JEREMIYA 22:3 - Sumi Naga CL (Re-edited) Bible (BSI)

³ Ampeu no ishi piani: Kuchou xakütha eno achipiu mikucho shilo, eno püka luve tsüno itaghi aküpkau no qhasüpe akeu xaphe lulo. Inaghami, mighimi, eno chimemi lau anguka eno akumou shi kevilo, a-a hipau lo pimihami ji pele kevilo.

BAIBEL (BSI)

³ “Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

JEREMIYA 22:3 Iomraidhean Croise

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

KUKAMI AKINIU 24:4

eno pa no pimihami ji pele keu ghengu ghi ke. Kughengu pa no pimihami ji no Jerusalem lo pichhive eno Ampeu no tighenguno akipimi qhitsü mlave ke.

JOB 22:9

Nono chimemiw süxaluve no au kümsa shivetsü, eno mighimi chunudaqhi cheni.

JOB 24:9

(Khami ye api lomlave keu theli lo mighimi launo akichhelo kupu tianuli ghi lekho pewuve tsü cheni.)

LESHELE 68:5

Mighimi papu eno chimemi sükushou ye Alhou, Pa kimthe kungo-a lo ani.

LESHELE 82:4

Miqemlei kemi eno aveküsami xachile tsülo; kixikilami u lono panoqo xaphe tsülo.”

LESHELE 94:21

Amikuchomi küxü lachile niye panongu no kuloji kumqo eno pimihami pithive nike xatha cheni.

LESHELE 94:6

Panongu no chimemi eno kicheghüzümi pithive, eno mighimi ghiqhie;

IPEKULU 22:21

“No ye kupokichemi pimi moni momu nedaqoda moni, kughengu nongu ye Egypt yeghi lo kupokichemi shi cheke.

IPEKULU 22:22

Nongu ye chimemi momu mighimi khumu sapüsa moni.

AHOLE 23:10

Khaghilo lughi tusho pekiqe kevilo, momu mighimi ki-alu koluve tsü kevilo,

AHOLE 6:17

Aqheküza nhethi, pighizü mili, eno pimimo kemi ji pele keu phiau kupumi,

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 58:6

“Ikemu kümvü keu lono kixikila küxü kütsügha lono kuqhophe luve aye, eno kütami shou kuokhasü kuqhovetsü aye, eno nedaqodave kemi khaqhi pheve aye, eno ayikichhe jeli kümtsü ikhivetsü aye, hitoi kümvü keu no I pulou ke kumo keshea?

ISAIAH 58:7

Kümvü keu ye müzüthi aghi kemi sasü nongu chuqupu küsajeni keu, eno aki küha kemi nongu ki lo sasüni keu, aphimini küha kemi aphimini tsüni keu, eno alimi launo itshü wuve moni keu noke kumo keshea?

JEREMIYA 19:4

Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

JEREMIYA 21:12

O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

JEREMIYA 22:17

Ikemu nono o nhethi eno o mlo akeu ye achipi kumo lono ala shinikeu, pimihami ji peleni keu eno anguka lono qhasü nike ghengu likhino ke.”

JEREMIYA 26:16

Tileno hiyampemi ngo timiqo no achinemi eno tungkupmi vilo pi, “Timi hipau ye thive kepu aküzüpu kumoe, kughengu pa no Ampeu ni Lhou je lono ningu vilo pivae.”

JEREMIYA 5:28

panongu ye chhikhoi eno atha pubeivae. Panongu kümla lhoksa ye ashekha küha; pano ye mighimi chipiu süsho tsünike achipi lono xathatsü chemo, aveküsami chipiu süsho tsümoe.

JEREMIYA 7:23

Ikemu azakütsü hipau I no panongu tsüe: ‘I sütsa gholulo, tishiaye I no nongu Lhou shinani, eno nongu no Iw timi shinani. I no nongu azah tsükeu la lo chechelo, tishiaye nongu kivipu shinani.’

