JEREMIYA 23:5 - Sumi Naga CL (Re-edited) Bible (BSI)

⁵ “Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

BAIBEL (BSI)

⁵ AMPEU no pi, “Akukau shipe nike David tikughuko lomi amikuchomi lakhi ino kishelu nikeu ghuloki wocheni. Akukau tipauye alokutsushi eno kiuno achipiu akuzupu keno tipau aghakhu qhachho ayehpe nani.

JEREMIYA 23:5 Iomraidhean Croise

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

LESHELE 45:4

Kuchou, akümtsha, eno achipiu mikucho ghenguno o kughushu lono tokulushi chewu lo; o u ajeu pelo akümzapu kümla o shikalu pelo!

LESHELE 80:15

O u ajeu no shosü püakeu sübo kuhu Nono saputhu keu nu süsholo.

LESHELE 99:4

Akükau no pa kumto lono kuchou xakütha kimiye cheni. Nono kümtsü lau aghibiu shi; Nono kuchou xakütha süghi eno Jacob lau achipiu mikucho süghike.

ISAIAH 33:5

Ampeu ye qhemghaike-a lo ani; Pa no kuchou xakütha ngo achipiu mikucho pesü Zion shepichhitsü nani,

ISAIAH 4:2

Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

ISAIAH 42:6

“Ni ye Ampeu; I no achipiu mikucho lono o kuluvae, I no o u sünhepe no o sasü chenani; I no o pesü puloshoqhi shi ghi timiqo lau tsü nani, shiyeqo ghenguno aküvü shitsü nani,

ISAIAH 45:24

“I ghili ishi pinani, I lau likhi no achipiu-mikucho eno aküka ani; khunono I mjo cheni keno, tipaqo ye ighi no kujove nani.

ISAIAH 52:13

Julo, I qeu ye alokütsü lono mlaitha nani; pa ye akiqheu lono pa süqhe nani, eno pa sheqhe nani.

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

ISAIAH 53:2

Kughengu pa ye Alhou zülo asübo khuni lakhi toi thuwu, eno qhaike yeghi lo akuhu qüsüpe aketoi keu ke; Pa ye kogheküghü momu akükanguagha kiumu kühake, kiu lonomu Pa jukepu kühae; momu jukivipu kiumu kühake, pa mine akepu kiumu kühae.

ISAIAH 9:5

Leighi kemi pukhukuqho ngo aji hepho pinyive keu phimini kümtsü ami lono pitivetsü nani.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 22:15

Nono Cedar kutomo ani kehu no ye akükaue pi kümsü anio? O pu no chusho eno achipiu ngo amikucho shike kumo? Tino pa ghenguno akivi shilue.

JEREMIYA 22:3

Ampeu no ishi piani: Kuchou xakütha eno achipiu mikucho shilo, eno püka luve tsüno itaghi aküpkau no qhasüpe akeu xaphe lulo. Inaghami, mighimi, eno chimemi lau anguka eno akumou shi kevilo, a-a hipau lo pimihami ji pele kevilo.

JEREMIYA 22:30

Ampeu no ishi piani: “Timi hipau ye anuhami kepi yepe qhilo, pa ye pa küxü lo tokulu shimo nani, kughengu pa kughukomi khumu David kükalakhü lo iqa no Judah lo ayepe lumoae.”

JEREMIYA 23:6

Pa ghuloki lono Judah xaluve nani, eno Israel ye sükusho lono xünani. Pa je hipau ku nani: ‘Ampeu ye niw achipiu mikucho.’

JEREMIYA 29:11

I no nongu ghenguno kughu akeu I no ithi ani, Ampeu no sheshu, akivipu ghenguno thono alhoksapu kumoe, lajupu eno hithiu kivipu nongu tsüniye ke.

JEREMIYA 30:3

Kughengu julo, Ampeu no sheshu, I no Iw timi Israel ngo Judah kinigha athoputho tsüni keu tsala cheni, Ampeu no pi, eno pano puasüqo tsükeu yeghi lo panongu sachile saghi no panongu no tipau pighi luve nani.”

JEREMIYA 30:9

Ikemu panongu ye Ampeu pano Lhou, eno pano kükau David, I no pano ghenguno saputhu niye akeu huthu nani.

JEREMIYA 31:27

“Julo, Ampeu no sheshu, I no Israel ngo Judah kibo lo timi xüthi eno tüghashi xüthi pesü xusüni keu tsala cheni.

EZEKEL 21:27

Ixapinyi, ixapinyi, I no tipau ixapinyive tsü nani. Küghakütha ye milakhi khuuw keno pa no ighi moke kutolo, hipau ghi tishi pemo nani, eno I no tipau pa tsüve nani.

EZEKEL 34:16

I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.

EZEKEL 34:29

I no panoqo ghenguno akighiche ghutu tsü nani tishikeu lono panongu ye pano yeghi lo akhüava shimo, eno shiyeqow küthakügha xapumo nani.

EZEKEL 45:8

Hi no Israel lo kükapuu mheghi shini. Iw kükapumi ye Iw timiqo qodaqhi kithe moae, ikemu panongu no Israel laghami pelo ashiaye kiqi lono ayeghi alupe nani.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

HOSIYA 1:11

Eno Judah ngo Israel nuliqo ye kümtsa hekütsü nani, panongu no pano ghenguno akütsü lakhi süküsü shi nani. Eno panongu no hipau yeghi lono iqhove nani kughengu Jezreel tsala ye kije shi nani.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

AMUS 9:11

“Tipani David pushonha khikhi ikiqive keno I no ikhiqhe nani, tipau kighipeqo pukho kithe eno ixapinyive keu shiqhe kithepe khaghi lo toi atho shive tsüni,

MICAH 5:3

Tighenguno apunu küsü lo akeu huno punu moke kutolo Pa no panongu qhive nani; Tithiuno pa thiküzümi no Israelmi lau ideighi nani.

ZEKHARIA 3:8

Hi inilo, O achinetou Joshua, no eno o küsami o zülo iqa akeqo ye amchipu timiqo ke: julo, I no I qeu Aloka hu süghi nani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MATTHEW 2:2

eno ighiju, “Jewmi kükau shiniye akeu khuu anileshi punu püani keno, anu hu khile ani kea? Kughengu ningu ye kipelau no pa yepu ipeghi keu ithulu kehu pa mlla nike ighi ani.”

John 1:45

Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

IBRIMI 8:8

Ikemu Alhou no ishi pi kelo Pa ye akipimi ithulu püanie: “I no Israel ngo Judah kibolomi sasü puloshoqhi kithe shini keu tsala cheni, ipi Ampeu no sheshu,

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.