JEREMIYA 22:15 - Sumi Naga CL (Re-edited) Bible (BSI)

¹⁵ Nono Cedar kutomo ani kehu no ye akükaue pi kümsü anio? O pu no chusho eno achipiu ngo amikucho shike kumo? Tino pa ghenguno akivi shilue.

BAIBEL (BSI)

¹⁵ Nono kedar pesu kutami ki nguno jukiviushi aki shikeu lono noye akukau akiviu shiluve anipe kema? Opuye akuxu chhikhoyi xuke. Paye pulhapujulo achipiu eno aghibiu shicheke eno pano shikeu kumtsulo alokepu shicheke.

JEREMIYA 22:15 Iomraidhean Croise

SAMUEL AKINIU 8:15

David no Israel kümtsü shou ayepe luve. Pa no kuchou xakütha eno aqhemi lono timi kümtsü shou ayepe.

KUKAMI ATUGHIU 10:9

Ampeu o Lhou shelo, Pa no o shou amlokiqi shi no o pesü Israel kükalakhü lo qhike! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

KUKAMI AKINIU 22:2

Pa ye Ampeu zülo kiu no achipi keno shino pasü David no shikeu thokha shi, eno pa ye piyiumu ajeumu tsüghüve moe.

KUKAMI AKINIU 23:25

Pa züu kükami khumu Moses Yezah lo thokha akeu kiqi lono, amlo, angulho, eno akumto kümtsü pesü, Ampeu lau tsüghü ighimoe, eno pa thiumu khumu pa toike ipeghi moe.

YEKIKITHI ATUGHIU 3:15

Josiah nuliqo: Johanan, Jehoiakim, Zedekiah eno Shallum.

YEKIKITHI AKINIU 34:2

Pa ye Ampeu zülo kiu no achipi keno shike eno pa sü David no shikeu thokha shino piyiumu ajeumu tsüghü wuve moe.

YEKIKITHI AKINIU 35:22

Ikeghi Josiah no idewo move, eno pa ju kilive no aghü shinike wuve. Pa no Alhou tsa Neco no pikeu inimo no aghü shiniye Megiddo qa yeghi lo ighi.

YEKIKITHI AKINIU 35:26

Josiah kümla küghütha kütau, eno Ampeu Yezah kiqi lono pa no akümla kivi shikeqo,

AHOLE 20:28

Kikimiye ngo pükhükulupu no akükau püxüpe qhicheni, eno pa kükalakhü ye iqemokeu kikimiye no choqhe cheni.

AHOLE 21:3

Aghakishi nguno amikucho eno achipiu shikeu huno Ampeu zülo ikhikulupue.

AHOLE 25:5

akükau zülono kixikilami ikhive lo eno pa kükalakhü ye achipiu-mikucho lono puthuphelu nani.

AHOLE 29:4

Akükau no kuchou xakütha pesü pa shiaye shiqhe cheni, ikemu pa no külügho luuve aye tino xaleqhive cheni.

AHOLE 31:9

O kichi xükhope amikucho shi küghatha tsülo; kumlhomi eno aveküsami chipiu süsho tsülo.

YETSAPIU 10:17

Ikemu o kükau no ghenimi nuli shi aghi, eno ow yepemi no shomzü niye kumono ashiaji mto niye ado achipi lono aghulhu shi aye, o lokivipue.

YETSAPIU 2:24

Timi lakhi no pa ghime vecheo alopivi luno chusho akeu nguno akiviu kütau kiumu kühae. I no ithi keu no hi ghi Alhou launoe,

ISAIAH 3:10

Amikuchomi vilo pano sala akivi anie pilo, kughengu pano ye pano kümla xochu nani.

ISAIAH 33:16

pa no qhemghaike-a lo xü nani; atuqu liwo no pa sükusho-a shi nani; eno pa sala chuqu-kusho ye püqüve mo nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 21:12

O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

JEREMIYA 22:18

Tighenguno Ampeu no Josiah nu, Judah kükau Jehoiakim ghenguno ishi piani: “Panongu ye pa ghenguno mloqa ghi pimo nani, ‘Aha, I thiküzüu!’ momu ‘Aha, I chepu!’ Panongu ye pa ghenguno mlo ghi pimo nani, ‘Aha, Ampeu!’ momu ‘Aha, anguagha küau!’

JEREMIYA 22:3

Ampeu no ishi piani: Kuchou xakütha eno achipiu mikucho shilo, eno püka luve tsüno itaghi aküpkau no qhasüpe akeu xaphe lulo. Inaghami, mighimi, eno chimemi lau anguka eno akumou shi kevilo, a-a hipau lo pimihami ji pele kevilo.

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

JEREMIYA 42:6

Akivi na aküsa namu, Ampeu ni Lhou khuu lau inikhu tsü penike nino o puwu ani keno, nino Pa gholuni.”

JEREMIYA 7:5

“Kughengu kuchou no nongu laghi eno no kümla kilive, lakhino lakhi lau kuchou xakütha shi aye,

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

Apostolmi 2:46

Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

1 Kor. 10:31

Tighenguno, nongu no chuna shona kiukiu shinamu kümtsü Alhou juküvüpu ghenguno shilo.

ZAKINIU 4:40

Tighenguno ishi tsala lo I no nongu tsü akeu khuaye eno zakütsü kümtsü pelulo, tishianguno nongu eno no polo kughukomi kümtsü akivi shilu peni, eno Ampeu nongu Lhou no alhokuthu ghenguno nongu tsü akeu yeghi lo axüshulu penie.”