JEREMIYA 22:16 - Sumi Naga CL (Re-edited) Bible (BSI)

¹⁶ Pa no mighimi eno kumlhomi ghenguno mlae; tino pa ghenguno akivi shilue. Hi ye Ni ithikeu kiqike kumo? ipi Ampeu no sheshu.

BAIBEL (BSI)

¹⁶ Pano kumlhomi ngo kuhakemi ghenguno aghibiu xakutha tsuche ke eno paye thwokhalo akivishi aluke. AMPEU ithikeu kiqiye tipau pesu pichenike.

JEREMIYA 22:16 Iomraidhean Croise

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

LESHELE 109:31

Kughengu Pa no akukuphu avehupu shi akemi u ajeu puthugho cheni, ti ye pithive peniye küghathave kemi Pa no xalu niye ke.

LESHELE 36:10

O, No ithi akemi lau Ow iqemokeu kikimiye eno amlo kümzümi lau O mikucho tamono qhitsülo!

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

AHOLE 31:9

O kichi xükhope amikucho shi küghatha tsülo; kumlhomi eno aveküsami chipiu süsho tsülo.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

JEREMIYA 5:28

panongu ye chhikhoi eno atha pubeivae. Panongu kümla lhoksa ye ashekha küha; pano ye mighimi chipiu süsho tsünike achipi lono xathatsü chemo, aveküsami chipiu süsho tsümoe.

JEREMIYA 9:16

Panongu momu pano puasüqo no ithimo keu shiyeqo gholo I no panongu kuthole puwuveni, eno panongu qhoi pühave moke kutolo I no azütakikihi pano thiu puwuni.”

JEREMIYA 9:24

ikemu khuu no qhezani keno pa ye Ni ithi eno vethalu keu lono qheza pelo, kughengu Ni ye ayeghi lo ithamo keu kikimiye, kuchou xakütha, achipiu mikucho peitha cheni. Kughengu thime hipaqo lo I züküvü acheni, ipi Ampeu no asheshu.”

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

John 16:3

Panongu no Apu mu ni mu mtha kehu hipaqo shinani.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 17:6

“Ayeghiqha lono Nono khunoqo ikhiphepe I tsü keno tipaqo lau I no O je pephe piyevae. Panongu ye Ow, Nono panongu pesü I tsü, eno panongu ye O tsa peluvae.

John 8:19

Ikehu panongu no pa vilo pi, “O pu ye khile ani kea?” Jisü no khochile, “Nongu ye ni eno I Pu mu mthae. Nongu no ni ithike aye I Pu ghi ithini cheke.”

Titus 1:16

Panongu no Alhou ithi anie picheni, ikemu pano kümla lono Pa milive cheni. Panongu ye aphikümqhüpu, hekibidemi, akümla kivi shikulupu qhemi kühae.

SAMUEL ATUGHIU 2:2

“Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.