JEREMIYA 25:9 - Sumi Naga CL (Re-edited) Bible (BSI)

⁹ julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

BAIBEL (BSI)

⁹ ‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 25:9 Iomraidhean Croise

KUKAMI AKINIU 24:2

Ampeu no Pa qemi tungkupmi vecheo pipüa ketoi Jehoiakim sasü aghüshi no Judah kütsakungove penike Ampeu no Chaldea, Syria, Moab eno Ammon ghüshimi puwu.

YEKIKITHI AKINIU 29:8

Tighenguno Ampeu loghu Judah ngo Jerusalem shou ikughi, eno Pa no tipaqo lau akümsapu, akichiqhipu, jukünatha kepu shivetsü, ti ye nongu nhethi ghi ithulu anie.

YEKIKITHI AKINIU 36:21

Ampeu no tungkupu Jeremiah vecheo pi püakeu shikupu ghi ampe lhotsüni kupu moke kutolo, aghakhu no Sabbath kulhokiqhi ithulue; pighive keu do kupuju yenguyive.

AHOLE 21:1

Akükau mlo ye Ampeu u lo aghoki zü aketoi, khilekhile mu Pa gholau no sawu cheni.

ISAIAH 10:5

Aha, Assyria, I loghu lo peitha chekeu qheküsü pano u lo anie!

ISAIAH 13:3

Ni ampi no Iw kishekiphemi azah tsüvae, eno I loghu pepheni ke I ghütomi, I juaje shikütsümi ku kumqovae.

ISAIAH 39:7

Eno o polo kughukomi khami ye tilau sawuve no shoko shi ghi Babylon kükau kükaki lo qhi nani.”

ISAIAH 44:28

Khuu no no Cyrus vehu lo, ‘Pa ye I mbekheu, pa no I kimji kupulo kümtsü shikupu tsü nani’; eno Jerusalem vehu lo, ‘Li ye shiqheve nani,’ eno achineki vehu lo, ‘O boqha ye qhave nani,’ ipi kea?”

JEREMIYA 1:14

Ikehu Ampeu no I vilo pi, “Ahuu no kütsakungo keu ayeghi hipau lo küghüna akemi shou ikughi nani.

JEREMIYA 1:15

I no ahuu kükaqha shiayeqo kukumqo ani, Ampeu no pi, eno panongu no ighi no lakhikhi no Jerusalem khagho kulaghi lo pa kükalakhü süsüpe qhinani, tipau tupi hokümxa kümtsü eno Judah lo mishighüna sükümxa kümtsü bothape qhinani.

JEREMIYA 10:22

Asütsa lakhi ighi ani! Julo, ti ye cheni! Ahuu ghakhu lono Judah phughiqo kütsave tsüno aghalo tsü kungo-a shive tsünike akümsapu kije cheni.

JEREMIYA 12:14

I kisüghümi lhoksami khunono I no Iw timi Israel tsüve keu mheghi luvetsü keno, pano ghenguno Ampeu no ishi piani: “Julo, I no ayeghi lono panongu nhüve nani, eno panongu gholono Judah kibo nhüve nani.

JEREMIYA 18:16

pano yeghi pesü akümsapu shitsüe, alholo ghenguno atichepu shivae. Tipau veche kemi kümtsü no thüghüi pano kütsü küngüe.

JEREMIYA 2:15

Abongshuu no igha pa kichi; panongu no ighono ighae. Panongu no pa yeghi pighive tsüe; pa phughiqo ye ixapinyi, küghünani kemi kühae.

JEREMIYA 20:4

Ampeu no ishi piani: Julo, no eno o küsami ghenguno I no akümsapu shitsüni. Nono ju aphi lono panongu ye aghümi zütakikihi lono ikiqive nani. Judah ye qhoi Babylon kükau u lo süvetsü nani. Pa no panoqo akughumi shi sasü Babylon lo wuve nani eno azütakikihi no panongu ghiqhive nani

JEREMIYA 24:9

I no khile panongu hapuwuni keno ayeghi lo kükaqha kümtsü lau panongu pesü aküighüpu, thoküghapu, küghakichepu, atichepu, eno angusüpu shitsü nani.

JEREMIYA 25:8

“Tighenguno, aqokitikhi MPEU no ishi piani: Nongu no I tsa gholumo ke ghenguno,

JEREMIYA 29:18

I no azütakikihi, akhüava, eno püsa pelo panongu pape peni, eno ayeghi lo kükaqha kümtsü zülo akümsapu shitsüni, I no panongu hapuwuve keu shiyeqo gholo panoqo pesü angusüpu, akümsapu, aküighüpu, atichepu, eno thoküghapu shitsüni,

JEREMIYA 35:11

Ikemu Babylon kükau Nebuchadnezzar no ayeghi lenike ighi kelo ningu no pi, ‘Ighilo, ningu Chaldeami eno Syria ghüshimi kümsa ghenguno Jerusalem lo wuveni.’ Ikehu ningu ye Jerusalem lo xüani.”

