JEREMIYA 2:19 - Sumi Naga CL (Re-edited) Bible (BSI)

¹⁹ O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

BAIBEL (BSI)

¹⁹ Nolikhi nolhoksano nongu ghimeqhi nani, eno nonguno ilauno tsughusu wuvekeuno nokideqhive nanike. Ni nongu Lhou AMPEU phevekeu eno ikidiu amikucho shi xuche- move aye kiutoi kukhu kimji eno alomo kepu keno nonguno ithilu nani. Ni Aqokitikhi MPEU Akughushuuno piveake.”

JEREMIYA 2:19 Iomraidhean Croise

KUKAMI ATUGHIU 18:18

Pa no khochile, “Ni ye Israel küpüna püamoe, ikemu nou no eno o lagha no küpüna cheni, kughengu nono Ampeu zakütsüqo pheve no Baal mllauve ke.

YEKIKITHI AKINIU 12:5

Rehoboam ngo Judah lo sakiphemi no Shishak ghenguno Jerusalem lo hekütsüpe akelono tungkupu Shemaiah no ighi no panongu vilo pi, “Ampeu no ishi piani, ‘Nongu no I qhiveke ghenguno I no nongu pesü Shishak u lo süve tsüae.’”

YEKIKITHI AKINIU 21:10

Ikehu ishi kutolo Edommi ye Judah yekipe sasü kumjo acheni. Tipa ghuloki lono Libnah ghi Judah sasü kumjo ipeghive kughengu Jehoram no Ampeu pa puasü Lhou pheve ke.

YEKIKITHI AKINIU 25:16

Ikemu pa no pi aphi lono Amaziah no ghechile, “Ningu ye o pelo akükau mijekütsüu shivepe akea? Tavelo! Kushiye o pithive apeni kea?” Ikehu tungkupu no tave, ikemu ishi pi, “I no ithi anike Alhou ye o kütsave niye shivae, kughengu nono hi shive no Iw mijekütsü ini movae.”

LESHELE 36:1

Axine no kixikilami mlo lo thonhei ishi pisü tsü cheni; pa müzülo Alhou sükümsa kühae.

IPEKULU 33:6

Tighenguno, Israelmi no Horeb Naghuto nguno hulau ye panow achi nanuqo xaqhive.

AHOLE 1:31

tighenguno pano no xüchekeu kiqi lono axathi xolu nani, eno pano no kuchughu chekeu huno pano kive pichhitsü nani.

AHOLE 1:32

Kughengu mbomzümi ye alokütsü milive kelono thive cheni; eno pano kuchhoma no pano kütsave cheni,

AHOLE 5:22

Kixikilami ye pa xine no meluve cheni, eno pa xine kighi no tsatsai pa tsüghave cheni.

ISAIAH 3:9

Panongu gino pano shou thopi shi ani; Sodommi toi küsü mono axine shi ani. Pano hasapue! Kughengu panongu no pano ampi shou alhoksa süghi anike.

ISAIAH 5:5

Ikehu I tsailu pesü kiu shini keno I no pini. I no tipau ghutu eno akuptu hexave no ikhiveni, eno tüghashi no mzachuve no nedaqoda pinyive peni.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

JEREMIYA 1:16

I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

JEREMIYA 13:22

Nono o mlo lono, ‘Kushiye hipaqo ye I shou ikughi ani kea?’ ipi aye, ti ye o xine kije ghenguno o phimini süxüve tsüno no ye ighono aghimeshi ani.

JEREMIYA 2:17

Pa no alaghi lo o sawu kelo nono Ampeu o Lhou pheve keu lono hipaqo o shou süghi anike kumo keshea?

JEREMIYA 3:22

“Xaidelo, aküpülü küküha nuli, I no nongu küpülü küküha shipivi tsüni.” “Iyei, nino O lau cheni, kughengu No ye Ampeu ni Lhou ke.

JEREMIYA 4:18

O laghiqo eno o kümlaqo no o shou hipau süghivae. Hi no o ghimepu tsala, hi ye khumtsai o mlo kutolo ilo chuxutsü ani.

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

JEREMIYA 5:24

Panongu ye pano mlo lono ishi pimoe, ‘Ningu MPEU ni Lhou sümsani, khuu no atusho ghuloki lo azü tsücheni, tixi lo eno tuqu lo azü tsücheni keno, Pa no ghile hulu kepu pinedo ni ghenguno kuto tsü cheni.’

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

JEREMIYA 7:19

Panongu ye I xukutho ani keo? ipi Ampeu no asheshu. Hi ye panongu ampi kukujopu shi anike kumo?

JEREMIYA 8:5

Imaye kushiye timi hipaqo ye ideighi mono athiu wove kea? Panongu no pishikiqhi tsüqüpe; eno ide ighini keu lachile.

EZEKEL 23:30

huno o shou hi süghivae, kughengu nono shiyeqo sasü kütüqha eno asü-atu julho pesü o shikitiqeve ke.

EZEKEL 39:24

I no pano mithekumo eno akipimi kiqi lono panongu peitha, eno panoqo launo I gi küsüve ke.

HOSIYA 11:7

Iw timiqo ye tsümomo I launo tsüghüveni shi cheni, eno panongu no Shishe Akiqheu lau ighamku anamu Pa ye kiu gholau nomu panoqo xaqhemo nani.

HOSIYA 13:9

Pa no o kütsavae, O Israel, kughengu nono O kukuphuu mjochile ke.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

HOSIYA 4:16

Israel ye amishi lhothe no kuthovi akeshi ke Ampeu ye atsüni kümtsha-a lo ambe tucho keshi panoqo tucho luni keshea?

HOSIYA 5:5

Israel qheküza no pano zülo ashepe shi anie; Israel ngo Ephraim ye pano kipimi lono küpxalu nani; Judah ghi panongu gholono küpxalu nani.

HOSIYA 7:2

Ikemu pano lhoksa kümtsü I no kümsülu ani kepi panongu ye kiqiju moe. Itehi ye pano kümla no panongu süho luvae eno ti ye I zülo ani.

HOSIYA 9:1

Alovi kevilo, O Israel! Ashiayeqo toi ahulü akevilo; kughengu nongu ye no Lhou pheve no kütüqhauvae, nongu ye aniqa kümtsü lo asalha jume kimiye cheni.

AMUS 8:10

I no now tiqhetini pesü akumlo shivetsü nani eno nongu le kungo pesü amloksa le shivetsü nani; I no yeqhiyephi pesü nongu chita lo khatsü nani eno nongu kütsü lono asa miye khave tsü nani; anu lakhi akeu thive kelo mloqa ketoi shipe nani eno tipau shekuho ye kukhukimji tsala toi nani.

MICAH 1:5

Hi kümtsü Jacob xine eno Israel lagha xine ghenguno ke. Jacob xine ye kiu kea? Ti ye Samaria ke kumo? Eno Judah kuchuqu-a ye kiu kea? Ti ye Jerusalem ke kumo?

ZEKHARIA 7:11

Ikemu panongu no amlo tsümove eno tsatsai ngove no ini moniye pano kini kiyikha luve.

Rommi 3:18

“Pano nhethe lo Alhou sükümsa kühae.”

XAKUTHAMI 10:13

Ikeghi nongu no I pheve no alhou kütau mllauve, tighenguno Ni ye nongu xaphe moae.