JEREMIYA 2:20 - Sumi Naga CL (Re-edited) Bible (BSI)

²⁰ “Khaghi no I no ow kuokhasü hephove tsü eno o kütsüghaqo süthave tsü kemu nono pike, ‘Ni ye O qemoe.’ Iyei, atoghi kümtsü lo eno asübo kümtsü qholo nono kütüqhalimi toi ihozü ke.

BAIBEL (BSI)

²⁰ Akughushu AMPEU no pi, “Israil, puzuu nomu noye ikuka gha hebideke; Nono imlla nikeu eno igholu nikeu lo mopike. Naghuto qhemghai keu kumtsu eno asu minipho qholo nono lhoipeghi penikeu lhouqo mllake.

JEREMIYA 2:20 Iomraidhean Croise

KUKAMI ATUGHIU 12:32

Judah lo shiche ketoi Jeroboam no aqhi akütacheu, atsala chighiapunguu lo aghulhu pini kepu tsala kughu no akümlla-khache lono aghakishi mlla. Titoi pa no Bethel lo amshiti julho lau aghashi, eno tilau atoghiqo lo akümlla-a lo achinemi süsüe.

KUKAMI ATUGHIU 14:23

Panongu no pano ghenguno atoghi eno asübo kümtsü lo qhemghai ke-a, atsükucho, eno Asherim mlape qhi,

LESHELE 107:14

Pa no aküzü eno akithi yekükhü lono panoqo saipeghi, eno akütsüghaqo sütha kütüta shive tsüe.

LESHELE 2:3

“Ningu pano kütsügha kütütashi süthave tsüno pano kighi peve tsüni nolo.”

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

IPEKULU 19:8

Timi kümtsü no kümtsa khochile no pi, “Ampeu no pive keu kümtsü nino shini.” Eno Moses no timiqo tsa pesü Ampeu vilo pive.

IPEKULU 24:3

Moses no ideighi no timiqo vilo Ampeu tsa eno akhuaye kümtsü pive. Eno timi kümtsü no asütsa lakhi lono khochile pi, “Ampeu no atsa piqhive keu kümtsü ningu no shini.”

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

ISAIAH 10:27

Tipa ghuloki loye nongu bighi lono Assyriami makho ikhivetsü nani; nongu kuo lono kuokhasü ikhipe hechheve tsü nani. Panongu ye Rimmon lono wuve nani.”

ISAIAH 14:25

I yeghi eno I toghi lono I no Assyriami kütsave no nedave nani; Iw timiqo launo panow kuokhasü eno abighi lono amakho ikhive tsüni.”

ISAIAH 9:4

Kughengu Nono paw kuokhasü, abighi lo amakho puchekeu, pa qhaküsümi küsü kümtsü, Midianmi lau shike toi hechheve tsüae.

JEREMIYA 13:27

I no ow kuchhube kümla, o shupu asalha eno akimine, atoghi lo nono kütüqha keu ithuluvae. O Jerusalem, o hasapue! Khitohi no ye mithe mono anani kea?”

JEREMIYA 17:2

pano tianuliqo no asübo eno qhemghai keu toghi lo pano kiptia eno Asherim akeqo kümsülu nani.

JEREMIYA 2:31

O nongu tiqhelimi, Ampeu tsa jukuto lo. Ni ye Israelmi ghenguno asayeqha momu aküzü shishoi keu yeghi shive akea? Imaye Iw timiqo ye kushiye, ‘Ningu ye ililai ani, ningu ye khilemu O lau ighimoae,’ ipi cheni kea?

JEREMIYA 3:13

Nono Ampeu o Lhou hebideve o pulou pesü asüminipho qholo inaghami lau tsüve no I tsa gholu move keu kipimi kepi ikhilu lo, ipi Ampeu no asheshu.

JEREMIYA 30:8

“Tipa ghuloki lo hitoi shinani, aqokitikhi MPEU no sheshu, I no kuokhasü panongu kuo lono hephove tsü nani, pano kütsüghaqo pitive tsü nani, eno panongu ye inaghami qeu shimove nani.

JEREMIYA 5:5

I no kijemiqo lau wuni eno panongu vilo pini, kughengu panongu ye pano Lhou Ampeu laghi ithi ani.” Ikemu kümtsü no aphiphishi kuokhasü hephove; eno akütsüghaqo kuqhove ke.

EZEKEL 16:28

Nono aghapiqi moke ghenguno Assyria sasü kütüqhae; iyei, nono panoqo sasü kütüqhae, eno itaghi no ye aghapiqilu mphie.

EZEKEL 16:31

alaghila kümtsü lo nhasü keu chebo mlae, eno alapa kümtsü lo qhemghaike-a mlake. Ikemu no ye kütüqhaliu toimoe, kughengu nono asalha me mithi ke.

