JEREMIYA 25:6 - Sumi Naga CL (Re-edited) Bible (BSI)

⁶ Alhou kütauqo huthu eno mllani ke papewu kevi, momu nongu kümla no I mlo shikighide kevilo. Tishiaye Ni ye nongu ghimemo nani.’

BAIBEL (BSI)

⁶ Panonguno nongu vilo kutau lhouqo mllamoni keu eno qemonikeu pitsuke, eno nonguno ajulho mlape qhikeu mllakeu lono AMPEU loghu shipemo niyeke. Nonguno AMPEU gholuke aye paye nongu ghimeqhini chemoke.

JEREMIYA 25:6 Iomraidhean Croise

KUKAMI ATUGHIU 14:22

Judah timiqo no Ampeu zülo axine shikeu lono Ampeu mlo shikighide tsü, eno pano puasüqo nguno alau axine shive.

KUKAMI AKINIU 17:35

Ampeu no Jacob lagha sasü puloshoqhi lakhi shino azah panongu tsüe, “Nongu ye kütau lhouqo sümsa moni, tipaqo zülo pishiqho moni, tipaqo huthu moni, momu aghashipe tsümoni,

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

IPEKULU 20:3

“I zülo nongu ye alhouqo kütau mlla moni.

JEREMIYA 32:30

Kughengu Israel ngo Judah tianuliqo ye pano lhothe lono ishi kutolo I nhethe lo alhoksa kümla likhi thono kütau kiumu shi püamoe. Panongu ye pano u no mlakeu pesü I mlo shikighide keu nguno alau ye kiumu mla püamoe, ipi Ampeu no sheshu.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 44:7

Itehi aqokitikhi MPEU, Israel Lhou no ishi piani: Nongu ye kushiye no shou alhoksa kümla kije hipau shi ani kea? Kushiye Judah lo kiptimi, totimi, itimi, eno anga kughunuqo lakhimu ghülu pemono kütsale keu süghi ani kea?

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

JEREMIYA 7:6

nongu no kachenami, mighimi, chimemi qhasümo, momu hipa-a lono pimimo kemi ji pelemo, eno o ghüzapushi kütami lhouqo pape wumo aye,

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

HOSIYA 1:7

Ikemu I no Judah shiaye küpüqhiyi nani, eno Ni Ampeu panoqo Lhou no panongu xalu nani. Ni ye shexilika, azütakikihi, aghükishi, khurshi momu khurshimi vecheo xalumo nani.”

ZAKINIU 13:2

eno pa no amchipu momu akümzapu pikeu huno shikupuve, momu nongu no mthakeu lhou vehulo pa no, ‘Ningu kütau lhouqo papeni eno tipaqo huthuni nolo,’ ipi aye,

ZAKINIU 28:14

nongu no tipaqo lono tsüghüsü ajeu piyiu wumo eno alhou kütauqo qemo aye, tishi tsü nani.

ZAKINIU 6:14

Nongu ye ashiaye nongu sümxape akemi lhouqo mlla moni,

ZAKINIU 8:19

Tsala nongu no Ampeu nongu Lhou pheve no kütami lhouqo pape eno huthu mllauve aye, ishi tsala lono I no nongu lau mtütüi pive anike nongu ye pühave nani.

JOSHUA 24:20

Tsala nongu no Ampeu qhive no inami lhou qeuve aye, Pa no nongu lau akivi kümla shive akemu ideighi no nongu ghüza nani eno püghave nani.”