JEREMIYA 18:22 - Sumi Naga CL (Re-edited) Bible (BSI)

²² Kughou Nono züleno küpkami pano lau saghini keno pano ki lono aküqa chilu pelo. Kughengu panongu ye I kitime nike aqo chhuvae, eno I pukhu meluve nike alichhe shivae.

BAIBEL (BSI)

²² Zuleno heqhi buqhi kemi loji panoqo kilo puwulo eno panoqo pelo musa ighu kelauno igha penike. Panonguno ipelo veqhi ilopenike aqoh lakhi chhu puani eno imeluniye alichhe shipuanike.

JEREMIYA 18:22 Iomraidhean Croise

LESHELE 119:85

Aqheküzami no I ghenguno aqo chhupe qhivae; panongu ye O yezah kiqi lono xü chemoe.

LESHELE 140:5

Qheza-laki chekemi no I ghenguno alichhe shipüani; panongu no ayitho lichhe shipüani; panongu no I ghenguno ala lo alichhe shipe qhipüani.

LESHELE 140:6

I no Ampeu vilo pi, No ye I Lhou, kimiyeqhiyi penike I no qhüiniju keu sütsa chilu tsülo O Ampeu!

LESHELE 142:4

Ajeu jupuwo julo: khunomu ni ithulu amoe; I no ijekulupu kiumu kühae; khunomu I ngulho hiju amoe.

LESHELE 38:12

I küxü phuche kemi no alichhe thepe qhitsüe; I ghüza niye phuche kemi no kütsakungo tsa picheni eno atsala kupuju pishiqhi nike kümsükutho cheni.

ISAIAH 10:30

O Gallim ngaqo, ighamkulo! O Laishah, amlotsü qhiyi inilo! O Anathoth kimiye nolae!

JEREMIYA 18:20

Alhoksa pesü akivi lochile kepu keshea? Tishimu panongu ye I küxü ghenguno aqo chhuvae. I no panongu kivipu ghenguno, panongu launo O loghu tuchileve penike, O zülo puthugho no pi chekeu kümsülu tsülo.

JEREMIYA 20:10

Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

JEREMIYA 20:16

Timi tipau ye Ampeu no küpümo no mishighünaqo haleve ketoi pelo; pa pelo inaqhe aküqa chilu pelo eno puchou kütüghü keu sütsa chilu pelo,

JEREMIYA 4:31

Topumi no apunu küsü ghügha shi aketoi I no chilu; li no anga punu tüghülo ijuke toi Zion limi ye atuthu shekukuno qa ani, li u chhopuwu ani, “I hasapue! Ghikiqhimi zülo ni ye thiqhi ani.”

JEREMIYA 5:26

Kixikilami timiqo Iw timi gholono phulue; aghau lichhe shiche kemi toi, timi meluni ke ihozüpe ngokhe. Panongu no timi menike aküsü piqepe qhie.

JEREMIYA 6:26

O Iw timi ngaqo, yeqhiyephi pepu no ayevu lo ihilo; anu lakhi likhi keu ghenguno mlo ketoi, kukhukimji shi mloqa lo, kughengu züleno hekiqhimi no ningu shou ikughuni cheni.

ZEFANIA 1:16

aliwo kumto eno qhemghaike qoghe akeu mishighünaqo shou afuko igha eno aghüle kukeu tsalae.

MATTHEW 22:15

Tileno Phariseemi ye wuve no pa tsa lono pa kitime niye kuchughu.