JEREMIYA 27:9 - Sumi Naga CL (Re-edited) Bible (BSI)

⁹ Ikehu, now tungkupmi, tuumi, asamo kishimi, asheazü tsa kipimi, momu küdüumi, nongu vilo ‘Nongu ye Babylon kükau qemo nani,’ ipi chekeqo tsa ini kevilo.

BAIBEL (BSI)

⁹ Nowu tungkupumiqo pina momu khuu khumu pano asamouno momu kithimi ghungu kusaghikeu lono momu kuduu lono ighinikeu ghili ashe-azu shi pitsulu nani kepi picheni keno tipaqo tsa ini kevilo. Panongu kumtsuno nongu vilo Babilon kukau qholo ngo kevilo pichenike.

JEREMIYA 27:9 Iomraidhean Croise

IPEKULU 22:18

“Nongu ye küdüu limi pelo xüpe kevilo.

IPEKULU 7:11

Tithiu Pharaoh no alokütsümi ngo küdüumi ku, eno Egypt lo küdüumi ghi panow tuqhou mqü vecheo tipaphi shilue.

AHOLE 19:27

I nu, akükütsütsa ini move aye no ye akighithi tsa vepimive niae.

ISAIAH 8:19

Eno timi no nongu vilo, “Asakiqhimi ngo kithixashemi lau küsütsa julo” ipi kelo, panongu ye pano lhou lau küsütsa kelauke kumo? Panongu ye küxümi züqhushi kithimi lau kighinikile akelau keshea?

JEREMIYA 14:14

Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

JEREMIYA 23:16

Aqokitikhi MPEU no ishi piani: “Tungkupmi no adou lajupu tungkuptsa pesü nongu shepichhi keu ini kevilo. Panongu ye Ampeu launo kumono pano kükümsü lono ipeghi keu kungunhetsü tsa piani.

JEREMIYA 23:25

Tungkupmi no I je lono akimki tungkuptsa ishi pikeu I no chiluvae, ‘I no asamo pumova, I no asamo pumova!’

JEREMIYA 23:32

Julo, Ni ye khunoqo no akimki samo tungkuptsa picheni keno pano mjochile ani, ipi Ampeu no sheshu. Ni ye panongu puwu püamo eno ghutumo keghi panongu no kühakügha kimki lono Iw timiqo vilo pi eno saküghüzü sawu cheni. Ikehu panongu ye timi hipaqo launo kiumu ala shimlae, ipi Ampeu no sheshu.

JEREMIYA 29:8

Aqokitikhi MPEU, Israel Lhou no ishi piani: Nongu gholo tungkupmi ngo atumumi pelo nongu pishiqhive pekevilo, eno panongu no pumo keu samo ini kevilo,

EZEKEL 21:29

panongu no nongu ghenguno kichile kungunhetsü ithulu eno nongu ghenguno akimki saqhi akelo azütakikihi ye shikitiqe kemi kixikilami kuo lo ikughi nani, panoqo ghime ashekhau do, pano tsala ye ighivae.

DANIEL 4:7

Tithiu küdüumi, shiküghüzü kemi, Chaldeami, eno yepu-yesü kighithimi ighi, eno I no asamo panoqo vilo pive, ikemu panongu ye tipau hekupho I pelo ithilupe move.

MICAH 3:7

tungkupmi ye kujove nani, eno pichhotsü chekemi ye akukujopu lo süve nani; Alhou launo khokichile kiumu küha kehu panongu kümtsü akichi kujukhave nani.

ZEKHARIA 10:2

Kughengu akibo lo ajulhoqo no akiqi kühakeu tsa picheni, eno asakiqhimi no akimki ithulu cheni; panongu no kichile samo pi eno abokümsa alopiqitsü keu tsa picheni. Tighenguno timiqo ye ambe toi itsü wuve no akheu küküha ghenguno ghime anie.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

Apostolmi 8:11

Pa no ado kushuo lono paw küdüu pesü panoqo shithüghüi chekehu panongu no pa ikhilu che.

Ephesiami 5:6

Khunomu abokümsa tsa pesü nongu pishiqhipe kevilo, kughengu hipaqo ghenguno hebide kemi shou Alhou loghu ikughi cheni.

ZAKINIU 13:2

eno pa no amchipu momu akümzapu pikeu huno shikupuve, momu nongu no mthakeu lhou vehulo pa no, ‘Ningu kütau lhouqo papeni eno tipaqo huthuni nolo,’ ipi aye,

ZAKINIU 18:14

kughengu shiye hi hapheve niye akeqo ye asheazü tsa kipimi ngo asakiqhimi tsa papeche. Ikemu Ampeu nongu Lhou ye nongu pelo tishi pemoe.

JOSHUA 13:22

Israelmi zütakikihi no ghiqhive kemi gholo asakiqhimi Beor nu Balaam ghi ae.

Piyeküsü 18:23

akulu küvü ye o lolo no vüipeghi moae, külapuu eno külaliu sütsa mu chilu moae, ayeghi lo ow lhidimi ye ajuaje küami keghi ow küdüu kümla pesü nono shiye kümtsü pishiqhie.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.

Piyeküsü 9:21

tike kumono panow ghikiqhi, küdüu kümla, asalha ashupu momu aküpka lono xaide moe.