JEREMIYA 18:20 - Sumi Naga CL (Re-edited) Bible (BSI)

²⁰ Alhoksa pesü akivi lochile kepu keshea? Tishimu panongu ye I küxü ghenguno aqo chhuvae. I no panongu kivipu ghenguno, panongu launo O loghu tuchileve penike, O zülo puthugho no pi chekeu kümsülu tsülo.

BAIBEL (BSI)

²⁰ Akivi ghenguno alhoksa lochileni kesha? Ikeghi panonguye ipelo veqhi ilo penike aqoh lakhi chhupuanike. Ino panoqo ghengu kishi olau ighino ovilo pikeno kumsululo, tishianguno opelo aloghu kighide shi panoqo peitha pemoniyeke.

JEREMIYA 18:20 Iomraidhean Croise

JOB 6:27

Nongu ye mighimi ghi luveni ye asaqhi cheni kehu, eno shompami jechuve chenie.

LESHELE 106:23

Tighenguno Pa no panoqo kütsaveni ipi— Paw kishekiphe qeu Moses no Pa zülo puthugho moke aye, Pa loghu no panoqo kütsave niye akeu süchile mlani cheke.

LESHELE 119:95

Kixikilami no I kütsave niye I ngokhe, ikemu ni ye O yezah lo kümsüpuku ani.

LESHELE 35:12

Panongu no akivi züqhulo alhoksa I tsüchile; I ngulho ye imelhovae.

LESHELE 35:7

Kughengu kütsazü shi panongu no I ghenguno alichhe shipeqhi; I ghenguno panongu no kütsazü shi aqo chhue.

LESHELE 38:20

Khunono akivi züqhulo alhoksa pesü I tsü keno panongu ye I no akivi pape kehu I ngukube ani.

LESHELE 57:6

Panongu no I pukhu lo ayitho thepe qhitsüe; I ngulho no aghimeküsa shive. Panongu no I la lo aqo chhupe qhi, ikemu pano likhi pano no tile ikiqi ilovae.

LESHELE 7:15

Pa no aqo chhupe qhicheni, eno pau no tile ikiqi ilove cheni.

AHOLE 17:13

Khuana no alhoksa pesü akivi lochile aghi aye alhoksa ye khilemu pa ki lono ipemae.

AHOLE 26:27

Timi kitimeni ke aqo chhukemi ye pau no ikiqi ilove nani, khunono atu tukuluqhini keno pau shou ilu ikughi nani.

YETSAPIU 10:8

Khuu no aqo chhu keno pa no tile ikiqi ilove nani; khuu no akupuwu vexü ilo keno, apighi no mighi nani.

JEREMIYA 11:14

“Tighenguno timi hipaqo ghenguno inikhu kevi, momu pano züqhushi ighamku khu kevilo, kughengu pano veküsa lo panongu no I kunamu Ni ye ini tsümo nani.

JEREMIYA 14:20

O Ampeu, nino niw kixikila eno ni puasüqo xine piphe ani, kughengu ningu ye O shou axine shivae.

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

JEREMIYA 17:18

I ghimeqhi kemi shikukujo lo, ikemu I shikukujo tsü kevilo; pano pelo aghüthi süve pelo, ikemu I ghüthipüsü tsü kevilo; pano shou amhekiqi süghi tsülo; küghüsü no pano kütsave lo!

JEREMIYA 18:19

I tsa ini tsülo, O Ampeu; eno I külami sütsa inilo.

JEREMIYA 18:22

Kughou Nono züleno küpkami pano lau saghini keno pano ki lono aküqa chilu pelo. Kughengu panongu ye I kitime nike aqo chhuvae, eno I pukhu meluve nike alichhe shivae.

JEREMIYA 27:18

Panongu no tungkupmi shiaghi, eno Ampeu tsa no panongu gholo aghi aye, panongu pelo aqokitikhi MPEU qhüiniju pelo, tishianguno akhu ajukhu Ampeu kilo, Judah kükau kilo, eno Jerusalem lo akeqo ye Babylon lo pewuve pemoni.

JEREMIYA 5:26

Kixikilami timiqo Iw timi gholono phulue; aghau lichhe shiche kemi toi, timi meluni ke ihozüpe ngokhe. Panongu no timi menike aküsü piqepe qhie.

JEREMIYA 7:16

“No ye timi hipaqo ghenguno inikhu kevi, momu ighamku pano züqhushi qhüiniju kevilo, kughengu Ni ye o kighini chilu tsümo nani.

AKUMLO 3:59

I lau akumou shikeu Nono ithuluvae, O Ampeu; I she pe ghi küghatha tsülo.

John 10:32

Jisü no panoqo khochile, “I no nongu zülo akümla kivi kutomo Apu launo ighikeu piyevae; tipaqo dolo khikhiu ghenguno nongu ye atu pesü I veqhi niye ani kea?”

John 15:25

Ikemu panongu Yezah lo yepüakeu tsa ye shikupu masae: ‘Jekujeli kühamu panongu no I mithike.’

SAMUEL ATUGHIU 19:4

Jonathan no David ghili kivi küsaje eno pa pu vilo pi, “Akükau pelo pa qeu David shou axine shi penishi amoe, kughengu pa ye o shou axine shi püamo, eno pa kümla no o lau akivi süghi püanie.