JEREMIYA 20:10 - Sumi Naga CL (Re-edited) Bible (BSI)

¹⁰ Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

BAIBEL (BSI)

¹⁰ Timi kumtsu ghano, “Aqha kumtsulo Akuighupu shivae! Ayehkipemi vilo pano ishi anikepi piveni nolo!” ipi chhu chhushi pikeu ino chilue. Ikusami kuchou ghi ino ikiqivekeu kheauvae. Panonguno pike, “Ishiake pa muquqhive luvike, tishianguno ninguno pa kughalu puzu amukhu lunike.”

JEREMIYA 20:10 Iomraidhean Croise

KUKAMI ATUGHIU 19:2

Jezebel no Elijah lau pi puwu, “Thoghiu hipa ghuloki lo I no o küxü pesü nono tungkupmi lau shike toi shimo aye, alhouqo pelo niu heqhi pithive peniu.”

KUKAMI ATUGHIU 21:20

Ahab no Elijah vilo pi, “I ghümi, no ye I phuluve akea?” Elijah no khochile, “Iyei, I no o phuluvae kughengu no ye Ampeu zülo kiu no achipi kumo keno shinike o jesüvae.

KUKAMI ATUGHIU 22:27

ishi pilo, ‘Akükau no ishi piani, “Timi hipau akughuki lo khatha püaghi lo eno I no akivishi ideighi moke kutolo asho ngo azü likhi pesü tsülo.”’”

KUKAMI ATUGHIU 22:8

Israel kükau no Jehoshaphat vilo pi, “Ampeu lau ighiju luni keu milakhi Imlah nu Micaiah aphi, ikemu ni ye pa mithie, kughengu pa ye alhoksa thono I ghenguno khilemu tungkuptsa akivi pitsü chemoe.” Jehoshaphat no pi. “Akükau ye tishi pikepu kumoe.”

JOB 19:19

I poshumi no I jupe aphimqhü, eno I no khuno kimiye che keno panoqo no I qhivae.

LESHELE 31:13

Kughengu kutomo no chhuchhushi küptsa keu I no chilue— kichi kümsa keu no akuaqha kümtsü lo ani!— panongu no I shou kuchughu ani, I küxü luve tsüniye küsüqe ani.

LESHELE 31:14

Ikemu ni ye O pükhü ani, O Ampeu; I no pi, “No ye I Lhou ke.”

LESHELE 41:10

Ikemu I küpüqhiyi tsülo O Ampeu, eno I süqhe tsülo, tishiaye I no panoqo lochileni!

LESHELE 41:9

I küsau I punukhoi akeu khuu I no pükhübe eno I shopa chucheni keno pa no I shou pa pukhu süqhe ani.

LESHELE 57:4

I ngulho ye abongshuu dolo ani; ni ye mghamichi keu tüghashi dolo ihozü ani— timi nuliqo, panow ahu ye angupa ngo apijiqo ke, pano mili ye azütakikihi kütsügha ke.

AHOLE 10:18

Kimthi kimxi keu küsüve aye pa ye akimki mili xapu ani, khukhumu xikishi tsa pichekeu ye anikhae.

ISAIAH 29:21

alatsa pesü pimimo kemi kitime, küghaküthau laghi lo alichhe shi, akimki pesü achipiu tuchighive chekemi kümtsü kütsave nani.

JEREMIYA 1:19

Panongu no o mjochile nani, ikemu o shou tolumo nani, kughengu o xaphe lunike Ni ye o gholo ani, ipi Ampeu no sheshu.”

JEREMIYA 11:19

Ikemu ni ye ambeti ivünhei ghikiqhi-a lo sawu cheke toike. Ni ye panoqo no I shou alhoksa ishi kuchughu akeu mthae, “Ningu axathi gholono asübo kütsaveni, küxümi yeghi lono pa pithiveni, tishino pa je kümsü chilelu moveni.”

JEREMIYA 11:21

Tighenguno Anathothmi khunono o küxü phu ani keno pano ghenguno Ampeu no ishi piani, “Ampeu je lono tungkuptsa pi kevilo, tikumo aye no ye ningu u lono pithiveni”

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

JEREMIYA 20:3

Thoghiu Pashhur no Jeremiah khaqhiphe kelo Jeremiah no pa vilo pi, “Ampeu ye o je Pashhur kumono Ako kümtsü lo Akümsapu ipi kutsüe.

JEREMIYA 37:13

Pa no Benjamin Khagho lo ighi kelo Hananiah nu Shelemiah nu aghukheu Irijah no pa tsüqü luve no pi, “No ye hipa-a qhive no Chaldeami lau pocheae.”

JEREMIYA 6:25

Alulo hu kevi momu alaghila lo cheche kevilo, kughengu ghüshimi u lo azütakikihi ani; aqha kümtsü lo akümsapu ani.

EZEKEL 22:9

Nongu dolo aji peleni ye akimki tsa pikemi ani, eno naghutoqo shou iku no chusho chekemi ani; panongu no kipti-toti dolo mithekumo shie.

DANIEL 6:4

Ikelo hiyampemi ngo yepemi no kükaqha vehulo Daniel shou muchho niye alaghi phuju, ikemu panongu ye akumchho momu akipimi tsükulupu laghi kiumu kühave, kughengu pa ye pükhükulupu eno pa lolo akipimi momu küqü keu kiumu ithulu moe.

Luke 20:20

Ikehu panongu no tsaqüi pa jukuto akelo timi khami pelo amlo tsüqhiyi kemi toi pa tsa ini penike puwu, tishianguno pa no kiuala pikeu lono pa mepe angh qholo yepemi tsüve niye ke.

Apostolmi 24:13

Tike kumono panongu no I ngukube akeu o vilo tikepi thebei pimla nani.

Apostolmi 5:33

Panongu no ti chilupe axuideve no apostolmi pithiveni shive.

Apostolmi 7:54

Kughou panongu no hi chilu keno, panongu ye axuideve no pa jupe ahu tsüghü.