JEREMIYA 19:3 - Sumi Naga CL (Re-edited) Bible (BSI)

³ Nono pini, ‘Ampeu tsa inilo, O Judah kükami eno Jerusalem lo küxümiqo. Aqokitikhi MPEU, Israel Lhou no ishi piani: Julo, I no kütsakungo keu a-a hipau lo süghini cheni, hipau chilu kemi kümtsü kini lo qüqüshi chilu nani.

BAIBEL (BSI)

³ AMPEU no ivilo ishi pilo pike, “Juda lo kukamiqo eno Jerusalem lo akemiqo, ni, Aqokitikhi MPEU, Israil Lhou no kiu piani keno inilo. Ino a-a hipau shou kutsakungo keu lakhi sughini cheni eno tipau shikeu chilukemi kumtsu mamaive nani.

JEREMIYA 19:3 Iomraidhean Croise

LESHELE 102:15

Shiyeqo no Ampeu je sümsa nani eno ayeghi lo kükami kümtsü no O juküvü sümsa nani.

LESHELE 110:5

Ampeu ye o u ajeu ani; Pa loghu tsala lo Pa no kükami haleve nani.

LESHELE 2:10

Tighenguno itehi, O kükamiqo, alotsü lo; ghutu lulo, O ayeghi lo yepemiqo.

ISAIAH 28:19

Panongu no inaqhe atsütsü, puchou eno putho lo ika ighike kümtsü lo nongu küghape wuve nani; eno hipa tsape vethalu kelo thüghüi nani.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

JEREMIYA 17:20

eno pilo, ‘Judah kükami, Judah eno Jerusalem lo küxümi kümtsü, khagho lo iloche kemi kümtsü Ampeu tsa inilo.

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 19:15

“Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

JEREMIYA 25:29

Kughengu julo, I no I je lono kukeu mishighüna lo amhekiqi kümla huthu kelo o ghime moveni keshea? O ghime nani pütsae, kughengu I no ayeghi lo küxümi kümtsü ghime nike azütakikihi ku ani, ipi aqokitikhi MPEU no sheshu.’

JEREMIYA 35:17

Tighenguno, aqokitikhi Mpeu, Israel Lhou no ishi piani: Julo, I no shupheve ketoi Ni ye Judah ngo Jerusalem lo küghüna küami kümtsü shou kütsakungo süghini cheni, kughengu I no panongu vilo pi anamu panongu no initsü moe, I no panongu ku keghi panongu no khochile moe.”

JEREMIYA 44:3

ti ye panongu no axine shive keu ghenguno ke. Panongu eno pano puasü nomu mtha keu lhouqo lau panongu no akümllagho tsüno huthu kelono I mlo shikighide tsüke.

JEREMIYA 6:19

O ayeghi, inilo, I no timi hipaqo shou pano mqü lhoksa xathi ghenguno amhekiqi süghini cheni, kughengu panongu no I tsa lo amlo tsümove eno I yezah milive ke.

EZEKEL 7:5

“Ampeu no ishi piani: Kütsakungo keu shelo kütsakungo keu! Julo, ti ye ighivae.

MATTHEW 10:18

nongu sünhe sasü angh ngo kükamiqo lau wunani, ti ye panoqo eno Jewkumomi zülo I je ghenguno ashepe shilu peniye ke.

Piyeküsü 2:29

Khuu no akini ani keno Aghungu no akukuhouqo lau piakeu chilulo.

SAMUEL ATUGHIU 3:11

Tile Ampeu no Samuel vilo pi, “Julo, Israel lo thime lakhi I no shiniye ani, tipau shikelo khuno kini no chiluni keno panoqo kümtsü akini mutho ghüghüi nani.