li tsünipu Judah no ithuluvae.

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

JEREMIYA 31:20

Ephraim ye I nu I qhuu I no kimiye chekeu ke kumo? Kughengu I no ghuthu khije pa lachile pini keno tijehi pa kümsülu acheni. Ikehu I mlo no pa laju acheni; Ni ye kuchou no pa kimiyekütü anani, ipi Ampeu no sheshu.

JEREMIYA 31:21

“Ala lo amchipu shipe qhilo; o ghenguno kichekütsü mlalo; nono khipa la lono wuve keno alaghila jukimchi pe qhivelo. Ideighilo, O amikuchou Israel, ow mishighünaqo lo ideighilo.

JEREMIYA 31:8

Julo, I no ahuu ghakhu lono panongu saghi nani eno ayeghi shekha lono panoqo hekütsü nani, panongu gholo anhechemi ngo apukhu kinitave kemi, mishipu akemi totimi eno punu niye akemi, aqo kije küqhano hile ideighi nani.

JEREMIYA 33:26

Ni ye Jacob tikughukomi eno I qeu David ngo pa tikughuko lo timi lakhi kishepe Abraham, Isaac eno Jacob tikughuko shou yepeu shipemoni cheke. Kughengu I no pano kinigha tsüchile no panongu shou kimiyeqhiyi nani.”

JEREMIYA 4:1

“Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

AKUMLO 3:22

AMPEUw iqemokeu kikimiye ye khilemu tave chemoe; Paw küpükini ye khilemu kishekhave chemoe;

EZEKEL 11:17

Tighenguno pilo, ‘Ampeu Alhou no ishi piani: I no timiqo gholono nongu hekütsü nani eno aghakhu khipaqo lo nongu kutholeve puwuve keno tipaqo lono nongu kumqo nani, eno I no Israel yeghi pesü nongu tsü nani.’

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

EZEKEL 39:25

“Tighenguno Ampeu Alhou no ishi piani: Itehi ye I no Israel ngukümgha athoputho tsüni eno Israel kibolomi kümtsü kimiyeqhiyi eno I je kimthe süshoni.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

ACHINE 26:40

“Ikemu panongu no pano eno pano puasü pishikiqhi xine I shou shikeu eno I hebide keu piphe aye,

ZEKHARIA 1:4

No puasüqo toi kevilo, azüu tungkupmi no panoqo vilo igha pi, ‘Aqokitikhi Mpeu no piani, Nonguw küsakügha laghi eno küsakügha kümla lono ideighive lo.’ Ikemu panongu no chiluke kumono I lau amlo tsümoe, ipi Ampeu no asheshu.

ZAKINIU 30:2

nongu eno no tianuli no Ampeu lau ideighi no nongu mlo eno angulho kuchopu pesü hi ishi tsala lo I no azah nongu tsü akeu pelu aye,