JEREMIYA 23:14 - Sumi Naga CL (Re-edited) Bible (BSI)

¹⁴ Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”

BAIBEL (BSI)

¹⁴ Ikemu tinguno akusa akusau Jerusalem lo tungkupmino shikeu ino ithuluvae. Panonguno salha cheni eno miki cheni; Panonguno timiqo achipikumoulo shikuphu acheni, tighenguno milakhimu alhoksa shimokeu kuhae. Ighenguye, panongu kumtsu Sodom ngo Gomora lo akemi toi alomo keqoke.

JEREMIYA 23:14 Iomraidhean Croise

BOTHUBO 13:13

Sodommi ye küsakügha, Ampeu shou axine kije shiche kemie.

BOTHUBO 18:20

Tishino Ampeu no pi, “Sodom ngo Gomorrah shou ngukube igha keu no kije shivae eno panongu xine no kuthoküzü shive akehu,

BOTHUBO 19:24

Tishino Ampeu no atsütsü lono Sodom ngo Gomorrah shou tsübuta kipti ngo ami ghuqhi tsü.

BOTHUBO 19:25

Eno Pa no mishighüna tipaqo, akhila, aphughi lo küxümi eno ayeghi lono kiu lhoipeghi cheni keno ti kümtsü kütsave tsü.

ISAIAH 9:15

layemi ngo ajuaje küami no akütsü, eno akimki tungkupmi no ashomhi;

JEREMIYA 14:14

Ampeu no I vilo pi: “Tungkupmi no I je lono akimki tungkuptsa pi ani. Ni ye panongu puwu püamoe, azah mu tsü püamo, eno panongu mu pütsa püamoe. Panongu no akimki kungunhetsü pesü nongu lau tungkuptsa piani, ameküküha tumu eno pano kükümsü lo akeu pesü pishiqhi ani.

JEREMIYA 18:13

“Ikehu AMPEU no ishi piani: Shiyeqo gholo ighiju lo, Khuu no hitoike tsa chilu akea? Amikuchou Israel no shishe akümsapu kümla shivae.

JEREMIYA 20:16

Timi tipau ye Ampeu no küpümo no mishighünaqo haleve ketoi pelo; pa pelo inaqhe aküqa chilu pelo eno puchou kütüghü keu sütsa chilu pelo,

JEREMIYA 23:17

Panongu no Ampeu tsa thaigha chekemi vilo tamono picheni: ‘O ghenguno akivipu ani’; eno kuthovi ghi amlo pape chekeu vilo picheni, ‘O shou amhekiqi ighimo nani.’”

JEREMIYA 23:22

Ikemu panongu no I hoho lo puthugho ke aye, panongu ye I tsa pesü Iw timiqo vilo pikülha luniche, eno pano kümla lhoksa lono sachile süghi luni cheke.

JEREMIYA 23:32

Julo, Ni ye khunoqo no akimki samo tungkuptsa picheni keno pano mjochile ani, ipi Ampeu no sheshu. Ni ye panongu puwu püamo eno ghutumo keghi panongu no kühakügha kimki lono Iw timiqo vilo pi eno saküghüzü sawu cheni. Ikehu panongu ye timi hipaqo launo kiumu ala shimlae, ipi Ampeu no sheshu.

JEREMIYA 29:21

‘Aqokitikhi MPEU, Israel Lhou no I je lono tungkuptsa pi akeu Kolaiah nu Ahab eno Maaseiah nu Zedekiah pama ghenguno ishi piani: Jualo, I no pama pesü Babylon kükau Nebuchadnezzar u lo süvetsü nani, eno pama ye nongu nhethe lono ghiqhive nani.

JEREMIYA 29:23

kughengu panongu no Israel lo kixikila thime mlae, panongu no pano kisüghümi nipuqo sazüe, tishino I no azah tsümo keghi I je lono akimki tsa piani. I no ithi ani, eno I no thopi ke, ipi Ampeu no sheshu.’”

JEREMIYA 36:2

“Liküküzü kaku lakhi pesü I no Josiah ghuloki lono ishi kutolo Israel ngo Judah eno shiye kümtsü küla keu tsa o vilo pive keu kümtsü yepe qhilo.

JEREMIYA 49:18

Sodom ngo Gomorrah eno tipa cheaxü lo mishighünaqo kütsale kelo toi khunomu tile küghüna kithe move nani, Ampeu no pi ani.

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

EZEKEL 13:16

Israel lo tungkupmi khunoqo no Jerusalem ghenguno tungkuptsa pi eno tipau lo külakishi küha keghi külakishi kungunhetsü ithulu keno panongu ye kühave nani ipi Ampeu Alhou no asheshu.

EZEKEL 13:19

Nongu ye ashothi anau au kichhi lakhi eno asho kughupo kititiqo ghenguno Iw timiqo zülono I shikitiqevae, Iw timiqo lau akimki tsa pi eno akimki tsa ini kemi no pithimo kepu timiqo pithive eno püxümo kepu timiqo püxüve ke.

EZEKEL 22:25

Liw tungkupmiw pishikiqhi ye abongshuu no lhoxü tsüqhipe ighamku aketoi; panongu no timi küxü tsüchuvae; panongu no küakini eno akughupu thimeqo luvae; panongu no pano yeghi lo chimemi kutomo shive tsüae.

HOSIYA 6:10

Israel lagha lo aküighüpu lakhi I no ithulu püani; Ephraim salha ye tile ani; Israel ye kitiqevae.

AMUS 4:11

“Alhou no Sodom ngo Gomorrah kütsave ketoi I no nongu khami kütsavae, nongu ye amiphoki lono amsü püxü phelu ketoie; ikeghi nongu ye I lau ideighi moe,” ipi Ampeu no pi.

MICAH 1:5

Hi kümtsü Jacob xine eno Israel lagha xine ghenguno ke. Jacob xine ye kiu kea? Ti ye Samaria ke kumo? Eno Judah kuchuqu-a ye kiu kea? Ti ye Jerusalem ke kumo?

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

ZEFANIA 3:4

Liw tungkupmi ye lhelheshi, pishikiqhimi ke; achinemi no akimthe pesü kitiqe; eno ayezah hexa cheni.

ZEKHARIA 13:2

“Tipa tsalani, aqokitikhi Mpeu no pi, I no ayeghi lono ajulho jeqo xavetsü nani, tishianguno tipaqo ye kümsüchile move nani. I no ayeghi lono tungkupmi eno mithekumo ghungu ghi ikhive tsü nani.

MALAKI 1:1

Ampeuw tungkuptsa Malachi vecheo Israel tsü.

MATTHEW 11:24

Ikemu I no nongu vilo piani, küghakütha tsala lo Sodom yeghi no nongu nguno aghime puqhekulupu shinani.”

ZAKINIU 32:32

Pano tsaizü ye Sodom ngo Gomorrah tsaibo lono ighie; pano tsaithi ye tüghü tsaithi, eno pano tsaibo ye khumtsai ke.

1 Tim. 4:2

Hi ye kimkimi khuno kükümsü piti kushughipe tsaqüimo keno, pano vecheo ighi nani.

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

Piyeküsü 11:8

eno pama sükumo ye aphughi khileno pano Mpeu yeda pithive keno, akiqipu tsa shi ghi Sodom eno Egypt ipi chekeu phughi laghi lo qhinani.

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.