JEREMIYA 17:25 - Sumi Naga CL (Re-edited) Bible (BSI)

²⁵ David kükalakhü lo iqa akemi kükami eno kijemi no mishighüna lo khurkulu ngo khurshi lono pano gholo Judah ngo Jerusalem lo küxümi sasü khagho veche ilo nani. Eno mishighüna hipau ye alholo küghüna nani.

BAIBEL (BSI)

²⁵ Tishianguno panoqo kukami ngo sakiphemiye Jerusalem kikhaqolo ilolu nani eno David no ayehkipe kuka akeu qhemi alunanike. Juda lo akemi ngo Jerusalem lo akemiqo kumtsa puzu panonguno khurkulu ngo khurshi shou ikulu nani eno Jerusalem phughi pulhapuju timino chhitoi alunani.

JEREMIYA 17:25 Iomraidhean Croise

SAMUEL AKINIU 7:16

O lagha eno o kükaqha ye alholo I zülo mtsüqhei anani. O kükalakhü ye alholo ghenguno shosüve nani.’”

SAMUEL AKINIU 8:4

Eno David no pa launo khurshimi 1,700 eno ghüshimi qhethonhe muku luvetsü. David no khurkulu sala khurshiqo qhiluve no kümtsü apukhu hechheve tsü.

IPEKULU 12:14

“Hipa tsala ye nongu ghenguno kümsümamo keu tsala lakhi shi nani, eno Ampeu lau tiqhetini lakhi shi nongu no hipau pechelo, tiqheli kümtsü lo ayezah lakhi shi nongu no hipau tiqhetini peni.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 13:13

Tile nono panongu vilo pini, ‘Ampeu no ishi piani: Julo, I no ayeghi hile küghüna akemi kümtsü pesü shokümzümi shivetsü nani: David kükalakhü lo iqa akemi kükami, achinemi, tungkupmi, eno Jerusalem lo küxümi kümtsü.

JEREMIYA 22:2

“Ampeu tsa inilo, O Judah kükau, David kükalakhü lo iqa akeu, no eno o qemiqo, eno khagho hipaqo lo ilo chekeqo.

JEREMIYA 22:30

Ampeu no ishi piani: “Timi hipau ye anuhami kepi yepe qhilo, pa ye pa küxü lo tokulu shimo nani, kughengu pa kughukomi khumu David kükalakhü lo iqa no Judah lo ayepe lumoae.”

JEREMIYA 22:4

Nongu no kuchou no atsa hipau gholu aye, David kükalakhü lo iqa akemi kükamiqo no khurkulu eno khurshi sasü kijemi ngo timiqo no pape no kükaki hipau khagho lo ilo nani.

JEREMIYA 25:5

eno pi, ‘Itehi nongu pütüta laghi eno akümla lhoksa lono tsüghü ighilo, eno Ampeu no khaghi no alholo ghenguno nongu eno no puasüqo tsükeu yeghi lo xülulo.

JEREMIYA 33:15

Tipa tsala eno aghuloki lo David ghenguno amikucho Loka lakhi I no ishe ipeghi penani, eno pa no ayeghi lo achipiu eno amikucho xakütha shinani.

JEREMIYA 33:17

“Kughengu Ampeu no ishi piani: David laghami ye Israel kükalakhü lo iqani keu kühave monani,

JEREMIYA 33:21

I qeu David sasü, eno Levi chinemi I zülo hukuthumi sasü I no puloshoqhi shi püakeu ghi hepho luve nani, tishianguno David ye pa kükalakhü lo ayepeni kemi kühave nani.

JEREMIYA 7:3

Aqokitikhi MPEU, Israel Lhou no ishi piani: Nongu laghi eno no kümla kilive lo, eno I no nongu pelo hile xülupe nani.

JEREMIYA 7:7

I no khaghi no alholo ghenguno no puasüqo tsüve keu yeghi hipau lo nongu pelo xülupe nani.

ZAKINIU 17:16

Akükau ye khurshi kutomo pa sala qhimoni, momu khurshi qhünike Egypt lo paw timi pelo idewo pemoni, kughengu Ampeu no ishi nongu vilo pivae, ‘Nongu ye khilemu tipa laghi lo idewo moae.’

IBRIMI 12:22

Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

SAMUEL ATUGHIU 8:11

Pa no pi, “Akükau khuu no nongu shou ayepeni keno, pa no hipaqo shi nani: pa no nongu nuliqo sawuve nani, paw khurkuluqo ghenguno süsü nani, khurshimi shipe nani eno paw khurkuluqo zülo chewupe nani.