JEREMIYA 21:14 - Sumi Naga CL (Re-edited) Bible (BSI)

¹⁴ Nongu kümla xathi kiqi lono I no nongu ghime nani, ipi Ampeu no asheshu; I no li ghasü lo ami süvetsü eno tino li hokümxa kümtsü pitive nani.”

BAIBEL (BSI)

¹⁴ Ikemu nono kiu shipuani keno tipau ghenguno ino oghimeqhi nani. Ino okighikiqolo ami sutsu nani eno tipau sukumxalo akeu kumtsu amino pitileqhive nani. Ni, AMPEU no piqhiveake.”

JEREMIYA 21:14 Iomraidhean Croise

YEKIKITHI AKINIU 36:19

Panongu no Alhou ki pitive tsü, Jerusalem liwo hepholeve tsü, kükaki ngo akughupu bohu kümtsü pitive tsü.

AHOLE 1:31

tighenguno pano no xüchekeu kiqi lono axathi xolu nani, eno pano no kuchughu chekeu huno pano kive pichhitsü nani.

AHOLE 12:14

Milakhi saxü ye pa kichi lono pikeu shou bepe ani, milakhi no mla püakeu ye pa lau ideighi cheni.

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 10:16

Ikehu aqokitikhi MPEU Alhou no paw ghüshimi chhikhoi keqo lau aphikiqi küsü puwu tsüno pa küakini qhoi ami no pitive nani.

ISAIAH 24:21

Tipa ghuloki lo Ampeu no atsütsü lo aqokitikhi eno ayeghi lo kükami kümtsü ghime nani.

ISAIAH 37:24

O qemi vecheo nono Ampeu thogha no pi, Khurkulu kutomo sasü I no Lebanon naghuto kiqhe kutolo mughosü cedar akushuu, cypress kishekiphe yeqhi niye ikue; eno kümtsü nguno akuchuquu-a, aghüma kivi ghasü iku tolue.

JEREMIYA 11:16

Ghuthu lakhi lo Ampeu no o pesü ‘xüthilei keu olive sübo, jukivi eno axathi kivi’ ipi kuche. Ikemu Pa no pasapagha kije ghügha pesü tipau lo ami süvetsü nani, eno tipa lokaqo ye pitive nani.

JEREMIYA 11:22

ikehu aqokitikhi MPEU no ishi piani: “Julo, I no panongu ghime nani. Panow apumiqo no ghüyi lono wonani, pano tianuliqo no püqümiye lono thinani,

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 17:27

Ikemu nongu no I tsa inimo, Sabbath tsala akimthe shi qhimo, akho xapusü Sabbath tsala lono Jerusalem khagho veche ilo aye, I no ghapinhe mlakeu mi pesü Jerusalem khaghoqo eno liw jukivi kighikiqo pitive tsü nani.’”

JEREMIYA 22:1

Ampeu no ishi piani: “Judah kükau kilo iqi no hipa tsa pilo,

JEREMIYA 22:7

I no o lau shiküpsami puwuni, pütüta ghünanu xapu panoqo no o pulou Cedar sübo yeqhipe ami lo vesüve nani.

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

JEREMIYA 46:23

Panongu no li ghasü thaqhive tsü nani, ipi Ampeu no sheshu, aghasü shoxü ilo kümlapu shi anamu buqhive tsü, kughengu panongu ye tülhaqu nguno akichiu ke; panongu ye kihikha kümlae.

JEREMIYA 50:32

Aqheküzami ye küpxape ikiqive nani eno pa sünheqheni kemi küha nani. I no paw mishighünaqo lo ami süvetsü nani, eno tino pa sümxape akeu kümtsü kütsaleve nani.

JEREMIYA 52:13

Pa no Ampeu ki, kükaki eno Jerusalem lo aki kümtsü pitive tsü; aki kijeje thaqhü pa no pitive tsü.

JEREMIYA 6:19

O ayeghi, inilo, I no timi hipaqo shou pano mqü lhoksa xathi ghenguno amhekiqi süghini cheni, kughengu panongu no I tsa lo amlo tsümove eno I yezah milive ke.

JEREMIYA 6:29

Amülhübo no mkamghai fue; ami no aküsayi piti kümlave; ikemu kixikilami ghukimthe mla kehu piti akeu ye adou shive.

JEREMIYA 9:25

“Julo, atsala ye cheni, ipi Ampeu no asheshu, khunono ashi lono aphighüyiko gha keno pano ghime nani

AKUMLO 2:3

Israel kumto kümtsü Pa no ayiküsa shi kishekhave tsüae; aghümi zülono Pa no panoqo launo Pa u ajeu süchile luvae; Pa ye Jacob lau ami mili toi iqü, hokümxa lo akeqo kümtsü pitileve tsüe.

EZEKEL 21:3

eno Israel yeghi vilo pilo, Ampeu no ishi piani: Julo, Ni ye nongu lachile ani eno asükhi lono I zütakikihi süjove no amikuchomi na kixikilami namu ghiqhive nani.

MICAH 7:13

Ikemu ayeghi ye tile küxümi kümla ghenguno pighive nani.

ZEKHARIA 11:1

O hukikhaqo khaqhilo, O Lebanon, tishino ami no ow cedarboqo pitileve penie!