JEREMIYA 18:16 - Sumi Naga CL (Re-edited) Bible (BSI)

¹⁶ pano yeghi pesü akümsapu shitsüe, alholo ghenguno atichepu shivae. Tipau veche kemi kümtsü no thüghüi pano kütsü küngüe.

BAIBEL (BSI)

¹⁶ Panonguno hipau yeghi pesu jukichi kepu eno pulhapujulo jukimthipu shive tsuake. Tipau veche wuchekemi kumtsuno jukichipe kutuxoxoke. Panonguno akumzaqhiyi kelauno akutsu kunguke.

JEREMIYA 18:16 Iomraidhean Croise

KUKAMI ATUGHIU 9:8

Aki hipau ye ixapinyive nani, eno hi veche iqhoiqi kemi kümtsü no akümza qhiyi pi nani, ‘Kushiye Ampeu ye hipa yeghi eno aki hipau shou hi shivetsü kea?’

YEKIKITHI AKINIU 29:8

Tighenguno Ampeu loghu Judah ngo Jerusalem shou ikughi, eno Pa no tipaqo lau akümsapu, akichiqhipu, jukünatha kepu shivetsü, ti ye nongu nhethi ghi ithulu anie.

LESHELE 109:25

I ngukube akeqo lau ni ye küthaküghapu thime shivae; kughou panongu no ni ithuluni keno, pano kütsü küngüe.

LESHELE 22:7

I ju ithulu kemi kümtsü no I junue; panongu no amtsü yelepe I tsü; akütsü küngü tsü;

LESHELE 44:14

Nono ni pelo shiyeqo tichetighepu shipe, ashiayeqo zükutunupu shivepe.

ISAIAH 37:22

Ampeu no pa ghenguno pikeu tsa hike: “Zion limi alhotheqo no o cheqhi eno o jukünatha ani; Jerusalem limi no o thiu no akütsü küngüpe o junuqhi anie.

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

JEREMIYA 19:8

I no mishighüna pesü akümsapu shivetsü, atichepu thime kughulhove tsü nani. Tipau veche kemi kümtsü no kichimamaive nani eno aghüzaku jukünatha nani.

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 29:18

I no azütakikihi, akhüava, eno püsa pelo panongu pape peni, eno ayeghi lo kükaqha kümtsü zülo akümsapu shitsüni, I no panongu hapuwuve keu shiyeqo gholo panoqo pesü angusüpu, akümsapu, aküighüpu, atichepu, eno thoküghapu shitsüni,

JEREMIYA 42:18

“Kughengu aqokitikhi MPEU, Israel Lhou no ishi piani: I no Jerusalem lo küami shou I loghu puku ketoi nongu Egypt lo wuve kemi shou ghi puku nani. Nongu ye ghukushopu, aküighüpu, thoküghapu shive no a-a hipau khilemu ithumlave nani.

JEREMIYA 44:12

Judah lo ghükulumi khunoqo Egypt lo wuno tilau xüuveni shi ani keno, kümtsü kütsave nani. Egypt yeghi lono panongu ye azütakikihi ngo püqümiye lono ikiqive nani. Kijemi kitilami kümtsü azütakikihi momu püqümiye lono thive nani, eno panongu je pesü akumou shoqhi lo peitha nani, pano jukichi nani, eno müsüini cheqhi nani.

JEREMIYA 48:27

No ye Israel cheqhi cheke kumo? Israel ye küpkami kesheno nono pa ghili pi aye, o kütsü küngü thaigha che kea?

JEREMIYA 49:13

Kughengu Ampeu no sheshu, Ni ampi no tushoqhi anike Bozrah ye akümsapu, atichepu, küghüküghai, eno ghukushopu shive nani, eno tile mishighüna kümtsü alholo ixapinyive nani.”

JEREMIYA 49:17

“Edom ye akümsapu shive nani. Khukhumu ti kathawu keu ye shithüghüive nani eno aghüzaku jukünatha nani.

JEREMIYA 50:13

Ampeu loghu ghenguno tile küghüna move nani ikemu ixapinyi qhive nani; ti kathawu kemi no thüghüi eno aghüzaku jukünatha nani.

JEREMIYA 51:37

Babylon ye atachu shi kütsaleve nani, tüngtügha kungo-a shinani, akümsapu eno thoküghapu-a shino timi küghüna move nani.

JEREMIYA 51:43

Li phughiqo ye kümsapu, züha eno asayeqha yeghi shivae, khunomu küghüna movae, eno khunomu kathawu movae.

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

AKUMLO 1:12

“Nongu itsüche keqo müzülo hi ye kiumu kumo keshea? Julo, I mloghime khikhi Ampeu no Pa loghu tsala lono I shou pukutsü keno titoi keu mloghime ani kemo keno kümsüju lo.

EZEKEL 12:19

Ayeghi hipau lo timiqo vilo pilo, Ampeu no Israel yeghi lo Jerusalem lo küxümi vilo ishi piani: Panongu no kütakihi panow sho chunani, eno aghüthisü azü yenani. Hipa ghola lono li yeghi lo akeu thime kümtsü xaleve tsü nani, ti ye hipau lo küxümiqo no heqhi buqhi keu ghenguno ke.

EZEKEL 27:36

Ashiayeqow kilhikishimi no o cheqhi ani; no ye akümsapu shi kishekhavae eno alholo ghenguno kühave niae.’”

EZEKEL 36:3

tighenguno tungkuptsa pilo, Ampeu Alhou no ishi piani: Kughengu mtsüqheino panongu no nongu pesü kütsaleve eno ako kümtsü lono nongu chisheqhi kehu nongu ye shiye kütami no lepuwuve, timi tsa kipipu eno kixikila shi xishi-jeku keu shive kehu,

EZEKEL 6:14

I no panoqo shou I u chhopuwo nani, asayeqha lono Riblah kutolo panongu no küghüna akeu kümtsü küghüküghalei shipüsave tsü nani. Tileno panongu no Ni ye Ampeu kepi ithi nani.”

ACHINE 26:32

Ni ampi no aghakhu kütsale nani eno no ghümi tile akemi no apuchopungo nani.

ACHINE 26:43

Ikemu aghakhu lo küami ye ti qhive paghi masa, ayeghi ye timi kühano akulho qhilu masa, eno timiqo no I khuaye ngo Iw pimheye milive ke ghenguno shikithe masae.

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

MATTHEW 27:39

Tipau vechesü wuche kemi no pano kütsü küngü ghi Jisü thaigha,

Mark 15:29

Khunoqo ti kathawu keno panongu no pa thaigha ghi akütsü küngü tsüno pi, “Aha! No achineki kütsave no atsala küthü lono shiqhe kitheni küau,

ZAKINIU 28:59

Ampeu no nongu shou eno no tianuli shou paküta keu püsa, shipivimla keu eno akümsapu küsü pukutsü nani.

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—