JEREMIYA 27:14 - Sumi Naga CL (Re-edited) Bible (BSI)

¹⁴ Tungkupmi khunono nongu vilo, ‘Nongu ye Babylon kükau qemo nani,’ ipi ani keno pano tsa ini kevilo, kughengu panongu ye akimki tungkuptsa pi anike.

BAIBEL (BSI)

¹⁴ Tungkupmi khunoqono nongu vilo pa qholo qhoi phesuve tsu kevilopi lakhani keno tipaqo tsa initsu kevilo. Panonguye nongu pishiqhi anike.

JEREMIYA 27:14 Iomraidhean Croise

JEREMIYA 14:14

Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

JEREMIYA 23:21

“Ni ye tungkupmi puwumo keghi panongu no piwuvae; Ni ye panongu pütsamo keghi panongu no tungkuptsa pike.

JEREMIYA 23:25

Tungkupmi no I je lono akimki tungkuptsa ishi pikeu I no chiluvae, ‘I no asamo pumova, I no asamo pumova!’

JEREMIYA 28:15

Tungkupu Jeremiah no Hananiah vilo pi, “Inilo Hananiah, Ampeu ye o puwu püamoe, ikemu nono timi hipaqo pelo akimki tsa shou pükhübe peke.

JEREMIYA 37:19

Ow tungkupmi khunoqo no o vilo, ‘Babylon kükau ye no eno ayeghi hipau leighi monani’ ipi tungkuptsa piche keno, tipaqo ye khilave akea?

JEREMIYA 38:22

Julo, Judah kükau kilo akemi totimi kümtsü sasü Babylon kükauw hiyampemi lau ipeghi nani, panongu no ishi pi nani, “‘Nono pükhükulu küsami no o pishiqhive no o shou toluvae; itehi o pukhu ye aniba lo ilovae, panongu ye o launo wuvae.’

AKUMLO 2:14

Ow tungkupmi no o ghenguno kichile eno pishikiqhi kungunhetsü ithulu; panongu ye o ngukümgha tsüchile peniye o xine pephe tsümoe, ikemu o ghenguno kichile eno sakibide tungkuptsa pitsüe.

MICAH 2:11

Tsala timi lakhino akimki eno pishikiqhi lono, “I no atsaiji eno aji kümka ghili kütsüni,” ipi cheghi aye, pa ye timi hipaqo ghenguno akükütsüu shinani!

ZEKHARIA 10:2

Kughengu akibo lo ajulhoqo no akiqi kühakeu tsa picheni, eno asakiqhimi no akimki ithulu cheni; panongu no kichile samo pi eno abokümsa alopiqitsü keu tsa picheni. Tighenguno timiqo ye ambe toi itsü wuve no akheu küküha ghenguno ghime anie.

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

FILIPIAMI 3:2

Khunono alhoksa kümla, aphi-ashi ghakütha khuaye pecheni keno, ti atsüqo tsükhüi jukuto alo.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae