JEREMIYA 18:12 - Sumi Naga CL (Re-edited) Bible (BSI)

¹² “Ikemu panongu no pi, ‘Ti ye adoue! Ningu ye ni kukughu pape nani; eno pütüta no kuthovi eno amlo lhoksa shikeu kiqi lono mla nani.’

BAIBEL (BSI)

¹² Panonguye ishi khochile nani, ‘Ninguye kilini chemoe, kushiye kili ani kya? Ninguye nino shinike thaqhu kuthovi eno alhoksa shi ache nanike! ’ ”

JEREMIYA 18:12 Iomraidhean Croise

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

KUKAMI AKINIU 6:33

Pa no pi aphi lono, atsapeu no pa lau iqighi no pi, “Aküküpna hipau ye Ampeu launoe! Ni ye kushiye Pa kheani kea?”

ISAIAH 57:10

Nongu no alaghi kushu jupe qeive, ikemu nongu ye ishi pimoe, “Hi ye lajupu kühae”; nongu küka kumto tsü penike aküxü kithe phulu, eno tighenguno nongu ye qeinaive moke.

ISAIAH 65:2

Hekibidemi salu nike atsala kupuju I u sükhope kheke, panoqo ye alaghi lhoksa lo cheni, eno pano mqü lhoksa papeke;

JEREMIYA 11:8

Tishimu panongu no agholumo eno pano kinimu kughopuwo moe, ikemu kümtsü no pano mlo lhoksa lo kuthovi auve. I no panoqo pelo pelu penike azah tsü kemu panongu no pemo kehu puloshoqhi lo müsüini keu kümtsü panongu shou puku tsüe.”

JEREMIYA 16:12

eno nongu no no puasüqo nguno alhoksau shiveke, nongu kümtsü no I tsa inimo no kuthovi, kixikila pulou shike.

JEREMIYA 2:25

O pukhu kümsa shive moke kutolo eno o kughoki qhaive moke kutolo po kevilo. Ikemu nono pi, ‘Hi ye akiqi kühae, kughengu ni ye inaghami kimiyeve ake pano pape wuni.’

JEREMIYA 23:17

Panongu no Ampeu tsa thaigha chekemi vilo tamono picheni: ‘O ghenguno akivipu ani’; eno kuthovi ghi amlo pape chekeu vilo picheni, ‘O shou amhekiqi ighimo nani.’”

JEREMIYA 3:17

Tipau ghuloki lo Jerusalem ye Ampeu kükalakhü ipi kunani, Jerusalem lo Ampeu nhethe lo shiye kümtsü tile kumqo nani, panongu ye kuthovi ghi pano mlo lhoksa papemo nani.

JEREMIYA 44:17

Ikemu ningu ye nino tushoqhive keu shi nani, atsütsü kükaliu lau akümllagho tsü nani, eno Judah ngo Jerusalem laghila lo ningu eno ni puasüqo, niw kükami ngo hiyampemi no shiche ketoi atsaiji kümllagho pesü li tsü nani. Kughengu ningu ye achuqupu no kupukuno eno kinikülü shino aküpüna kiumu ithumlano acheke.

JEREMIYA 6:17

I no o shou ghukhemi qhino pi, ‘Tsaqüi afuko ghügha inilo!’ Ikemu panongu no pi, ‘Ningu ye amlo tsümo nani.’

JEREMIYA 7:24

Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

EZEKEL 37:11

Tileno Pa no I vilo pi, “Timi nu, asaghi hipaqo ye kümtsü Israel kibolomi ke. Julo, panongu no pi, ‘Ningu saghi ye qhaivae, eno ningu küpkhü ye kühavae; ningu ye mtsüqheino kütsavae.’

MALAKI 3:14

Nongu no pi, ‘Ampeu qe akeu ye adoue. Pa za pape momu qanimlo Ampeu zülo chewu keu lo kiu ala ani kea?

Luke 1:51

Pa no Pa u mlo lo aküka pephe; amlo alou no qheza chekemi Pa no kutholevae;

ZAKINIU 29:19

Milakhi no hi puloshoqhi lo yepüa keu chilu no pa ampi kümghatsü ghi, ‘I no kuthovi ghi xüani kemu, ni ye sükusho qholo anie,’ ipi aghi aye, hitoi kemi ye akivimi eno alhoksami kümtsü aphiphishi joleve nani.