JEREMIYA 9:24

ikemu khuu no qhezani keno pa ye Ni ithi eno vethalu keu lono qheza pelo, kughengu Ni ye ayeghi lo ithamo keu kikimiye, kuchou xakütha, achipiu mikucho peitha cheni. Kughengu thime hipaqo lo I züküvü acheni, ipi Ampeu no asheshu.”

AKUMLO 3:36

milakhi tsa kükügha süchighi keu ye Ampeu no pulomoe.

EZEKEL 18:12

kumlhomi ngo akukuphu avehupu shi akemi shikughuju, pükaqhi, aküna shoqhi tsüchile mo, asü-atu julhoqo shou pa nhethi jupuku, aphikümqhüpu mlaitha,

EZEKEL 18:7

khumu shikughujumo, ikemu apiagha kupumiw aküna shoqhi tsüchileve, kiumu pükamo, pa sho pesü müzüthi akemi tsü eno aphimini pesü aphikümsa shi akemi pipe,

EZEKEL 22:7

Apu ngo aza noqo ye nongu no küthaküghapu shi peitha ani; kichiqhi süxachu keu lono kupokichemi no ime ani; eno nongu gholo mighimi ngo chimemi peitha püsa ani.

EZEKEL 45:9

“Ampeu Alhou no ishi piani: Kughomae, O Israel kükapumiqo! Ngukangugha eno qodaqhi keu phevelo, eno kuchou xakütha ngo achipiu mikucho shilo. Iw timi haleve chekeu tavelo, ipi Ampeu Alhou no sheshu.

JOYIL 3:19

“Judah timiqo lau alhoksa shike ghenguno Egypt ye pighive nani, Edom ye yenguyike-a shive nani, kughengu panongu no Judah lo pimimo kemi ji pele ke.

ACHINE 19:15

“Küghaki lo achipi kumo shimoni. Kumlhomi lau agiju no kinimi saphuve moni, ikemu amikucho lono akisüghüu shou xathani.

AMUS 5:15

Alhoksa mithi eno akivi kimiyelo, khagho lo achipiu xakütha puthuphelo; tishi aye Ampeu, aqokitikhi Lhou no Joseph lagha lo ghükulumi kimiyeqhiyi lunani.

AMUS 5:24

Ikemu kuchou-xakütha no azüghizü toi qowu pelo, eno achipiu-mikucho no qotamo keu ghoki toi pelo.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MATTHEW 23:23

“Nongu Ayezah shikükami ngo Phariseemi hasapue, keghilishi chekeqo! Nongu no pülakhü, napa eno thüvü yetsüni kutolo chighi saje tsücheni, ikemu Ayezah lo akhotoqo: kuchou xakütha, kimiyekini, eno pükhükulu kughuchove cheni. Kütau ghi kughucho mono nongu ye hipaqo pepimhe kepu shiake.

ZAKINIU 10:18

Pa no mighimi eno chimemi ghenguno achipiu xakütha tsü cheni, eno achuqupu ngo aphimini pesü kupokichemi tsücheni eno kimiye cheni.

ZAKINIU 24:17

“Kupokichemi eno mighimi chipiu luvetsü moni, eno chimemi launo aküna shoqhi aphimini lumoni,

ZAKINIU 24:7

“Timi lakhi no pa thiküzümi Israelmi kügha sawo pa qemi shipe momu jeve aye, ti aküpkau huye pithive lo. Hitoi alhoksa ye nongu dolono ikhiveni.

ZAKINIU 25:1

“Tsala mikini atsa kügha nike küghaki lo wukelo, küghaküthau no lakhi no pimiha eno lakhiu no küqüve keu pitsü kelo,

ZAKINIU 27:19

“‘Khukhumu kachenami, mighimi, eno chimemi chipiu shipühave tsükeu ye müsüinivae.’ Eno timi kümtsü no ‘Amen,’ ipini.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.