JEREMIYA 2:28 - Sumi Naga CL (Re-edited) Bible (BSI)

²⁸ Ikemu nongu no mlakeu lhouqo khile ani kea? O Judah, no veküsa lo nongu xalu kepushi aye pano pelo ithughi pelo; kughengu now mishighünaqo khije ani keno no lhouqo ghi tijehi ani.

BAIBEL (BSI)

²⁸ Nolikhi nonguno alhouqo shipesu qhikeu khile ani kya? Nonguno kughou shiluksa shini keno tipaqo pelo nongu xalu pelo, panonguno tishikulupu shiaghiaye! Juda, noye aphughi khijehi ani keno tijejehi alhouqo kutomo puanike.

JEREMIYA 2:28 Iomraidhean Croise

KUKAMI AKINIU 3:13

Elisha no Israel kükau vilo pi, “Ni ye kiu lono o vehupu shikepu ipeghi kea? O pu ngo o zaw tungkupmiqo lau wulo.” Ikemu Israel kükau no pa vilo pi, “Moe; Ampeu no kükami hi pano küthü ku phepe Moab kükau u lo süve tsüniye shi ani.”

ISAIAH 45:20

“Nongu hekumqope ighilo, shiye lo nongu ghükulumi, kümtsa kupunu ighilo! Ajulho pesü kulobide chekemi ye akighithi alokütsü mu kühae, panongu ye xamlani keu lhou lau inikhu cheni.

ISAIAH 46:2

Panongu no itsaqi eno kümtsa pishiqho cheni; panongu ye apekimshi makho xapu mlae, ikemu panongu ampi ghi akughumi shisü wuve.

ISAIAH 46:7

Panongu no abighi lo tipau ikhiqhepe xapu cheni; panongu no a-a lakhi lo ti ghope qhive cheni; ti ye tipa-a lono ithauve mlae. Milakhi no tipau lau ighamku namu, ti ye khochile chemo momu pa küküpna lono xaphelu chemoe.

ISAIAH 57:13

Kughou nongu no ighamkuni keno, nongu no ajulho kütsüpe püakeqo pelo nongu xaphetsü pelo! Amülhü no tipaqo fupesü wuve nani, atuthu no tipaqo fupesü wuve nani. Ikemu khunono I pükhü cheni keno ayeghi lo xülu nani eno I kimthe naghuto ighilu nani.

JEREMIYA 1:16

I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

JEREMIYA 11:12

Tileno Judah lo mishighünaqo eno Jerusalem lo küxümi no pano kümllagho tsü chekeu lhou lau ighamku nani, ikemu pano veküsa ghuloki lo tipaqo ye pano xalumo nani.

JEREMIYA 11:13

O Judah, nongu lhouqo ye now mishighünaqo jehi shivae, eno Jerusalem laghila no khije akeno tijehi Baal lau akümllagho tsünike akiptiaqo shiqhe keu lono akukujopu shivae.

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

JEREMIYA 37:19

Ow tungkupmi khunoqo no o vilo, ‘Babylon kükau ye no eno ayeghi hipau leighi monani’ ipi tungkuptsa piche keno, tipaqo ye khilave akea?

HOSIYA 10:1

Israel ye nibonilei keu tsaibo tipau ye axathi pithi acheni. Pa xathi no ikowo ke kümtsü pa no alau akiptia mla cheni; pa ghakhu no ikoishe kelo pa no pa tsükuchoqo shikumto cheni.

HABAKUK 2:18

“Ayi julho kiyiqiu no akoghe mlaphe keu, pishikiqhi shika chekeu huye kiu ala ani kea? Kughengu atsa pikümla julho mla kelo akümlau ye pa no mlaphe keu pükhübe cheni!

HABAKUK 2:19

Khuu no asülu vilo, Ithulo; iqünhei keu tuqu vilo, Ithulo! ipi cheni keno ahaküsapue. Hipau ye shikalu nani keo? Julo, hi ye ameshoyi ngo ghükayi no dapüani kemu atuthu ye kühae.

ZAKINIU 32:37

Tileno Pa no pi nani, ‘Pano no ijelu chekeu tuqu, pano lhouqo ye khilave akea?

XAKUTHAMI 10:14

Wuno nongu no kisheluve keu lhouqo lau ighamku khulo. Panongu pelo nongu no aghime shi akelo xaphelu pelo.”