JEREMIYA 18:23 - Sumi Naga CL (Re-edited) Bible (BSI)

²³ Ikemu O Ampeu, panoqo no I pithini ke amqü shi akeu Nono ithi ani. Pano kipimi qhitsü kevilo, momu O zülono pano xine nuxave tsü kevilo. O zülono panongu ikhive lo; O mlokighide lono pano kuto tsülo.

BAIBEL (BSI)

²³ Ikemu AMPEU, panonguno iheqhi pithiveniye kumqukeu kumtsu nono ithi ani. Panoqo lhoksa kipimi qhitsu kevilo momu panoqo xine akipimi ikhivetsukeu shi kevilo. Panoqoye ozulo halepinyi tomove pelo eno ologhu kighidelo panoqo kutotsulo.”

JEREMIYA 18:23 Iomraidhean Croise

LESHELE 119:126

Ampeu, Nono mla kepu do ighivae, kughengu O yezah ye kubovae.

LESHELE 35:4

I küxü phu chekemi pelo akukujo eno agigihu küha keu lo ilove pelo! Khunono I shou kixikila kuchughu ani keno pano pelo idechile wove no aghüthi süve pelo!

LESHELE 56:8

I tukuchoqhi keu ye Nono kihipe ani; I nhezü kipiji ye O külabo lo süpüani. Tipaqo ye Ow kaku lo anike kumo?

LESHELE 59:5

No, Ampeu aqokitikhi Lhou ye Israel Lhou ke. Shiye kümtsü ghime kepushi ithulo; thekuchu shi kixikila kuchughu keqo khumu pheve kevilo.

ISAIAH 10:3

Putou no küsakusho, aghime tsala ighi kelo nongu ye kishiveni kea? Khuno lau akukuphu phuwuni, eno no küakini khile qhiveni kea?

ISAIAH 2:9

Ikehu, timi kümtsü sünheqhipe kuchunive nani, panongu kipimi qhitsü kevilo!

JEREMIYA 11:23

khumu ghüpe qhimo nani. Kughengu I no Anathothmi ghimeke mpe lo pano shou amhekiqi süghi nani.”

JEREMIYA 15:15

O Ampeu, Nono ithi ani; I kümsülu eno I xuju tsülo, I ghime akemi lau I mkhü lutsülo. Nono aghümi lau kutuu anipi I pelo thivepe kevilo; O ghenguno I thaigha akeu ithi tsülo.

JEREMIYA 17:18

I ghimeqhi kemi shikukujo lo, ikemu I shikukujo tsü kevilo; pano pelo aghüthi süve pelo, ikemu I ghüthipüsü tsü kevilo; pano shou amhekiqi süghi tsülo; küghüsü no pano kütsave lo!

JEREMIYA 17:4

Nongu ye I no tsükeu mheghi au lono lekhove nani, eno I no nongu no mthakeu yeghi lo nongu ghümi qemi shiuvepe nani, kughengu I mlo kighide lono alholo iqüni keu mi küqüvae.”

JEREMIYA 18:18

Tile panongu no pi, “Ighilo, ningu Jeremiah shou kuchughuni, kughengu achinemi launo ayezah shiküka tavemo nani, alokütsümi launo mijekütsü eno tungkupmi launo atsa pühave monani. Ighilo, ningu amili pesü pa leni eno pa no kiukiu pinamu ini moni.”

JEREMIYA 26:11

Tishino achinemi ngo tungkupmi no hiyampemi eno timiqo vilo pi, “Timi hipau ye pithive küzüe, kughengu nongu kini no chiluve ketoi pa no mishighüna hipau shou akumou tungkuptsa pike.”

JEREMIYA 26:8

Kughou Jeremiah no Ampeu no timiqo vilo pi penike azah tsükeu pitave keno, achinemi ngo tungkupmi eno timi kümtsü no pa tsüqü luve no pi, “No ye thi nani!

JEREMIYA 37:15

Hiyampemi no Jeremiah ju axuideve, eno pa heqhi no pa pesü akiyeu Jonathan kilo akughu shive, kughengu ti ye akughuki shi püake.

JEREMIYA 38:4

Tileno Hiyampemi no akükau vilo pi, “Timi hipau ye pithive kepue, kughengu pa no atsa hipaqo panongu lau pikeu lono mishighüna hipau lo ghüshimi akeqo shikimqeve ani eno timiqo ghüthi püsüve tsü ani. Kughengu pa ye timiqo kivipu kumono pano ghüzapu phu anie.”

JEREMIYA 6:15

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani,” ipi Ampeu no pi.

JEREMIYA 6:21

Ikehu Ampeu no ishi piani: ‘Julo, timiqo pelo küpxalu penike I no apukhu küpsüpu qhitsüni; apu-anu kümtsa, akisüghümi eno akümsami kümtsü pühave nani.’”

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

JEREMIYA 8:12

Kuchhube kümla shive kelo panongu ye kujo keshea? Moe, panongu ye khilemu kujomoe; panongu ye kujoke ye mthae. Ikehu I no pano ghimeke tsala lo, panongu ye ikiqive kemi gholono ikiqive nani, ipi Ampeu no pi.

AKUMLO 3:60

Pano mkhükulu eno I shou küsüqe keu kümtsü Nono ithuluvae.

AKUMLO 3:61

“Panow thokügha eno I shou küsüqe akeu kümtsü Nono chiluvae, O Ampeu.

Luke 21:22

kughengu yepüa keu kümtsü shikupu keu shi hi ye amkhükulu ghuloki ake.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.