JEREMIYA 21:12 - Sumi Naga CL (Re-edited) Bible (BSI)

¹² O David kibo! Ampeu no ishi piani: “‘Ina atsütsü lo kuchou xakütha peitha lo, pükaqhive no itaghi qhasüpe akeu xaphe lulo, tikumo aye nongu kümla lhoksa ghenguno I loghu no ami toi ghapinhe mlano piti nani.’”

BAIBEL (BSI)

¹² “Ni, AMPEU no piakeu inilo. Tsala kipetsulo kuchou xakutha shitsunikeu shilo. Timi khuno pishiqhiluve puzu itaghi qoda qhi pesu anikeno pishiqhiluve keu timi ulono pa susholuve tsulo. Nonguno tipau shimo aye, nonguno alhoksa shikeu huno ami pinhemlakeu toi iloghu kighide iqu auvepe nani.

JEREMIYA 21:12 Iomraidhean Croise

SAMUEL AKINIU 8:15

David no Israel kümtsü shou ayepe luve. Pa no kuchou xakütha eno aqhemi lono timi kümtsü shou ayepe.

JOB 29:17

I no kixikilami hu helave tsüno pa hu no mkipe akeu pheqhivepe.

LESHELE 101:8

Ayeghi lo küsakügha shiche kemi kümtsü inaqhe atsütsü I no kütsave nani, Ampeuw mishighüna lono kixikila shiche kemi kümtsü hapheve nani.

IPEKULU 18:13

Thoghiu Moses ye timiqo tsa küghatha tsüniye iqa luve, eno timiqo no inaqhe no avela kutolo Moses vehope puthugho ngove.

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ISAIAH 1:31

Akumtomi no asükügha toi, pa kümla no aghijini toi, khunomu ghapinhemla no kinikujo piti küqhave nani.

ISAIAH 7:13

Ikehu Isaiah no pi, “Tishiaye inilo, O David laghami! Nono timi züpüzüve keghi kiumu ithimo kehu no ye I Lhou ghi züpüzüveni keshea?

ISAIAH 7:2

Kughou “Syria ye Ephraim sasü visho shipe ani,” ipi David laghami Ahaz vilo pi keno, pa ngo paw timiqo mlo ye amülhü no aghasü lo asüboqo fukini keshi khokho shive.

JEREMIYA 17:4

Nongu ye I no tsükeu mheghi au lono lekhove nani, eno I no nongu no mthakeu yeghi lo nongu ghümi qemi shiuvepe nani, kughengu I mlo kighide lono alholo iqüni keu mi küqüvae.”

JEREMIYA 21:5

Ni ampi no au xachhope au kumto pesü axukighide, mqhumza eno aloghu kije lono nongu sasü aghüshi nani.

JEREMIYA 23:19

Julo, AMPEUw pasapagha! Aloghu ye miyitsü pasapagha toi cheni; tino kixikilami kütsü shou no mpale nani.

JEREMIYA 23:2

Ikehu Israel Lhou, Ampeu no ambekhemi khunono Iw timiqo tucho cheni keno panongu vilo ishi piani: “Nongu no I mbeloji kuthole eno hapupove no panoqo jukütsü moe. Ikehu julo, nongu no alhoksa kümla shike ghenguno I no ghime nani, ipi Ampeu no asheshu.

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

JEREMIYA 5:14

Tighenguno Ampeu, aqokitikhi Lhou no sheshu: “Nono atsa hipau piqhive akehu, julo, I tsa huno o kichi lo ami kughulhove tsüni, eno timi hipaqo no asü shino ami no panongu pitiveni.

JEREMIYA 5:28

panongu ye chhikhoi eno atha pubeivae. Panongu kümla lhoksa ye ashekha küha; pano ye mighimi chipiu süsho tsünike achipi lono xathatsü chemo, aveküsami chipiu süsho tsümoe.

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

JEREMIYA 7:5

“Kughengu kuchou no nongu laghi eno no kümla kilive, lakhino lakhi lau kuchou xakütha shi aye,

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

EZEKEL 22:31

Tighenguno I no I loghu panoqo shou lepuku ke. I no I loghu miküqü pesü panoqo pitive. I no panoqo laghi pesü pano kütsü lo lepuku tsü kepi Ampeu Alhou no sheshu.”

ACHINE 26:28

I no axukighide lono nongu mjochile nani, Ni ampi no ghuthu tsüni no küghüsü no nongu ghime nani.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

ZEFANIA 3:5

Ampeu ye li lau achipikumo shimono achipiu mikucho shike; ina atsütsü Pa ye tamono Pa chipiu xakütha pephe piye cheni; ikemu achipikumomi ye akukujo ghi ithi chemoe.

Luke 1:69

Pa no ni ghenguno Pa qeu David lagha lono timiqo xaluni keu kibo süqheve tsüae,

Rommi 13:4

kughengu pa ye o kivipu shitsüni ye Alhou ghinimi lakhi ke. Ikemu nono akumou shive aye msa kepu ani, kughengu pa ye adou loye azütakikihi pemo nani. Pa ye Alhou ghinimi kehu alhoksa kümlami shou Alhou loghu süghi cheni.

ZAKINIU 32:22

Kughengu I loghu no ami iqüvae, tino Kithigha kutho kutolo piti nani, ayeghi ngo tile akeqo pitive nani, eno naghuto boqha pitive nani.