JEREMIYA 23:31 - Sumi Naga CL (Re-edited) Bible (BSI)

³¹ Julo, Ni ye tungkupmi khunono pano mili peitha no, ‘Ampeu no sheshu ani,’ ipi cheni keno tipaqo mjochile ani.

BAIBEL (BSI)

³¹ Noghi tungkupmi khunoqono pano likhi pano tsa picheni puzu atsa tiye ilauno ighikeuke pi picheni keno niye tipaqo shou ghi moepi anike.

JEREMIYA 23:31 Iomraidhean Croise

KUKAMI ATUGHIU 22:11

Chenaanah nu Zedekiah no pa sala ayi kiboqo mlape Ahab vilo pi, “Ampeu no ishi piani, ‘Akibo hipaqo pesü nono Syriami kütsa khamoke kutolo tuchile nani.’”

YEKIKITHI AKINIU 18:5

Israel kükau no tungkupmi 400 kutolo kukütsü no pi, “Ningu ye Ramoth-gilead lewu kepu kema?” Panongu no pi, “Lewu lo, kughengu Alhou no tokulu akükau tsü nani.”

ISAIAH 30:10

tungkupmi vilo ishi picheni, “Juchho kevilo,” momu, “Ni vilo achipiu tsa pi kevilo; akishekütsü, kümsükuju tsau pesü ni vilo pilo,

JEREMIYA 23:17

Panongu no Ampeu tsa thaigha chekemi vilo tamono picheni: ‘O ghenguno akivipu ani’; eno kuthovi ghi amlo pape chekeu vilo picheni, ‘O shou amhekiqi ighimo nani.’”

JEREMIYA 23:30

Tighenguno julo, Ampeu no asheshu, Ni ye tungkupmi khunono lakhi no lakhi launo I tsa püka luve cheni keno tipaqo mjochile ani.

JEREMIYA 23:32

Julo, Ni ye khunoqo no akimki samo tungkuptsa picheni keno pano mjochile ani, ipi Ampeu no sheshu. Ni ye panongu puwu püamo eno ghutumo keghi panongu no kühakügha kimki lono Iw timiqo vilo pi eno saküghüzü sawu cheni. Ikehu panongu ye timi hipaqo launo kiumu ala shimlae, ipi Ampeu no sheshu.

JEREMIYA 28:15

Tungkupu Jeremiah no Hananiah vilo pi, “Inilo Hananiah, Ampeu ye o puwu püamoe, ikemu nono timi hipaqo pelo akimki tsa shou pükhübe peke.

JEREMIYA 28:17

Tipau mpe, aqhi akütsüniu lono tungkupu Hananiah ye thive.

MICAH 2:11

Tsala timi lakhino akimki eno pishikiqhi lono, “I no atsaiji eno aji kümka ghili kütsüni,” ipi cheghi aye, pa ye timi hipaqo ghenguno akükütsüu shinani!

ZAKINIU 18:20

Ikemu tungkupmi khuu no I zakütsü lono kumono I je lono pini momu alhou kütauqo je lono pini keno pa ye thinani.