JEREMIYA 29:18 - Sumi Naga CL (Re-edited) Bible (BSI)

¹⁸ I no azütakikihi, akhüava, eno püsa pelo panongu pape peni, eno ayeghi lo kükaqha kümtsü zülo akümsapu shitsüni, I no panongu hapuwuve keu shiyeqo gholo panoqo pesü angusüpu, akümsapu, aküighüpu, atichepu, eno thoküghapu shitsüni,

BAIBEL (BSI)

¹⁸ Ino aghukishi, akhuava eno kusukini pesu panoqo hakuqoni cheni, ayeghiqhalo ashiayeh akeqo kumtsuno tipau ithulukelo kichimamave nani. Khipaqhalo ino panoqo halepuwuni keno, panoqo shou kiu shivekeno tipaulo timiqono jukichive eno musave nani. Timino panoqo thaigha nani eno panongu je pesu musuini keu lakhi shi peitha nani.

JEREMIYA 29:18 Iomraidhean Croise

YEKIKITHI AKINIU 29:8

Tighenguno Ampeu loghu Judah ngo Jerusalem shou ikughi, eno Pa no tipaqo lau akümsapu, akichiqhipu, jukünatha kepu shivetsü, ti ye nongu nhethi ghi ithulu anie.

LESHELE 44:11

Nono ningu pesü ghiqhive niye akeu ambe toivepe eno shiyeqo gholo kutholeve.

ISAIAH 65:15

Iw kishekiphemi no müsüini kelo nongu je peitha nani, eno Ampeu Alhou no nongu pithive nani, ikemu Pa qemiqo ye, Pa no aje kithe lakhi tsüve nani,

JEREMIYA 15:4

Hezekiah nu Manasseh, Judah kükau no Jerusalem lo kiu shi keno, tipa ghenguno I no panongu pesü ayeghi lo kükaqha kümtsü lau akümsapu shitsü nani.

JEREMIYA 18:16

pano yeghi pesü akümsapu shitsüe, alholo ghenguno atichepu shivae. Tipau veche kemi kümtsü no thüghüi pano kütsü küngüe.

JEREMIYA 19:8

I no mishighüna pesü akümsapu shivetsü, atichepu thime kughulhove tsü nani. Tipau veche kemi kümtsü no kichimamaive nani eno aghüzaku jukünatha nani.

JEREMIYA 24:10

Panongu eno pano puasüqo tsükeu yeghi lono qhoi kütsaleve moke kutolo I no azütakikihi, püqümiye, eno püsa panongu shou puku nani.”

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 26:6

I no akibo hipau pesü Shiloh toi shitsüni, eno mishighüna hipau pe ayeghi lo shiye kümtsü ghenguno ghukusho shivetsü nani.’”

JEREMIYA 27:8

“‘“Ikemu shiye momu kükaqha lakhino hi Nebuchadnezzar Babylon kükau qemo eno pano kuo lo paw kuokhasü pumo aye, I no shiye tipau kütsave moke kutolo azütakikihi, akhüava, eno püsa pesü ghime nani, ipi Ampeu no sheshu.

JEREMIYA 29:17

‘Aqokitikhi MPEU no ishi piani, julo, I no panoqo shou azütakikihi, akhüava, eno püsa puwu ani, eno panongu pesü mubuthi lhoksa, tsüve no chumlave keu toi shitsü nani.

JEREMIYA 29:22

Pama ghenguno Judah lono Babylon lo akughu shi akemi kümtsü no ghusho keu tsa hipau pi nani: “Babylon kükau no ami lono Ahab ngo Zedekiah pitive ketoi Ampeu no nongu lau tishi tsü peni,”

JEREMIYA 32:24

Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 34:17

“Tighenguno Ampeu no ishi piani: No ye I gholu ghi athiküzümi eno akisüghümi lau kuqhokiphe pikülha move; julo, I no azütakikihi, püsa, eno püqümiye lono ikiqiveni keu kuqhokiphe pesü o kütüghü ani, ipi Ampeu no sheshu. I no o pesü ayeghi lo kükaqha kümtsü lau kümsapu shitsü nani.

