JEREMIYA 17:8 - Sumi Naga CL (Re-edited) Bible (BSI)

⁸ Pa ye azü phivilo asübo shosü püakeu toi, ti ye aghoki lo azü no akuhu pütsütsü cheni, akülü tsala ighimu msamoe, pa nipa ye xüthilei acheni, ti ye züha mpe lomu mlomoe, ti ye axathi pithi tave chemoe.

BAIBEL (BSI)

⁸ Paye asubo lakhi aghokiti phivilo thuwu ake toi eno azulo akuhu qupuwu akeu toike. Shukuthuikeu tsala ighi pinamu musaighu chemoe, kughengu tipau nipaye akuxu shi acheni; Kughono tsughu moveni keno tiye amloksa shichemo, tiye axathi pithi achenike.

JEREMIYA 17:8 Iomraidhean Croise

JOB 29:19

I kuhu pesü azü küdau qüsüni eno puthotsü atsüzü no I lokaqo lo qipuku peni,

JOB 8:16

Pa ye khetsünhe küvü lo atsüni no thuwu ake toi, aghutu kuchopu qhawove cheni.

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

AHOLE 11:28

Khunono aküakini pükhü cheni keno ikiqive nani, ikemu amikuchomi ye atsünipa küxü toi thuikulu nani.

ISAIAH 58:11

Eno Ampeu no tamono nongu mijetsü nani, eno küsakusho lo ghi nongu pulou shitsü nani, nongu saghi shikumtotsü nani; eno nongu ye azü no pütsüve keu ghutu toi nani, eno azü hauvemo keu ghoki toi nani.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

JEREMIYA 39:18

Kughengu I no kuchou no o xalu nani, no ye ghüyi lono womo nani, ikemu aghüshi lono aküxü pükhalu nani, kughengu nono I shou pükhübe ke, ipi Ampeu no sheshu.’”

EZEKEL 31:3

Julo, Assyria ye Lebanon lo cedarbo lakhi ke, jukivi loka eno aghasü kicheqho, chuqumghai iku khüngküsü toe.

EZEKEL 47:12

Aghoki xüsa hikukuu eno hukukuu achuqupu shi penike asübo jeli thuipeghi nani. Tipaqo nipa ye ighüivemo momu athi pithi-ixivemo nani, ikemu aqhi atsütsü axathi anileshi pithi nani, kughengu tipaqo ghenguno akimtheki lono azü qoighi nani. Tipaqo xathi no achuqupu shi nani, eno anipaqo no shikipivi ghenguno peitha nani.”