JEREMIYA 36:2

“Liküküzü kaku lakhi pesü I no Josiah ghuloki lono ishi kutolo Israel ngo Judah eno shiye kümtsü küla keu tsa o vilo pive keu kümtsü yepe qhilo.

JEREMIYA 36:29

Judah kükau Jehoiakim vilo pilo, ‘Ampeu no ishi piani, Nono ishi pipüzü liküküzü kaku hipau pitivae, “No ye kushiye tipau lo Babylon kükau no mtsüqhei ighi no ayeghi hipau kütsave nani eno timi ngo tüghashi pühave tsü nanie pi yepuku kea?”

JEREMIYA 4:7

Abongshuu, shiye kükütsau ye pa kungoa ghasa lono ipevae; pa ye no yeghi pighive tsüni ke pa a lono ipevae; now mishighüna ye ixapinyi küghüna move nani.

JEREMIYA 40:2

Kepten no Jeremiah saluve no pa vilo pi, “Ampeu no Lhou no a-a hipau shou amhekiqi shuphe ke.

JEREMIYA 43:10

eno panoqo vilo pilo, ‘Aqokitikhi MPEU, Israel Lhou no ishi piani: Julo, I no I qeu Babylon kükau Nebuchadnezzar puwu no pa kükalakhü pesü I no atu qhopüa keu shou ghotsü nani, eno pa no atuquqo shou pa küka pushonha xakho nani.

JEREMIYA 46:20

“Egypt ye amshiti jukivi lakhi, ikemu ahuu no khaumiyi no pa shou ikughivae.

JEREMIYA 49:19

Julo, abongshuu lakhi no Jordan ghasa lono atsüni kümtsha-a lo ipeghi ketoi I no Edommi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

JEREMIYA 6:1

Itshükulupu shi polo, O Benjamin timiqo, Jerusalem lono polulo! Tekoa lo afuko küigha lo, Beth-haccherem lo amchipu peqhelo, kughengu ahuu no kütsakungo kije eno amhekiqi ghawo cheni.

JEREMIYA 8:16

“Dan lono khurshiqo no igha keu chilu ani; panongu no ngosü mlano akeu sütsa no ayeghi süküghütha ani. Panongu no mishighüna lo ighi no ayeghi eno tile küakini akeu püghave tsüae.

EZEKEL 12:20

Küghüna akeu mishighünaqo ye kütsave nani, eno ayeghi ye küghüküghaleive nani; eno nongu no Ni ye Ampeu kepi ithi nani.”

EZEKEL 16:40

Panongu no aqokitikhi saghi no o mjochile nani, atu pesü o veqhi nani eno panoqo zütakikihi pesü o ghekuchove nani.

EZEKEL 21:11

Ikehu azütakikihi ye ilomphui peniye tsüvae, tishikeu lono tipau ye au no tsüqülu peniye ke. Ti ye ghikiqhimi u lo süve tsüni ye tsüghaminhei eno ilomphui chighivae.

EZEKEL 26:7

“Kughengu Ampeu Alhou no ishi piani: Julo, I no Tyre lachileni ke ahuu no Babylon kükau Nebuchadnezzar, kükamiqo akükau, khurshi ngo khurkuluqo eno khurshimi ngo ghüshimi kutomo aqokitikhi saighi nani.

EZEKEL 36:5

tighenguno Ampeu Alhou no ishi piani: Mtsüqheino shiye kütami eno Edommi kümtsü, khunono alokivishi eno shishe küthaküghapu shi I yeghi pesü pano ampi tsüve, tishikeu lono ayeghi tipau pesü atsüni kümtsha-a shiniye shikeno, panoqo lau I no I loghu külü lono pivae.

DANIEL 5:18

O akükau, Shishe Akiqheu Lhou no aküka, kiqhekighe, ajuküvü eno kükanguagha o pu, Nebuchadnezzar tsüe.

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

HABAKUK 1:17

Imaye pa ye pa khame kümsashi kuthole auve eno alholo kimiyemo mithe shiyeqo ghiqhi auve nani keshea?

ZAKINIU 28:37

Ampeu no khile nongu puwuveni keno, ashiaye tipaqo gholo nongu ghili akümsapu, ahole, eno atichepu shi kügha nani.