JEREMIYA 20:11 - Sumi Naga CL (Re-edited) Bible (BSI)

¹¹ Ikemu Ampeu ye akümsapu ghütomi toi I gholo ani; ikehu I ghime akeqo ye küpxalu nani; panongu ye I shou tolumo nani. Panongu no tomlave kehu akukujopu kije shinani. Panow lhokta kukujo huye khilemu kümsümamo nani.

BAIBEL (BSI)

¹¹ Ikemu AMPEU nono ikudau ani, akumto eno akughushu shi anike, eno ishikighime akeqoye tomove nanike. Panonguye alhokupujulo kujomza kepu shive nani kughengu panonguye tokulupu tsa kuhae. Panoqono kujo mzanikeuye khilemu kumsumamlake.

JEREMIYA 20:11 Iomraidhean Croise

LESHELE 129:2

“I lhothe lono panongu no shishe I ghime ighivae, ikeghi panongu ye I theqhilu mphie.

LESHELE 35:26

Khunono I mhekiqi lo alovi akeno pano pelo akukujo lo ilove eno aghüthisüve pelo! Khunono I lachile ghi pano ampi sheqhe cheni keno akukujo eno küthakügha phimini pepu pelo!

LESHELE 40:14

Khunono I küxü pühave tsüniye phucheni keno akukujo lo ilove no aghüthisüve pelo; khunono I ghüza nike azüküvüshi acheni keno, pano hachileve no akukujopu lo ilove pelo.

LESHELE 47:2

Kughengu Ampeu, Shishe Akiqheu, ayeghi kümtsü shou akükau kije huye sümsa kepue.

LESHELE 6:10

I ghümi kümtsü kujove nani eno shishe avesave nani; panongu ye idewove nani eno paikhavi shikujove nani.

LESHELE 65:5

O ni xakulu Lhou; ayeghi eno azüghi kümtsüw lajupu, Nono akighiche kümla vecheo amikucho pesü ni khochile ke;

LESHELE 66:5

Alhou no kiu mlave tsü akeno ighi no julo: timi nuliqo lau Pa no mla tsükeu ye akümzapu ke.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

ISAIAH 45:16

Ajulho shisü chekeqo kümtsü shikujovae; panongu ye kümtsü avehu izü khavae.

JEREMIYA 1:18

Julo, I no ishi no o pesü ayeghi kümtsü mjochile kepu, Judah kükamiqo, tile kijemi, achinemi, eno ayeghi lo timiqo mjochile kepu aliwo kumto phughi shitsüni, ayi no shikeu tsükucho, alazayi tupiqo shitsüni.

JEREMIYA 1:19

Panongu no o mjochile nani, ikemu o shou tolumo nani, kughengu o xaphe lunike Ni ye o gholo ani, ipi Ampeu no sheshu.”

JEREMIYA 1:8

Panoqo msa kevilo kughengu I no o xaphe lunike o gholo ani, Ampeu no asheshu.”

JEREMIYA 15:15

O Ampeu, Nono ithi ani; I kümsülu eno I xuju tsülo, I ghime akemi lau I mkhü lutsülo. Nono aghümi lau kutuu anipi I pelo thivepe kevilo; O ghenguno I thaigha akeu ithi tsülo.

JEREMIYA 15:20

I no o pesü timi hipaqo lau alazayi tupikiye shitsü nani; panongu no o mjochile nani, ikemu o theqhi lumo nani, kughengu Ni ye o xalu eno o xaphe luni ke o gholo ani, ipi Ampeu no asheshu.

JEREMIYA 17:18

I ghimeqhi kemi shikukujo lo, ikemu I shikukujo tsü kevilo; pano pelo aghüthi süve pelo, ikemu I ghüthipüsü tsü kevilo; pano shou amhekiqi süghi tsülo; küghüsü no pano kütsave lo!

JEREMIYA 22:22

Amülhü no ow ambekhemi kümtsü fusawuve nani, o sakuphumi kümtsü akughu lo sawuve nani; tileno now küsakügha ghenguno nono kujove no atiche punani.

JEREMIYA 23:40

I no nongu shou alholo sakiyi keu eno pülhapuju kümsümamo kepushi akukujo süghi tsüni.”

JEREMIYA 32:18

Nono qhethonhe lau iqemokeu kikimiye piye cheni, ikemu apuaza no pimive kelo pano tianuliqo lau aghime süghi cheni, No ye kije eno akughushu Lhou, O je ye aqokitikhi MPEU ke,

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.