EZEKEL 16:41

Panongu no o ki pitileve tsü nani eno topumi kutomo nhethe lono o shou küghathabe nani. Nono kütüqha chekeu I no lakhave tsü nani, eno no ghi asalha me tsü chekeu tsümove nani.

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 23:5

“Oholah no Iw shi apülaghi kütüqhae, eno li lojipumi Assyriami, aghütomi mine,

HOSIYA 1:2

Kughou Ampeu no atüghüshi Hosea vecheo Israel pütsa keno, Pa no Hosea vilo pi, “Wulo, anipu kütüqhalimi luvelo eno kütüqhaliu sasü atianuli shilo, kughengu aghakhu ye Ampeu pheve no shishe kütüqhauvae.”

HOSIYA 2:5

Kughengu panongu paza ye shupu-salhave; khuu panongu mishi keno li huno akukujopu shike. Kughengu li no pi, ‘Ni ye I lojipumi lau wuniae, panoqo no asho, azü, akülüphi, phepheike phi, thazü eno yekepu pesü I tsü chenie.’

HOSIYA 3:3

Eno I no li vilo pi, “No ye Iw kepi atsala kutomo I gholo xümasa. No ye kütüqha moni, momu timi kütamiw shimoae; tihutoi ni ghi o gholo acheuveni.”

HOSIYA 4:13

Panongu no naghuto kütsüqa lono aghashi cheni eno atoghiqo lono, aphisübo, khotsüsübo eno tsüzüsübo qholono piti mlla cheni, kughengu tipaqo kicheqho ye alo kehue. Ikehu nongaqo no kütüqhauvae, eno no mulimi no salhauve.

HOSIYA 9:1

Alovi kevilo, O Israel! Ashiayeqo toi ahulü akevilo; kughengu nongu ye no Lhou pheve no kütüqhauvae, nongu ye aniqa kümtsü lo asalha jume kimiye cheni.

ACHINE 26:13

Ni ye Ampeu khuu nongu pelo aqüaxemi shipe moniye Egypt lono saipeghi keno, nongu Lhou huke. I no now kuokhasü kuboleve tsüno nongu pelo akütsü peqhepe chewulu peke.”

NAHUM 1:13

Eno itehi ye I no o phi lono paw kuokhasü hechheve tsüni eno o kütsüghaqo sütha kütüta shive tsüni.”

ZAKINIU 12:2

Nongu no shiye hale niye akeqo no pano lhou mlla cheke-a, naghuto kuchuqu, atoghiqo, eno asübo qholo ache keqo kümtsü kütsave lo.

ZAKINIU 15:15

No ye Egypt lo aqemi shiche kelono Ampeu no xachilelu kepi kümsülu lo, tighenguno ishi tsala lono I no azah hipau tsü anike.

ZAKINIU 26:17

Ishi tsala lono nongu no Ampeu ye no Lhou kepi piphevae eno Pa gholu no akhuaye, azakütsü, eno pimheye kümtsü pape nike shuphevae.

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 5:27

Aphivilo wuno Ampeu ni Lhou no pikeu kümtsü inilo, eno Pa no o vilo pikeu kümtsü ni vilo pilo, nino inino papeni.’

JOSHUA 1:16

Panongu no Joshua khochile, “Nono azah ningu tsükeu kümtsü nino shini eno ni vilo khile wulo pi keno wunie.

JOSHUA 24:24

Timiqo no Joshua vilo pi, “Ampeu ni Lhou ningu no qeni, eno Pa zakütsüqo nino gholuni.”

JOSHUA 24:26

Joshua no Alhou Yezah Kaku lo atsa hipaqo yesüve. Tithiu pa no atuqu kije lakhi ikhilu no Ampeuw akimthe-a lo aphisübo qholo shosüve.

Piyeküsü 17:1

Tileno kungumi tsüni khunoqo u lo abohu tsüni akeno tipaqo gholo lakhi no ighi no I vilo pi, “Ighilo, kütüqhaliu khuu aghoki kutomo shou iqa ani keno, li shou küghatha keu I no o piyeni,

XAKUTHAMI 10:6

Itaghi Israelmi no Alhou zülo küsakügha shino Baal ngo Ashtaroth, Syriami, Sidonmi, Moabmi, Ammonmi, eno Philistiami lhouqo mllau khaveno Ampeu pheve no Pa huthu move.

XAKUTHAMI 2:11

Israelmi no Ampeu zülo küsakügha shiuve eno Baal mllau khave.

XAKUTHAMI 2:13

Panongu no Ampeu pheve no Baal ngo Ashtaroth mllauve.

SAMUEL ATUGHIU 12:10

Panongu no Ampeu lau ighamku pi, ‘Nino axine shivae, kughengu ningu no Ampeu pheve no Baal ngo Ashtaroth qeuve. Ikemu itehi ni ghümi u lono ni xaphelu tsülo, tishi aye ningu no O qeni.’