JEREMIYA 23:2 - Sumi Naga CL (Re-edited) Bible (BSI)

² Ikehu Israel Lhou, Ampeu no ambekhemi khunono Iw timiqo tucho cheni keno panongu vilo ishi piani: “Nongu no I mbeloji kuthole eno hapupove no panoqo jukütsü moe. Ikehu julo, nongu no alhoksa kümla shike ghenguno I no ghime nani, ipi Ampeu no asheshu.

BAIBEL (BSI)

² Hiye AMPEU, Israil Lhou no pawu timiqo tuchomujo kepushi puachekemi ayehkipemi ghili pitsukeuke: “Nonguye iwu timiqo tuchomujo chemoe; nonguno panoqo haleve eno hapupoveke. Itehiye, nonguno alhoksa mlakeu ghenguno ino nongu ghimeqhi nani.

JEREMIYA 23:2 Iomraidhean Croise

IPEKULU 32:34

Ikemu itehi wulo, I no khipa-a o kiche püani keno tilau timiqo sawulo; julo, Iw kungumi no o züu shi wunani. Tishinamu, I no panoqo xuju ighike tsalani, I no panongu xine ghenguno panoqo ghime nani.”

JEREMIYA 10:21

Ambekhemi no Ampeu vilo küsütsaju moke anikhae tigheno panongu ye ikoishe moe, pano mbeloji kümtsü apanaghavae.

JEREMIYA 11:22

ikehu aqokitikhi MPEU no ishi piani: “Julo, I no panongu ghime nani. Panow apumiqo no ghüyi lono wonani, pano tianuliqo no püqümiye lono thinani,

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

JEREMIYA 13:20

“Khunoqo ahuu no cheni keno pishipuwo julo. O pelo jukuto peniye pichetsü keu jukivi loji khile ani kea?

JEREMIYA 13:21

Nono o küsami shi penike shika keqo no o kütsü shou ikughive kelo no ye kiu pilu nani kea? Totimi no apunu küsü sü aketoi no ye küsakushu no o tsügha luve moni keshea?

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 21:12

O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

JEREMIYA 23:34

Tungkupu, achinemi, momu timi lakhino, ‘Ampeu pekimshi,’ ipi aye, I no timi tipau kibolomi ghime nani.

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

JEREMIYA 5:29

Hipaqo ghenguno Ni ye panoqo ghime moni keshea? ipi Ampeu no sheshu, eno shiye hitoi keu shou I mkhü lumoni keshea?”

JEREMIYA 5:9

Hipaqo ghenguno Ni ye panongu ghime moni keshea? ipi Ampeu no asheshu; eno Ni ye shiye hitoi keu shou I mkhü lumoni keshea?

JEREMIYA 8:12

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani, ipi Ampeu no pi.

EZEKEL 34:5

Ikehu panongu ye apanagha khavae, kughengu ambekhemi khumu kühave eno panongu ye tüghashiqo chuqupu shiveke.

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

MICAH 7:4

Pano dolo akiviu no asahu toi, eno shishe akümzüu no asahu ghutu lakhi toike. Nongu hikuju eno ghimeni keu tsala ye ighivae; panoqo no kübangüni keu ye itehi au lo auvae.

ZEKHARIA 10:3

“I mlokighide ye ambekhemi shou ani, I no sakiphemiqo ghime nani; kughengu aqokitikhi Mpeu ye Pa mbeloji, ti ye Judah laghami, tucho cheni, eno panoqo pe aghüshi lo khurshi kughushu toi shi nani.

ZEKHARIA 11:16

Kughengu julo, I no aghakhu lo ambekheu lakhi saputhuni cheni, pa ye kütsave keqo hijumo, alhotheqo phumo, aghüzaku shipivimo, ashiaji kivishi akeqo lojimo nani, ikemu atha pubeyi akeqo tsüchu eno apukhu shobapu keqo mütsü hexüve tsü nani.

MATTHEW 25:36

I no aphikümsa shi akelo nongu no aphimini I puu, I no küsükini shi akelo nongu no I tucho, I no akughuki lo akelo nongu no I pütsa ighie.’

MATTHEW 25:43

I no inami shi akelo, nongu kilo I sasü moe, I no aphikümsa shi akelo nongu ye aphimini I puumoe, I no küsükini shi eno akughuki lo akelo nongu ye I pütsa ighimoe.’

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.