JEREMIYA 2:23 - Sumi Naga CL (Re-edited) Bible (BSI)

²³ No ye kishino ‘Ni ye Baal lhouqo lau wu püamo ke kitiqe mphi,’ ipini kea? Akhila lo o laghi julo; nono kiu mlave akeno ithilo, sayeshi lhothe no ngosümla no hile hule powu aketoi,

BAIBEL (BSI)

²³ Noye kishi puzu olikhi oshipusa mphi kepi pilu nani, eno noye khilemu Baal mlla mokepi nani kya? Akhilalo nono kishi axine shikeno julo; nono kiu shivea keno julo. Noye tughalo akeu kemel no mutho ipeghi akeshi poiqho iqike, asayeqhalo koha wuke.

JEREMIYA 2:23 Iomraidhean Croise

ESTHER 8:16

Jewmi ghenguno ti ye amlokiqi eno kunuvüqai keu, aloino eno agigihu tüqhüdo shive.

LESHELE 36:2

Kughengu pa no pa ampi pesü qhemghai kümsü cheni pa xine phuphe mla eno pa ye akimthipu shimo nanie picheni.

LESHELE 50:21

No ye thime hipaqo shivae, ikeghi Ni ye inaqhoi ighivae; nono kümsü keu no nighi o toi kemi küghashi ani. Ikemu itehi I no o lomipi ani eno ngukube keu o zülo süghi ani.

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

AHOLE 30:12

Khami ye pano xine no kuchhube kütsüla shi akeghi mithemighei aketoi kümsü cheni.

AHOLE 30:20

Küsalhami küxü ye hitoi: li no chuve no akichi isüve no picheni, “Ni ye akumou shipüamoe.”

JEREMIYA 14:10

Timi hipaqo ghenguno Ampeu no ishi piani: “Panongu ye itsü wuveni keu no pano pulou; pano pukhu süchile jumphie; tighenguno Ampeu no panongu ikhilu chemoe; itehi ye Pa no pano xine kümsüchile luno tipau ghenguno ghime nani.”

JEREMIYA 16:10

“Kughou nono hipa tsa pesü timiqo vilo pi keno panongu no o vilo iniju nani, ‘Ampeu ye kushiye alhoksa kije hipaqo ni shou pipuku ani kea? Ningu xine ye kiu kea? Ningu ye Ampeu ni Lhou lau kiu xine shive kea?’

JEREMIYA 2:36

Ghuthu khijehi no ye o laghi kilive acheni kelae! Assyria no o shikukujo ketoi Egypt no o shikukujo nani.

JEREMIYA 3:2

Atoghi kütsüqa lo jupuku julo! Nono shipüthamo ke-a khileala ani keshea? Asayeqha lo Arabmi toi alaphe lo nono o lojipumi ngokhe ke. O salha kümla lhoksa no nono ayeghi shipixivae.

JEREMIYA 31:22

O aküpülü kükühau atotiu, no ye khitohi künachoni kea? Kughengu Ampeu no ayeghi lo thime kithe lhophevae: totimi kiptimi süho luve nani.”

JEREMIYA 7:31

Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

JEREMIYA 9:14

ikemu panongu no kuthovi ghi pano pulou pape wuve eno pano puasüqo no shika ketoi Baal lhouqo pape wuve.

HOSIYA 1:2

Kughou Ampeu no atüghüshi Hosea vecheo Israel pütsa keno, Pa no Hosea vilo pi, “Wulo, anipu kütüqhalimi luvelo eno kütüqhaliu sasü atianuli shilo, kughengu aghakhu ye Ampeu pheve no shishe kütüqhauvae.”

Luke 10:29

Ikemu timi huno pau no achipiu ipi penishi kehu Jisü vilo pi, “Maye khuu no I kisüghüu kea?”

Rommi 3:19

Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.