JEREMIYA 19:6 - Sumi Naga CL (Re-edited) Bible (BSI)

⁶ tighenguno, Ampeu no asheshu, jualo, atsala cheni, hipa-a ye Topheth momu Hinnom Nu Khila ipi kumove nani, ikemu Ghikiqhi Khila ipi nani.

BAIBEL (BSI)

⁶ Tighenguno hipa-a pesu Tofet momu Hinom Khila ipi kumonikeu doghuloki wo cheni. Tishinike zuqhulo, tipa-aye Ghikiqhi Khila kepi piwove nani.

JEREMIYA 19:6 Iomraidhean Croise

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

JEREMIYA 19:11

eno panongu vilo pilo, ‘Aqokitikhi MPEU no ishi piani: Alikümlau yeghi li hepho keshi I no timi eno mishighüna hipau hepho nani, eno khilemu kime mlave nani. Asükumo ye Topheth lo qho nani kughengu qhokepu-a kütau kühave nani.

JEREMIYA 19:2

Alitsa Khagho kulaghi lo Hinnom Nu Khila lo wulo, eno I no kiu o vilo pini keno tileno asheshu lo.

JOSHUA 15:8

Aghuthu ye apeu Jebusimi (ti ye Jerusalem) kikime lono iqho Hinnom Nu Khila apeu kuto. Tino ahuu kishekha lo Rephaim Khila lono kulolau Hinnom Khila ghüngüu, aghuthu ye iqho naghuto kütsüqa kuto.