JEREMIYA 42:18

“Kughengu aqokitikhi MPEU, Israel Lhou no ishi piani: I no Jerusalem lo küami shou I loghu puku ketoi nongu Egypt lo wuve kemi shou ghi puku nani. Nongu ye ghukushopu, aküighüpu, thoküghapu shive no a-a hipau khilemu ithumlave nani.

JEREMIYA 44:12

Judah lo ghükulumi khunoqo Egypt lo wuno tilau xüuveni shi ani keno, kümtsü kütsave nani. Egypt yeghi lono panongu ye azütakikihi ngo püqümiye lono ikiqive nani. Kijemi kitilami kümtsü azütakikihi momu püqümiye lono thive nani, eno panongu je pesü akumou shoqhi lo peitha nani, pano jukichi nani, eno müsüini cheqhi nani.

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

EZEKEL 12:15

Kughou I no shiyeqo gholo panoqo hale eno aghakhuqo lo panoqo kuthole puwuni keno panongu no Ni ye Ampeu kepi ithi nani.

EZEKEL 22:15

I no shiyeqo gholo nongu kutholeve nani eno aghakhuqo lo nongu hale puwuve nani, eno I no nongu mithekumo kishekhave tsü nani.

EZEKEL 23:46

Kughengu Ampeu Alhou no ishi piani: “Pama lachile kepushi aqokitikhi saghilo eno pama shithüghüi no pükaqhi pelo.

EZEKEL 36:19

I no shiye gholo panoqo kutholeve, eno panongu ye aghakhuqo lo apanagha wuve. Pano laghi eno pano kümla kiqi lono I no panoqo shou küghatha ke.

EZEKEL 5:15

Nongu homxape akeu shiye kümtsü zülo nongu ye atichepu eno thoküghapu, ghutu keu eno msaichi kepu lakhi shive nani, axukighide, amlokighide lono I no aghime nongu shou be nani, Ni ye Ampeu ke; I no piqhivae,

EZEKEL 6:8

“Ikemu I no nongu khami püxüpe qhinani. Kughou nongu khami no azütakikihi lono pokalu no shiyeqo dolo eno aghakhuqo lo apanaghaveni keno

ACHINE 26:33

I no nongu shou azütakikihi süghi no shiyeqo gholo nongu kuthole puwuve nani. No ghakhu eno aphughiqo ye ixapinyi küghüve nani.

AMUS 9:9

“Kughengu Julo, I no azah tsüno shiyeqo dolo Israel shiaye süküthü nani, ti ye akhoje no ijo akeshi ikemu atumüsü mu ijoqhimo nani.

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

ZEKHARIA 7:14

“I no miyitsü lono panongu pesü pano no mthakeu shiyeqo dolo kutholeve ke. Ikehu panongu no qhive keu yeghi ye küghüküghaleive, tishikeu lono khunomu tile nesü move, eno aghüche kivi yeghi ye küghüküghaleive.”

ZEKHARIA 8:13

Nongu ye ghushove kemie pi shiyeqo gholo küghakiche shiveke, O Judah ngo Israel laghami, ikehu I no nongu xalu nani eno nongu ye kükümghau shive nani. Msa kevilo, ikemu nongu u mtotoi lulo.”

AKIKIHI 5:27

Tsala li no shupuve no akimiw pükhükibe kubove aghi aye, azü huno li lolo ilove no kukhukimji küsü süuve nani, li tita no inguuve, alhoa no sükütsüve, eno li ye timi gholo angusüu shive nani.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

ZAKINIU 28:25

“Ampeu no nongu ghümi pelo nongu shou toluvepe nani. Nongu no ala lakhi lono panoqo lewu nani ikemu ala tsüni lono panongu zülono kuhapo nani. Ayeghi lo kükaqha akeu kümtsü no nongu shou kiu shiani keno ithulupe thüghüi nani.

ZAKINIU 28:37

Ampeu no khile nongu puwuveni keno, ashiaye tipaqo gholo nongu ghili akümsapu, ahole, eno atichepu shi kügha nani.

ZAKINIU 28:64

“Ampeu no ayeghi halau no halau kutolo ashiaye jeli gholo nongu apanagha haleve nani, eno tilau nongu ye asüatu lhou, khikhi nongu na no puasüqo namu mtha keno, tipaqo mllauve nani.