JEREMIYA 20:18 - Sumi Naga CL (Re-edited) Bible (BSI)

¹⁸ Ni ye kushiye aghime ithulu eno akukujo lono I küxü asheho niye atita lono ipeghi kea?

BAIBEL (BSI)

¹⁸ Kushiye ipunuqhi apekela? Shiluksa eno amlo ghime likhi shiapeniye kesha? eno kujomzakeu lono ikuxu shekha shipeniye kesha?

JEREMIYA 20:18 Iomraidhean Croise

KUKAMI ATUGHIU 19:4

Ikemu pau ye atsala lakhi ghüzü toike lo aghasa qhalo wuve no asübo lakhi kicheqho lo ngove. Pa ye tile nomu thiveni kepi ishi kümsü, “Hi ye ihulovae; O Ampeu, itehi I küxü luve tsülo, kughengu ni ye I puasüqo nguno kiumu akivi ye kumoe.”

JOB 14:1

“Totimi no punu kemi thaqhü ye aveküsa eno alho ikhoke pachie.

JOB 14:13

O Nono I küghape Kithigha lo küsüve keaye, O loghu kishekha moke kutolo I küghütshüve keaye, eno I ghenguno ado kihitha tsüno I kümsülu tsü keaye lae!

JOB 3:20

Kushiye kushuküqha ghime sholu kemi lau aküvü tsücheni, eno kukhukimji shikemi lau aküxü tsücheni kea?

JOB 5:7

ikemu ami no kunguu mpa iku ketoi timi ye aveküsa lo punusü cheni.

LESHELE 102:3

I küxü ye amchhi toi hauve ani, eno I ghi-anhü ye ayikiyiqibo miküiqü toi pitipüza ani.

LESHELE 69:19

I pipütha keu, I kukujo eno I gihumo keu Nono ithi ani; I ghümi kümtsü Nono ithi ani.

ISAIAH 1:6

Apukhumza lono akütsü kutolo kitilamu vithai keu kühavae, ikemu azaku ngo apiyi eno chiji keu zaku likhivae; tipaqo ye shikimtheve momu khave momu thazü pesü vakümtsha püamoe.

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

JEREMIYA 15:10

I za I punuu, I hasapue, aghakhu kuchopu lo mtomshu eno kütsala chekeu timi! Ni ye püna püamo, momu nalu püamoe, tishimu kümtsü no I ghusho ani.

JEREMIYA 15:18

Kushiye I küsü ye tavemo, I zaku ye zaghi eno shipivi mla kea? No ye kushiye pishikiqhi ghokiti, tuqu lo züha ghoki toi kea?

JEREMIYA 3:25

Ningu akukujo lono ihozüni, eno niw küthaküghapu no ni küzüluve peni nolo, kughengu ningu no Ampeu ni Lhou mjochile axine shivae, ningu eno ni puasüqo ghi, ni lhothe lono ishi kutolo ningu ye Ampeu ni Lhou tsa gholu move.”

JEREMIYA 8:18

I lokivi ye chevae; amloksa I shou ikughi ani; I mlo no aghime shi ani.

AKUMLO 1:12

“Nongu itsüche keqo müzülo hi ye kiumu kumo keshea? Julo, I mloghime khikhi Ampeu no Pa loghu tsala lono I shou pukutsü keno titoi keu mloghime ani kemo keno kümsüju lo.

AKUMLO 3:1

Pa loghu qheküsü vecheo aghime ithulu keu ye ni ke;

HABAKUK 1:3

No ye kushiye I pelo kixikila ithulupe, eno Nou no inaqhoi pimi keu ju ani kea? Kütsakungo eno heqhi buqhi keu no I phivilo ani; Kumgho kütsala keu ipeghi anie.

John 16:20

Kuchou no I no nongu vilo piani, ayeghiqha no alovi akelo nongu ye mloqa nani. Nongu ye amloksa no chhitoi nani, ikemu nongu mloküsa ye alokivipu shive nani.

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

IBRIMI 10:36

Nongu ye kheakulu shimasa ani, tishianguno kughou nongu no Alhou pulou shiluni keno Pa no piqhi püakeu ithulu nani.

IBRIMI 11:36

Khami ye ghushoqhi eno heqhi buqhi, tshüluve eno akughu shive.

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 13:13

Tighenguno ningu aghazü nguno khalau pa lau wuno pa jukünatha keu pepuni nolo.